ഇടുക്കി: ശാന്തന്‍പാറയില്‍ ഉരുള്‍പൊട്ടല്‍. രണ്ടു വീടുകള്‍ക്ക് കേടുപാട് സംഭവിച്ചു. ശാന്തൻപാറയില്‍ പേത്തൊട്ടി ദളം ഭാഗത്ത് ആണ് സംഭവം.
ഇന്നലെ വൈകീട്ട് ഏഴ് മണി മുതല്‍ മേഖലയില്‍ ശക്തമായ മഴ പെയ്തിരുന്നു. 9 മണിയോടെയാണ് ഉരുള്‍പൊട്ടലുണ്ടായതെന്ന് പ്രദേശവാസികള്‍ പറയുന്നു.
അപകട സാധ്യത കണക്കിലെടുത്ത് പ്രദേശവാസികളെ ഇവിടെ നിന്ന് മാറ്റി പാര്‍പ്പിക്കും.വീടിന്റെ മേല്‍ക്കൂര നീക്കിയാണ് വീട്ടുകാരെ പുറത്തെത്തിച്ചത്.
വെള്ളം കരകവിഞ്ഞ് ഒഴുകുന്നതിനാല്‍ പ്രദേശത്ത് പുറത്തുനിന്നുള്ളവര്‍ക്ക് എത്തിപ്പെടാനും ബുദ്ധിമുട്ട് നേരിടുന്നുണ്ട്. നിലവില്‍ ആറ് പേരെ ഇവിടെ നിന്നും മാറ്റിപ്പാര്‍പ്പിച്ചിട്ടുണ്ട്.
