കോഴിക്കോട്: കേരള ബ്ലാസ്റ്റേഴ്സ് കോച്ച് ഇവാൻ വുകോമനോവിച്ചിന്റെ രാജ്യമായ സെർബിയയിൽ നിന്നും ഫുട്ബോൾ താരത്തെ സ്വന്തമാക്കി ഗോകുലം കേരള എഫ്സി.
സെർബിയൻ മിഡ്‌ഫീല്‍ഡര്‍ നിക്കോള സ്റ്റോഹാനോവിച്ചിനെയാണ് ഗോകുലം കേരള എഫ്സി സ്വന്തമാക്കിയത്.
മോണ്ടിനെഗ്രിൻ ക്ലബ്ബുകളായ ഒ എഫ് കെ പെട്രോവാക്, എഫ് എഫ് കെ ഡെസിക് തുസി എന്നിവയ്ക്കായി കളിച്ചിട്ടുള്ള താരമായ നിക്കോള സ്റ്റോഹാനോവിച്ച് കൊൽക്കത്ത മുഹമ്മദൻ എസ്‌സിയുടെ മുൻ ക്യാപ്റ്റനായിരുന്നു. ലീഗില്‍ ഇരുപത്തിയഞ്ച് മത്സരങ്ങളില്‍ നിന്ന് അഞ്ച് ഗോളുകളും പത്ത് അസിസ്റ്റുകളും താരം നേടിയിട്ടുണ്ട്.
ജനുവരി ആദ്യവാരം നിക്കോള ടീം ക്യാമ്ബില്‍ ചേരും. ജനുവരി 11 മുതല്‍ 21 വരെ ഒഡീഷയില്‍ നടക്കുന്ന സൂപ്പര്‍ കപ്പിന്റെ പ്രാഥമിക റൗണ്ടില്‍ ടീമിനായി നിക്കോള കളിക്കും.ഇപ്പോള്‍ ഇടവേളയ്ക്ക് പിരിഞ്ഞ ഐ ലീഗില്‍ പതിനേഴു പോയിന്റുമായി ഗോകുലം ആറാം സ്ഥാനത്താണ്.
