തൃശൂര്‍: മണ്ണുത്തി കാര്‍ഷിക സര്‍വകലാശാല ക്യാംപസില്‍ മദ്യലഹരിയില്‍ യുവാക്കളുടെ അതിക്രമം. വെള്ളിയാഴ്ച രാത്രിയാണ് തോട്ടപ്പടി സ്വദേശി നൗഫല്‍ ക്യാംപസില്‍ കടന്നത്. ചോദ്യം ചെയ്ത വിദ്യാര്‍ഥികള്‍ക്കുനേരെ കത്തി വീശി ഭീഷണി മുഴക്കി. തുടര്‍ന്ന് പോലീസെത്തി നൗഫലിനെ അറസ്റ്റു ചെയ്ത് ജാമ്യത്തില്‍ വിട്ടു.
സുഹൃത്ത് അജിത്തിനൊപ്പമാണ് നൗഫല്‍ ക്യാംപസില്‍ എത്തിയത്. ഇവരുടെ വാഹനം സുരക്ഷാ ജീവനക്കാരും വിദ്യാര്‍ഥികളും ചേര്‍ന്ന് തടഞ്ഞതോടെയാണ് നൗഫല്‍ പരാക്രമം കാണിച്ചത്. അജിത്തും വിദ്യാര്‍ഥികളെ ആക്രമിക്കാന്‍ ശ്രമിച്ചു.
തുടര്‍ന്ന് മണ്ണുത്തി പോലീസ് ക്യാംപസിലെത്തി രണ്ടു പേരെയും അറസ്റ്റ് ചെയ്യുകയായിരുന്നു. മാരകായുധം കൈവശം വച്ചതിനും ഭീഷണിപ്പെടുത്തിയതിനുമാണ് നൗഫലിനെതിരേ കേസെടുത്തിരിക്കുന്നത്.
