നടപടി എടുക്കാത്തതിന് കാരണം ഭയമാണോ അതോ അഡ്ജസ്റ്റ്‌മെന്റ് രാഷ്ട്രീയമാണോയെന്നും കെ സി വേണുഗോപാല്‍ ചോദിച്ചു. ഇന്ത്യ സഖ്യമല്ല മറിച്ച്‌ എന്‍ഡിഎയാണ് സാമ്ബാര്‍ മുന്നണിയെന്നും അദ്ദേഹം പരിഹസിച്ചു. ദില്ലിയില്‍ മാധ്യമപ്രവര്‍ത്തകരോട് സംസാരിക്കുകയായിരുന്നു അദ്ദേഹം.
‘സ്ത്രീ ശക്തി മോദിക്കൊപ്പം’ എന്ന പരിപാടി നടത്തേണ്ടത് തൃശൂരിലല്ല, മണിപ്പൂരിലായിരുന്നു എന്നും കെ സി വേണുഗോപാൽ പറഞ്ഞു.കുറഞ്ഞപക്ഷം മണിപ്പൂരില്‍ എന്ത് സംഭവിച്ചുവെന്നതിനെപ്പറ്റിയെങ്കിലും പ്രധാനമന്ത്രി പറയണമായിരുന്നു. മണിപ്പൂരിലെ സ്ത്രീകള്‍ക്ക് എന്തു സംഭവിച്ചു എന്ന് പറയണം. കേരളം കാത്തിരുന്നത് അതാണ്. എന്നാല്‍ അതേക്കുറിച്ച്‌ ഒരക്ഷരം മിണ്ടിയില്ലല്ലോയെന്നും അദ്ദേഹം ചോദിച്ചു.
