ആദ്യമായാണ് ലോട്ടറി ജേതാക്കളെ ക്ഷണിച്ചുവരുത്തി സര്‍ക്കാര്‍ സമ്മാനത്തുക കൈമാറുന്നത്.മണ്‍സൂണ്‍ ബംപര്‍ ജേതാക്കളായ ഹരിത കര്‍മ്മ സേനാംഗങ്ങളായ ലീലയും കൂട്ടുകാരായ പത്തുപേരും ഇന്നലെ തന്നെ സര്‍ക്കാരിന്റെ ക്ഷണം സ്വീകരിച്ച്‌ തലസ്ഥാനത്തെത്തിയിരുന്നു.
നറുക്കെടുപ്പ് നടന്ന അതേ വേദിയില്‍ തന്നെയാണ് സമ്മാനത്തുകയും സമ്മാനിച്ചത്. നറുക്കെടുപ്പിന്റെ ദൃശ്യങ്ങള്‍ അവര്‍ക്കായി വേദിയില്‍ പ്രദര്‍ശിപ്പിച്ചു. സന്തോഷം സമ്മാനിച്ച ദൈവത്തിനും സര്‍ക്കാരിനും നന്ദിയുണ്ടെന്ന് സമ്മാനാര്‍ഹരില്‍ ഒരാളായ ലീല പറഞ്ഞു.ഇത്തവണത്തെ ഓണം ബമ്ബറിലും ഇവര്‍ തങ്ങളുടെ ഭാഗ്യം പരീക്ഷിക്കുന്നുണ്ട്.
ടിക്കറ്റ് വിലയായ 250 രൂപയില്‍ 25 രൂപ വീതം ഒമ്ബത് വനിതകളും ബാക്കി 25രൂപ രണ്ട് പേര്‍ ചേര്‍ന്നുമാണ് ഇട്ടത്. എത്ര തുക കിട്ടിയാലും തുല്യമായി വീതിക്കുമെന്ന് ഇവര്‍ നേരത്തെ പറഞ്ഞിരുന്നു. നികുതിയും ഏജന്റ് കമ്മീഷനും കഴിച്ച്‌ 6 കോടി 16 ലക്ഷം രൂപയാണ് ഇവര്‍ക്ക് ലഭിക്കുക.
