തിരുവനന്തപുരം:മംഗലപുരം തോന്നയ്ക്കലില്‍ പേവിഷബാധയേറ്റ് പശു ചത്തു.തോന്നക്കല്‍ കുളങ്ങര വീട്ടില്‍ ജയകുമാരൻ നായരുടെ പശുവാണ് പേ വിഷബാധയേറ്റ് ചത്തത്.
ഈ കഴിഞ്ഞ 16ന് പേ വിഷബാധയേറ്റ് ജയകുമാരൻ നായരുടെ 8 മാസം ഗര്‍ഭിണിയായ പശു ചത്തിരുന്നു.ഇതിന് പിന്നാലെയാണ് രണ്ടാമത്തെ പശുവും പേ വിഷബാധയേറ്റ് ചത്തത്.
പ്രസവിച്ച്‌ 8 ദിവസമായ പശുവാണ് ഇപ്പോള്‍ ചത്തത്.കഴിഞ്ഞ രണ്ട് ദിവമായി പശു പേയുടെ ലക്ഷണങ്ങള്‍ കാണിച്ച്‌ തുടങ്ങിയിരുന്നു.കഴിഞ്ഞ വര്‍ഷത്തെ മംഗലപുരം ഗ്രാമ പഞ്ചായത്തിലെ മികച്ച കര്‍ഷകനുള്ള അവാര്‍ഡ് കിട്ടിയ കര്‍ഷകനാണ് ഒരാഴ്ചയ്ക്കുള്ളില്‍ രണ്ട് പശുക്കളെ നഷ്ടമായത്.പ്രദേശത്ത് തെരുവുനായ ശല്യം രൂക്ഷമാണെന്ന് നാട്ടുകാർ പറയുന്നു.
