സിനിമയെ വെല്ലും ജീവിതകഥയിലെ നായിക; ഹനാന് ഹമീദ് വൈല്‍ഡ് കാര്‍ഡ് എന്‍ട്രി ആയി ബിഗ്ബോസ് ഹൗസിലേക്ക്
ഏഷ്യാനെറ്റില്‍ സംപ്രേഷണം ചെയ്യുന്ന ബിഗ് ബോസ് മലയാളം സീസണ്‍ ഫൈവിലെ ആദ്യ 18 മത്സരാര്‍ത്ഥികള്‍ക്ക് പുറമെ വൈല്‍ഡ് കാര്‍ഡ് എന്‍ട്രിയായി ഒരു മത്സരാര്‍ത്ഥി കൂടി എത്തിയിരിക്കുകയാണ്. ഷോയിലേക്ക് വൈല്‍ഡ് കാര്‍ഡ് എന്‍ട്രി, ആയി ആരാണ് വരാനിരിക്കുന്നത് എന്നറിയാന്‍ വേണ്ടി ആകാംക്ഷയില്‍ ആയിരുന്നു പ്രേക്ഷകര്‍ .നടിയും മോഡലും ഇന്‍ഫ്‌ളുവന്‍സറുമായ ഹനാന് ആണ് ബിഗ് ബോസ് ഹൗസിലേക്ക് വൈല്‍ഡ് കാര്‍ഡ് എന്‍ട്രി ആയി എത്തിയിരിക്കുന്നത് .
ജീവിക്കാനായി സ്‌കൂള്‍ പഠനത്തിന് ശേഷം മീന്‍ കച്ചവടം ചെയ്തിരുന്ന പെണ്‍കുട്ടിയുടെ വാര്‍ത്ത സോഷ്യല്‍ മീഡിയയില്‍ ചര്‍ച്ച ആയിരുന്നു. തുടര്‍ന്ന് നിരവധി പേരാണ് ഹനാനെ സഹായിക്കാന്‍ വേണ്ടി രംഗത്തെത്തിയത്. ഹനാനിന്റെ വിദ്യാഭ്യാസ ചെലവ് ഏറ്റെടുത്തുകൊണ്ട് കേരള സര്‍ക്കാര്‍ എത്തിയിരുന്നു. നിരവധി വിമര്‍ശനങ്ങള്‍ ഹനാന് നേരെ ഉയര്‍ന്നിരുന്നു. 2018 ല്‍ ഒരു ആക്‌സിഡന്റില്‍ ഹനാന് വലിയ രീതിയില്‍ തന്നെ പരിക്കുകള്‍ പറ്റി. തുടര്‍ന്ന് ജീവിതത്തിലേക്ക് തിരിച്ചെത്തിയ ഹനാന് പഠനവും പുതിയ ബിസിനസുമായി മുന്നോട്ട് പോവുകയാണ്.
അതിനിടയ്ക്ക് ഹനാന് വര്‍ക്ഔട് ചെയ്യുന്ന വീഡിയോ സോഷ്യല്‍ മീഡിയയില്‍ വന്നിരുന്നു. തുടര്‍ന്ന് ഹനാന് വലിയ രീതിയില്‍ സൈബര്‍ ആക്രമണത്തിന് ഇരയായി. അതിനുള്ള കാരണം ഹനാന് ധരിച്ച വസ്ത്രങ്ങള്‍ ആണ് .ഇക്കഴിഞ്ഞ ശിവരാത്രി ദിനത്തില്‍ ഹനാന് നടത്തിയ ചില വെളിപ്പെടുത്തല്‍ സോഷ്യല്‍ മീഡിയയില്‍ ഏറെ വൈറലായിരുന്നു. മുസ്ലിം അല്ലെന്നും വര്‍ഷങ്ങളായി ഹിന്ദു ആചാരം ഫോളോ ചെയ്യുന്ന ആള്‍ ആണ് എന്നാണ് ഹനാന് ശിവരാത്രി ദിനത്തോടനുബന്ധിച്ച് പറഞ്ഞത്. കഴിഞ്ഞ ദിവസം ഹനാന് തന്റെ ഫേസ്ബുക്ക് പേജില്‍ ഒരു വീഡിയോ പങ്കുവെച്ചിരുന്നു.
വീഡിയോയില്‍ ഹനാന് തന്റെ മൊബൈല്‍ ഫോണിലേക്ക് അശ്ലീല ദൃശ്യങ്ങളും മെസ്സേജുകളും അയച്ച യുവാവിനെ പിടിച്ച് പോലീസില്‍ ഏല്പിക്കുന്നതാണ് ഉണ്ടായിരുന്നത്. ശാരീരിക അവയവം തുറന്നു കാണിച്ചു എന്നെ ചൂഷണം ചെയ്ത ഒരാള്‍ക്കെതിരേ കഴിഞ്ഞ ദിവസം ഞാന്‍ പരാതിപ്പെട്ടിരുന്നു. മൂന്ന് ദിവസം ചാറ്റ് ചെയ്ത് അവനെ വിളിച്ചു വരുത്തി പോലീസിനെ ക്കൊണ്ട് പിടിപ്പിക്കുകയായിരുന്നു എന്നാണ് ഹനാന് വീഡിയോയില്‍ പറയുന്നത്. ബിഗ്ബോസില്‍ ഹനാന് എത്തിയതോടെ ഷോ ഫുള്‍ കളര്‍ ആയി എന്ന് പറയുകയാണ് പ്രേക്ഷകര്‍.
