ഇയാളുടെ ഭാര്യയായ ചെന്നിത്തല തൃപ്പെരുന്തുറ കൊറ്റോട്ടുകാവില്‍ രാജിയെ മര്‍ദിച്ചശേഷം വധിക്കാൻ ശ്രമിച്ചതിനാണ് ഇയാള്‍ക്കെതിരേ കേസെടുത്തത്.
കഴിഞ്ഞ ദിവസം രാത്രി 10.30നാണ് സംഭവം. മാവേലിക്കര എഫ്സിഐ ഗോഡൗണിലെ തൊഴിലാളിയായ ഇയാള്‍ കാറില്‍ മദ്യവുമായി വീട്ടിലെത്തിയത് രാജി ചോദ്യം ചെയ്തു. ഇതില്‍ പ്രകോപിതനായി ഇയാള്‍ രാജിയെ ക്രൂരമായി മര്‍ദിച്ചു. ബഹളംകേട്ട് പരിസരവാസികളും ബന്ധുമിത്രാദികളും എത്തിയപ്പോള്‍ വെട്ടുകത്തിയുമായി അവര്‍ക്കുനേരേ അടുത്തു.ഇതോടെ നാട്ടുകാർ വിവരം പോലീസിൽ അറിയിച്ചു.പോലീസെത്തുമ്പോൾ ഇയാൾ വെട്ടുകത്തി രാജിയുടെ കഴുത്തില്‍വച്ച്‌ കൊല്ലുമെന്ന് ഭീഷണിപ്പെടുത്തിക്കൊണ്ടു നിൽക്കുകയായിരുന്നു.
പോലീസ് സംഘം ബലമായി ഇയാളെ കീഴ്പ്പെടുത്തിയശേഷം അറസ്റ്റ് ചെയ്യുകയായിരുന്നു..മാന്നാര്‍ എസ്‌എച്ച്‌ഒ ജോസ് മാത്യു, എസ്‌ഐ സി.എസ്. അഭിരാം, എഎസ്‌ഐമാരായ ജി മധുസൂദനന്‍, മോഹന്‍ദാസ്, ശ്രീകുമാര്‍, ഷിനു എന്നിവരടങ്ങുന്ന സംഘമാണ് പ്രതിയെ പിടികൂടിയത്.
