ആലപ്പുഴ: തുറവൂരില്‍ വീടിനുള്ളില്‍ പൊലീസുകാരന്‍ തൂങ്ങിമരിച്ച നിലയില്‍. കൊച്ചിന്‍ ഹാര്‍ബറില്‍ പൊലീസുകാരനായ തുറവൂര്‍ കന്യാട്ട് വീട്ടില്‍ സുജിത്തി(36)നെയാണ് ഇന്നു പുലര്‍ച്ചെ മരിച്ച നിലയില്‍ വീട്ടുകാര്‍ കണ്ടെത്തിയത്. കുത്തിയതോട് പൊലീസ് എത്തി ഇന്‍ക്വസ്റ്റ് തയാറാക്കുന്നു.
അതേസമയം, കഴിഞ്ഞ മാസവും ജില്ലയില്‍ പോലീസ് ഉദ്യോഗസ്ഥന്‍ ജീവനൊടുക്കിയിരുന്നു. കഴിഞ്ഞ 13 ന് ആലപ്പുഴ പുന്നപ്രയിലാണ് വീടിനുള്ളില്‍ പോലീസുകാരനെ മരിച്ച നിലയില്‍ കണ്ടെത്തിയത്. പുന്നപ്ര പറവൂര്‍ കാട്ടുങ്കല്‍ വെളിയില്‍ സുജീഷാണ് മരിച്ചത്. ഹരിപ്പാട് പോലീസ് സ്റ്റേഷനിലെ സിവില്‍ പോലീസ് ഓഫീസറായിരുന്നു മരിച്ച സുജീഷ്.
