വീട്ടിലേയ്ക്ക് അനായാസമായി ഉണ്ടാക്കിയെടുക്കാവുന്ന ഒരു വാനില കേക്ക് പരിചയപ്പെടാം. അതിഥികള്‍ക്കും വീട്ടിലുള്ളവര്‍ക്കും ഒരുപോലെ ഇഷ്ടപ്പെടും. വാനില കേക്ക് തികച്ചും ലളിതമാണ്. ആദ്യമായി കേക്ക് ഉണ്ടാക്കുന്നവര്‍ക്കും പരീക്ഷിക്കാൻ പറ്റിയ കേക്കാണിത്.
ചേരുവകള്‍
മൈദ – ഒരു കപ്പ്
മുട്ട – 3 എണ്ണം
പഞ്ചസാര- ഒരു കപ്പ്
ബേക്കിംഗ് പൗഡര്‍ – 1 സ്പൂണ്‍
ബേക്കിംഗ് സോഡ – കാല്‍സ്പൂണ്‍
സണ്‍ഫ്ളവര്‍ ഓയില്‍ – അരക്കപ്പ്
പാല്‍- 2 സ്പൂണ്‍
വാനില എസ്സൻസ്- അര സ്പൂണ്‍
പാചകരീതി
ആദ്യം കേക്കിനായുള്ള മാവുണ്ടാക്കാനായി മൈദ, ബേക്കിംഗ് സോഡ, ബേക്കിംഗ് പൗഡര്‍ എന്നിവ നല്ലതുപോലെ യോജിപ്പിച്ചെടുക്കണം. ഇത് അരിപ്പയില്‍ അരിച്ചെടുക്കുന്നതും നല്ലതായിരിക്കും. ഇത് നന്നായി യോജിപ്പിച്ച്‌ മാറ്റി വെയ്ക്കുക. ശേഷം ഒരു പാത്രത്തിലേയ്ക്ക് മുട്ട പൊട്ടിച്ചൊഴിക്കണം. അതിലേയ്ക്ക് കുറച്ചായി പഞ്ചസാര മുഴുവൻ ഇട്ടു കൊടുത്തു നന്നായി ഇളക്കി യോജിപ്പിച്ചെടുക്കണം.ശേഷം മുട്ട നന്നായി ബീറ്റ് ചെയ്തെടുക്കാം. ഇതിലേയ്ക്ക് വാനില എസ്സൻസും ചേര്‍ക്കണം. ഈ മിശ്രിതം നേരെത്തെ എടുത്തുവെച്ച മൈദയിലേയ്ക്ക് ചേര്‍ത്ത് നന്നായി യോജിപ്പിക്കണം.
കൂടെ പാലും സണ്‍ഫ്ളവര്‍ ഓയിലും ചേര്‍ത്ത് നല്ലരീതിയില്‍ യോജിപ്പിച്ചെടുക്കണം. ശേഷം കുക്കറിന്റെ മൂടി മാറ്റി അത് അടുപ്പില്‍ കുറച്ച്‌ സമയം ചൂടാക്കാൻ വെയ്ക്കുക. ചുവടുറപ്പുള്ള പാത്രത്തില്‍ നെയ്യ് പുരട്ടിയശേഷം കേക്ക് മിക്സ് ഒഴിച്ചുകൊടുക്കാം. കുക്കറില്‍ ഒരു സ്റ്റാൻഡ് വെച്ചശേഷം അതിന് മുകളില്‍ കേക്ക് പാത്രം വെച്ചുകൊടുക്കാം. ശേഷം വാഷറും വിസിലും മാറ്റിയ ശേഷം നല്ലപോലെ മൂടി 30 മിനിറ്റ് വേവിക്കണം. ശേഷം ചൂടാറുമ്ബോള്‍ മുറിച്ച്‌ ഉപയോഗിക്കാം.
ഓർക്കുക: ഭക്ഷ്യസുരക്ഷ വകുപ്പിന്റെ ലൈസന്‍സില്ലാതെ വീടുകളില്‍ കേക്കുണ്ടാക്കി വില്‍ക്കുന്നത് ശിക്ഷാർഹമാണ്.രജിസ്ട്രേഷനില്ലാ
വീടുകളില്‍ ഭക്ഷ്യവസ്തുക്കള്‍ നിര്‍മിച്ച്‌ വില്‍പന നടത്താന്‍ ഭക്ഷ്യസുരക്ഷ വകുപ്പിന്റെ രജിസ്ട്രേഷന്‍ നിര്‍ബന്ധമാണ്. ഒരു വര്‍ഷത്തേക്കുള്ള ലൈസന്‍സ് ഫീസ്‌ വെറും 100 രൂപ മാത്രമാണ്.
ഭക്ഷ്യ സുരക്ഷ ഗുണനിലവാര അതോറിറ്റിയുടെ കീഴിലുള്ള FoSCoS എന്ന പോര്‍ട്ടല്‍ വഴി സ്വന്തമായി അപേക്ഷിക്കാന്‍ സാധിക്കും. അല്ലെങ്കില്‍ അക്ഷയ കേന്ദ്രങ്ങള്‍ വഴിയും ലൈസന്‍സിനുള്ള അപേക്ഷ സമര്‍പ്പിക്കാം. ഏഴ് ദിവസത്തിനുള്ളില്‍ രജിസ്ട്രേഷന്‍ ലഭിക്കും.
