പുതിയ നോട്ട് അച്ചടിക്കാൻ ചെലവിട്ടത് 21,000 കോടി രൂപ !!

കള്ളപ്പണം തടയാനെന്ന പേരിൽ ആയിരുന്നെങ്കിലും 15,44,000 കോടി രൂപ മൂല്യം വരുന്ന നോട്ടുകൾ നിരോധിച്ച സ്ഥാനത്ത് തിരിച്ചെത്തിയത് 16,000 കോടി രൂപയുടെ നോട്ടുകള്‍ മാത്രം.

പുതിയ നോട്ടുകളുടെ വലിപ്പവ്യത്യാസം കാരണം എടിഎം അറകള്‍ പുനഃക്രമീകരിക്കാനും ബാങ്കുകള്‍ക്കും വന്‍തോതില്‍ പണം ചെലവിടേണ്ടിവന്നു. ജനങ്ങള്‍ അനുഭവിച്ച ദുരിതങ്ങള്‍ വേറെ. ആയിരത്തിന്റെയും അഞ്ഞൂറിന്റെയും നോട്ടുകള്‍ മാറ്റിയെടുക്കാന്‍ ജനങ്ങള്‍ ബാങ്കുകളിലേയ്ക്ക് പ്രവഹിച്ചു. ശാഖകള്‍ക്ക് മുന്നില്‍ ഉറക്കമിളച്ച്‌ വരിനിന്നവരില്‍ ഒട്ടേറെപേര്‍ കുഴഞ്ഞുവീണ് മരിക്കപോലും ഉണ്ടായി.

2016 നവംബർ 8-ന് ആയിരുന്നു നോട്ട് നിരോധനം.മഹാത്മാഗാന്ധി സീരീസിലെ എല്ലാ ₹500 , ₹1,000 നോട്ടുകളും അസാധുവാക്കിയതായി കേന്ദ്ര സർക്കാർ പ്രഖ്യാപിച്ചു.അസാധുവാക്കിയ നോട്ടുകൾക്ക് പകരമായി 500, 2000 രൂപയുടെ പുതിയ നോട്ടുകൾ പിന്നീട് പുറത്തിറക്കി.അതിൽ 2000 രൂപയുടെ നോട്ടാണ് ഇപ്പോൾ വീണ്ടും നിരോധിക്കുന്നത്.