ഞായറാഴ്ച രാത്രിയോടെയായിരുന്നു ആക്രമണം.സംഭവത്തിൽ സംഘത്തിലെ 19 പേരെ അറസ്റ്റുചെയ്തു. ഏറെ പ്രതിഷേധങ്ങള്‍ക്കൊടുവിലാണ് അറസ്റ്റ്. രണ്ട് കാറുകളിലാണ് അക്രമികള്‍ എത്തിയതെന്ന് സ്ഥാനാര്‍ഥി അനില്‍കുമാര്‍ പറഞ്ഞു. ഇവരുടെ ബാഗില്‍നിന്ന് കത്തികളും കൈത്തോക്കുകളും കണ്ടെത്തിയതായും സിപിഐ എം പ്രവര്‍ത്തകര്‍ പറഞ്ഞു.
അതിക്രമിച്ച്‌ എത്തിയവരെ അറസ്റ്റുചെയ്യാത്തതില്‍ പ്രതിഷേധിച്ച്‌ പ്രവര്‍ത്തകര്‍ ഞായര്‍ രാത്രിതന്നെ ബാഗേപ്പള്ളി പൊലീസ് സ്റ്റേഷനുമുന്നില്‍ കുത്തിയിരുന്നു. സ്ഥാനാര്‍ഥിയെ അപായപ്പെടുത്താനുള്ള നീക്കമാണ് ഉണ്ടായതെന്ന് സിപിഐ എം ചിക്കബല്ലാപുര ജില്ലാ സെക്രട്ടറി മുനി വെങ്കിടപ്പ പറഞ്ഞു.
