Month: July 2025
-
Breaking News
ക്രിക്കറ്റിലെ ‘പവര്ഹൗസി’ന് എന്തു പറ്റി? ആറുമാസം കൂടുമ്പോള് കോച്ചിനു മാറ്റം! ക്രിക്കറ്റ് അക്കാദമിയും ആവശ്യത്തിനു പണവുമില്ല; തീവ്രവാദ ആക്രമണവും സ്വജന പക്ഷപാതവും പച്ചപ്പടയ്ക്ക് ഏല്പ്പിച്ചത് വന് ആഘാതം; വിന്ഡീസും ശ്രീലങ്കയും പോലെ പാക് ക്രിക്കറ്റിന്റെ ഭാവിയും ഇരുളിലേക്കോ?
ന്യൂഡല്ഹി: ഒരുകാലത്തു ക്രിക്കറ്റിലെ ‘പവര്ഹൗസ്’ എന്നറിയപ്പെട്ടിരുന്ന പാകിസ്താന് ഇന്നു വന് തകര്ച്ചയുടെ വക്കില്. മോശം ടീം മാനേജ്മെന്റും രാഷ്ട്രീയ അതിപ്രസരവും അധികാരക്കൊതിമൂത്ത ഉദ്യോഗസ്ഥരും ചേര്ന്ന് മികച്ച ടീമായിരുന്ന പാകിസ്താനെ ഇന്നു പടുകുഴിയിലേക്കാണു തള്ളിവിടുന്നത്. അടുത്തിടെ പുതിയൊരു ഹെഡ്കോച്ചിനെ നിയമിച്ചതോടെയാണു പാക് ക്രിക്കറ്റ് ടീമിലെ അധികാര വടംവലിയെക്കുറിച്ചുള്ള ചര്ച്ചകളും പുറത്തുവന്നത്. നാലുവര്ഷത്തിനിടെ വന്ന ഏഴാമത്തെ കോച്ചാണിത്. നിരന്തരമായ പ്രതിസന്ധിയിലൂടെയാണു ടീം കടന്നുപോകുന്നതെന്ന് ഇതു വ്യക്തമാക്കുന്നു. കഴിഞ്ഞ ഏപ്രില്വരെ അസിസ്റ്റന്റ് കോച്ചായി പ്രവര്ത്തിച്ച അസ്ഹര് മഹമൂദിനെയാണ് ആക്ടിംഗ് ഹെഡ് കോച്ചായി നിയമിച്ചത്. 1996ല് പാകിസ്താനില് നടന്ന ഐസിസി ചാമ്പ്യന്സ് ട്രോഫിയില് തോല്വിയറിഞ്ഞതോടെയാണു ടീമിന്റെ ശനിദശ തുടങ്ങിയത്. ടി 20 പരമ്പരയില് ന്യൂസിലന്ഡിനെതിരേ 4-1ന് ആണു പരാജയപ്പെട്ടത്. പിന്നാലെ നടന്ന ഏകദിനത്തിലും 3-0 എന്ന നിലയില് നാണംകെട്ടു. കുറഞ്ഞുവരുന്ന ആരാധക പിന്തുണയ്ക്കൊപ്പം രാജ്യത്തെ സുരക്ഷാ ആശങ്കകളും ടീമിന്റെ പ്രകടനത്തെ പിന്നോട്ടു കൊണ്ടുപോയി. മഹമൂദിന്റെ നിയമനത്തിലൂടെ പാകിസ്താന് ക്രിക്കറ്റ് ബോര്ഡ് (പിസിബി) ഒരു റീസെറ്റ് ബട്ടണ് ഞെക്കാനാണ്…
Read More » -
Breaking News
ശുചിമുറിയിൽ രക്തത്തുള്ളി, വിചിത്ര നീക്കവുമായി അധ്യാപകർ; വിദ്യാര്ത്ഥിനികളുടെ അടിവസ്ത്രം അഴിച്ച് പരിശോധിക്കാൻ ശ്രമം, കേസെടുത്ത് പൊലീസ്
ഷഹാപൂര്: ശുചിമുറിയില് രക്തപ്പാട് കണ്ടതിനെ തുടര്ന്ന് വിദ്യാര്ത്ഥിനികളുടെ അടിവസ്ത്രം അഴിച്ച് പരിശോധിക്കാന് തുനിഞ്ഞ സ്കൂളിനെതിരെ രക്ഷിതാക്കൾ രംഗത്തെത്തി. മഹാരാഷ്ട്രയിലെ ഷഹാപൂര് ജില്ലയിലെ ആര് എസ് ദമാനി സ്കൂളിലാണ് ഇത്തരം ഒരം സംഭവം അരങ്ങേറിയത്. ശുചിമുറിയില് ചോരത്തുളള്ളികൾ കണ്ട സ്കൂള് അധികൃതര് അഞ്ച് മുതല് പത്താംതരം വരെയുള്ള വിദ്യാര്ത്ഥിനികളെ വിളിച്ച് ചേര്ത്ത് അപമാനിക്കുകയായിരുന്നു. പെണ്കുട്ടികളോട് അവരുടെ ആർത്തവത്തെ പറ്റി ചോദിക്കുകയും ചില കുട്ടികളോട് അടിവസ്ത്രം അഴിക്കാന് ആവശ്യപ്പെട്ടതായും വാര്ത്താ റിപ്പോര്ട്ടുകളില് പറയുന്നു. വിവരം അറിഞ്ഞ രക്ഷിതാക്കൾ സ്കൂളിലെത്തി പ്രതിഷേധം നടത്തി. സ്കൂള് പ്രിന്സിപ്പാളിന്റെ നേതൃത്വത്തില് നടന്ന ഇത്തരം ഒരു നീക്കത്തിനെതിരെ കേസുകൊടുക്കും എന്നും ഇതൊരു വൃത്തികെട്ട പ്രവൃത്തിയായിപ്പോയെന്നും ചില രക്ഷിതാക്കൾ പ്രതികരിച്ചു. കുട്ടികള്ക്ക് കൂടുതല് അവബോധവും അറിവും പകര്ന്നു നല്കേണ്ടതിന് പകരം മാനസികമായി ബുദ്ധിമുട്ടുണ്ടാക്കുന്ന തരത്തില് വിചാരണ നടപടി സ്വീകരിക്കുന്നതിനോട് യോജിക്കാന് സാധിക്കില്ലെന്നും രക്ഷിതാക്കൾ പറഞ്ഞു. സംഭവത്തില് കേസെടുത്ത പൊലീസ് സ്കൂള് പ്രിന്സിപ്പാളിനെ ചോദ്യം ചെയ്തു.
Read More » -
Breaking News
രാഷ്ട്രീയത്തില്നിന്ന് വിരമിച്ചാല് എന്തു ചെയ്യും? വെളിപ്പെടുത്തലുമായി ആഭ്യന്തര മന്ത്രി അമിത് ഷാ; രാഷ്ട്രീയ വൃത്തങ്ങളില് കൗതുകം ഉണര്ത്തി അഹമ്മദാബാദിലെ പ്രസംഗം
ന്യൂഡല്ഹി: രാഷ്ട്രീയത്തില്നിന്നു വിരമിക്കുമ്പോള് എന്ത ചെയ്യുമെന്നതിനെക്കുറിച്ചു സൂചന നല്കി കേന്ദ്ര ആഭ്യന്തര മന്ത്രിയും മോദി മന്ത്രിസഭയിലെ രണ്ടാമനുമായ അമിഷ് ഷാ. വേദങ്ങള്ക്കും ഉപനിഷത്തുകള്ക്കുമൊപ്പം ജൈവകൃഷിയിലേക്കു നീങ്ങാനാണു താന് ആഗ്രഹിക്കുന്നതെന്ന് അഹമ്മദാബാദില് നടന്ന ചടങ്ങില് അമിത് ഷാ പറഞ്ഞു. ഗുജറാത്ത്, മധ്യപ്രദേശ്, രാജസ്ഥാന് എന്നീ സംസ്ഥാനങ്ങളിലെ സഹകരണ മേഖലകളുമായി ബന്ധപ്പെട്ട സ്ത്രീകളുമായും തൊഴിലാളികളുമായും അദ്ദേഹം കൂടിക്കാഴ്ച നടത്തി. ‘വിരമിച്ച ശേഷം, എന്റെ ജീവിതകാലം മുഴുവന് വേദങ്ങള്ക്കും ഉപനിഷത്തുകള്ക്കും പ്രകൃതി കൃഷിക്കും വേണ്ടി സമര്പ്പിക്കും. ജൈവകൃഷിയെന്നതു നിരവധി ഗുണങ്ങള് നല്കുന്ന ശാസ്ത്രീയ പരീക്ഷണമാണെന്ന് ഷാ പറഞ്ഞു. രാസവളങ്ങള് ഉപയോഗിച്ച് ഗോതമ്പ് വളര്ത്തുന്നത് പലപ്പോഴും വിവിധ ആരോഗ്യ പ്രശ്നങ്ങള്ക്ക് കാരണമാകും. പ്രകൃതി കൃഷി മനുഷ്യശരീരത്തെ രോഗരഹിതമായി നിലനിര്ത്താന് സഹായിക്കുക മാത്രമല്ല, കാര്ഷിക ഉല്പ്പാദനക്ഷമത വര്ധിപ്പിക്കുകയും ചെയ്യുന്നു. വളം ഉപയോഗിച്ച് വളര്ത്തുന്ന ഗോതമ്പ് കഴിക്കുന്നത് കാന്സര്, ഉയര്ന്ന രക്തസമ്മര്ദം, പ്രമേഹം, തൈറോയ്ഡ് രോഗം എന്നിവയ്ക്ക് കാരണമാകുമെന്ന് ഷാ പറഞ്ഞു. ‘ആദ്യം ഞങ്ങള്ക്ക് ഇത് അറിയില്ലായിരുന്നു. വളം ഇല്ലാതെ…
Read More » -
Breaking News
രാജ്യവിരുദ്ധ ഉള്ളടക്കം: ഇന്ത്യയില്നിന്നടക്കം 27 യൂട്യൂബ് ചാനലുകളെ ഒറ്റയടിക്ക് നിരോധിച്ച് പാകിസ്താന്; ഇമ്രാന് അനുകൂല പ്രചാരണം അടിച്ചമര്ത്താന് നീക്കമെന്ന് വിമര്ശനം; പൂട്ടിച്ചതില് കൂടുതല് സൈന്യത്തെയും സര്ക്കാരിനെയും വിമര്ശിച്ച ചാനലുകള്; മുന്കൂര് നോട്ടീസും നല്കിയില്ല
ന്യൂഡല്ഹി: രാജ്യവിരുദ്ധ ഉള്ളടക്കം, വ്യാജമായ വിവരങ്ങള് എന്നിവ പ്രചരിപ്പിച്ചെന്ന് ആരോപിച്ചു ഇന്ത്യയില്നിന്നടക്കം 27 യൂട്യൂബ് ചാനലുകള് നിരോധിച്ച് ഇസ്ലാമാബാദ് കോടതി. ഓപ്പറേഷന് സിന്ദൂറിന്റെ സമയത്ത് ഇവയില്പലതും ഇന്ത്യയിലും നിരോധിച്ചിരുന്നു. ഇമ്രാന് ഖാനെ പിന്തുണയ്ക്കുന്നവരെ നിശ്ബദരാക്കാനുള്ള നടപടിയെന്നു പാകിസ്താനി പത്രപ്രവര്ത്തക അര്സൂ കസ്മി ആരോപിച്ചു. ഇവര് ഇമ്രാനെ പിന്തുണയ്ക്കുന്നയാളല്ലെന്നും ചൂണ്ടിക്കാട്ടുന്നു. പ്രമുഖ പത്രപ്രവര്ത്തകരായ മതിയുള്ള ജാന്, അഹമ്മദ് നൂറാനി, അസദ് അലി തൂര്, മുന് ടെലിവിഷന് അവതാരകരായ മൊയീദ് പിര്സാദ, ഇമ്രാന് റിയാസ് ഖാന് എന്നിവരുടെ ചാനലുകളും നിരോധിച്ചവയില് ഉള്പ്പെടുന്നു. പ്രതിപക്ഷമായ പാകിസ്താന് തെഹ്രീക്-ഇ-ഇന്സാഫിന്റെ (പിടിഐ) പിന്തുണക്കാരുമായി ബന്ധപ്പെട്ട ചാനലുകളും പട്ടികയില് ഉള്പ്പെടുന്നു. ഇത് വിമര്ശകരുടെ ശബ്ദങ്ങളെ നിശബ്ദമാക്കാനുള്ള വിശാലമായ ശ്രമമായി വിമര്ശകര് വിശേഷിപ്പിക്കുന്നതിനെ സൂചിപ്പിക്കുന്നു, കസ്മി പറയുന്നു. നിരോധിച്ച നടപടിയില് പക്ഷഭേദമില്ലെന്നു കാട്ടാനാണു പിടിഐയില്നിന്നു വ്യത്യസ്തമായ ചാനലുകള് നിരോധിച്ചതെന്നും ഇമ്രാന് ഖാന്റെ തിരിച്ചുവരവിന് അരങ്ങൊരുക്കാനുള്ള റാലിക്കു മുമ്പാകെയുള്ള നീക്കമാണിതെന്നും കസ്മി പറഞ്ഞു. ഇന്ത്യയില് അറിയപ്പെടുന്നയാളും ഇന്ത്യന് ചാനല് ചര്ച്ചകളില് പങ്കെടുക്കുന്നയാളുമാണ്. എന്നാല്,…
Read More » -
Breaking News
ഭർത്താവിനെയും മകനെയും മറന്ന് അവിഹിത ബന്ധമെന്ന് ആരോപണം, യുവതിയെ മർദ്ദിച്ച് അനന്തരവനുമായി വിവാഹം കഴിപ്പിച്ച് നാട്ടുകാർ
സുപോൾ: അവിഹിതം ആരോപിച്ച് ഭർത്താവിന്റെ അനന്തരവനുമായി യുവതിയെ നിർബന്ധിച്ച് വിവാഹം കഴിപ്പിച്ച് നാട്ടുകാർ. ഭർത്താവിന്റെ അനന്തരവനെ വീട്ടിൽ നിന്ന് തട്ടിക്കൊണ്ട് വന്ന ശേഷം രണ്ട് പേരെയും ക്രൂരമായി മർദ്ദിച്ചാണ് നാട്ടുകാർ വിവാഹിതരാക്കിയത്. ബിഹാറിലെ സുപോളിൽ കഴിഞ്ഞ ആഴ്ചയാണ് വിവാഹം നടത്തിയത്. സംഭവത്തിന്റെ വീഡിയോ സമൂഹമാധ്യമങ്ങളിൽ വൈറലായതിന് പിന്നാലെ പൊലീസ് കേസ് എടുത്തു. നാട്ടുകാരായ ചിലരുടെ ക്രൂര മർദ്ദനത്തിൽ സാരമായി പരിക്കേറ്റ അനന്തരവനും അമ്മായിയും ചികിത്സയിൽ തുടരുകയാണ്. ഭീംപൂർ പൊലീസ് സ്റ്റേഷൻ പരിധിയിലാണ് സംഭവം. പൊലീസ് എത്തിയാണ് ഇവരെ നാട്ടുകാരുടെ കയ്യിൽ നിന്ന് രക്ഷപ്പെടുത്തിയത്. സംഭവത്തിൽ പ്രദേശവാസികൾക്കെതിരെ കേസ് എടുത്തതായി ഭീംപൂർ പൊലീസ് വിശദമാക്കി. എട്ട് പേർക്കെതിരെയാണ് കേസ് എടുത്തത്. യുവാവിന്റെ പിതാവിന്റെ പരാതിയിലാണ് കേസ് എടുത്തത്. മിതലേഷ് കുമാർ മുഖിയ എന്ന 24 കാരനെയാണ് നാട്ടുകാർ ക്രൂരമായി ആക്രമിച്ച് അമ്മായിയായ റിത ദേവിയുമായി വിവാഹം കഴിപ്പിച്ചത്. റിത ദേവിയുടെ ഭർത്താവ് ശിവചന്ദ്ര മുഖിയയും ചില ബന്ധുക്കളും നാട്ടുകാരും ചേർന്ന് 24കാരനെ ഇയാളുടെ…
Read More » -
Breaking News
പ്രാർത്ഥനകൾ വിഫലം; സംസ്ഥാനത്ത് രണ്ടിടത്തായി ഒഴുക്കിൽപെട്ട് ജീവനോടെ കണ്ടെത്തിയ 2 പെൺകുട്ടികളും മരിച്ചു; കൊല്ലത്ത് യുവാവും മുങ്ങിമരിച്ചു
തിരുവനന്തപുരം: സംസ്ഥാനത്ത് മൂന്ന് ജില്ലകളിലായി മൂന്ന് പേർ മുങ്ങിമരിച്ചു. പാലക്കാട് കടമ്പഴിപ്പുറത്ത് ഒഴുക്കിൽപെട്ട 14കാരി ശിവാനിയും കോട്ടയം ഈരാറ്റുപേട്ടയിൽ ഒഴുക്കിൽപെട്ട 18കാരി ഐറിനും കൊല്ലം കുളത്തൂപ്പുഴയിൽ കയത്തിൽ വീണ് ഫൈസലെന്ന യുവാവുമാണ് മരിച്ചത്. കുളത്തുപ്പുഴ ചോഴിയക്കോട് കല്ലടയാറ്റിലെ കയത്തിൽ വീണാണ് പാലോട് സ്വദേശി ഫൈസലാണ് മരിച്ചത്. കുളിക്കാൻ ഇറങ്ങിയപ്പോൾ അപകടത്തിൽപ്പെടുകയായിരുന്നു. ഈരാറ്റുപേട്ടയിൽ മീനച്ചിലാറ്റിൽ ഒഴുക്കിൽപ്പെട്ട അരുവിത്തുറ കൊണ്ടൂർ പാലാത്ത് ജിമ്മി – അനു ദമ്പതികളുടെ മകൾ ഐറിൻ(18) ആണ് മരിച്ചത്. വീടിനു പിന്നിലെ കടവിൽ സഹോദരിക്കൊപ്പം കുളിക്കാനിറങ്ങിയ ഐറിൻ ഒഴുക്കിൽ പെടുകയായിരുന്നു. കുട്ടിയെ കയത്തിൽ നിന്നെടുത്ത് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. പാലക്കാട് കടമ്പഴിപ്പുറം അമൃതാലയത്തിൽ സന്തോഷ് കുമാറിന്റെ മകൾ ശിവാനിയാണ് മരിച്ച മൂന്നാമത്തെയാൾ. കടമ്പഴിപ്പുറം ഹൈസ്കൂളിലെ ഒമ്പതാം ക്ലാസ് വിദ്യാ൪ത്ഥിയായിരുന്നു. ഇന്ന് വൈകീട്ട് അഞ്ചരയോടെ ശ്രീകണ്ഠേശ്വരം മണ്ടഴിക്കടവിലായിരുന്നു അപകടം. കുടുംബത്തോടൊപ്പം പുഴയിൽ കുളിക്കാനിറങ്ങിയപ്പോൾ കാൽവഴുതി ഒഴുക്കിൽപെടുകയായിരുന്നു. ഫയർ ഫോഴ്സും നാട്ടുകാരും ചേർന്ന് നടത്തിയ തിരച്ചിലിൽ ജീവനോടെയാണ് ശിവാനിയെ കണ്ടെത്തിയത്. പിന്നീട്…
Read More » -
Breaking News
സൈക്കിളിൽ മോതിരങ്ങളും തകിടുകളും വിറ്റ് നടന്ന ഛാങ്കുർ ബാബ; ഇന്ന് 40 അക്കൗണ്ടുകളിൽ 106 കോടി, സ്വത്തുക്കൾ വേറെയും
ലഖ്നൗ: മതപരിവർത്തന റാക്കറ്റിന്റെ മുഖ്യ സൂത്രധാരനായ ജമാലുദ്ദീൻ എന്ന ഛാങ്കുർ ബാബയുടെ സാമ്പത്തിക സാമ്രാജ്യത്തെ കുറിച്ചുള്ള ഞെട്ടിക്കുന്ന വിവരങ്ങൾ പുറത്ത്. സൈക്കിളിൽ മോതിരങ്ങളും തകിടുകളും വിറ്റ് നടന്ന ഇയാൾക്ക് നിലവിൽ 40 ബാങ്ക് അക്കൗണ്ടുകളിലായി 106 കോടി രൂപയുടെ സമ്പാദ്യവും, കോടികളുടെ മറ്റ് സ്വത്തുക്കളും ഉണ്ടെന്ന് കണ്ടെത്തൽ. ഈ പണമെല്ലാം പ്രധാനമായും മധ്യേഷ്യൻ രാജ്യങ്ങളിൽ നിന്നാണ് ലഭിച്ചിരിക്കുന്നതെന്നാണ് വിവരം. ഉത്തർപ്രദേശിലെ ബൽറാംപൂർ ജില്ലയിൽ അടുത്തിടെ കണ്ടെത്തിയ മതപരിവർത്തന റാക്കറ്റുമായി ബന്ധപ്പെട്ട്, ശനിയാഴ്ച ലഖ്നൗവിലെ ഒരു ഹോട്ടലിൽ നിന്നാണ് ഛാങ്കുർ ബാബയെയും ഇയാളുടെ അടുത്ത സഹായിയായ നീതു എന്ന നസ്രീനെയും അറസ്റ്റ് ചെയ്തത്. തുടർന്ന് ജമാലുദ്ദീനെതിരായ അന്വേഷണം ശക്തമാക്കവെയാണ് ഞെട്ടിക്കുന്ന കണ്ടെത്തലുകൾ പുറത്തുവരുന്നത്. പാവപ്പെട്ടവരും, നിസ്സഹായരുമായ തൊഴിലാളികളെയും, ദുർബല വിഭാഗങ്ങളെയും, വിധവകളെയും സാമ്പത്തിക സഹായങ്ങളും വിവാഹ വാഗ്ദാനങ്ങളും നൽകി പ്രലോഭിപ്പിച്ചോ ഭീഷണിപ്പെടുത്തിയോ മതപരിവർത്തനം നടത്തുന്നതായിരുന്നു ഇവരുടെ രീതി. സംഘത്തിന് ഏതെങ്കിലും തരത്തിലുള്ള ഭീകരവാദ ബന്ധങ്ങളുണ്ടോ എന്നും യുപി ഭീകരവിരുദ്ധ സ്ക്വാഡ് അന്വേഷിച്ച് വരികയാണ്.…
Read More » -
Breaking News
ശക്തമായ ഭരണവിരുദ്ധ തരംഗം? കേരള മുഖ്യമന്ത്രി സ്ഥാനത്തേക്ക് തരൂരിനെ കൂടുതല്പേര് ഇഷ്ടപ്പെടുന്നെന്ന് സര്വേ റിപ്പോര്ട്ട്; എക്സില് പങ്കിട്ട പോസ്റ്റിനു പിന്നാലെ ചൂടന് ചര്ച്ച; വി.ഡി. സതീശന് തരൂരിന്റെ പകുതി പിന്തുണമാത്രം; പിണറായിയേക്കാള് താത്പര്യം ശൈലജ ടീച്ചറിനോടെന്നും സര്വേ
തിരുവനന്തപുരം: ഓപ്പറേഷന് സിന്ദൂറിനു പിന്നാലെ കോണ്ഗ്രസിനെ നിരന്തരം പ്രതിസന്ധിയിലാക്കുന്ന ശശി തരൂര് ലക്ഷ്യമിടുന്നതു മുഖ്യമന്ത്രി പദമോ? സോഷ്യല് മീഡിയ പ്ലാറ്റ്ഫോമായ എക്സില് ഷെയര് ചെയ്ത സര്വേ ഫലമാണ് ഇപ്പോള് ചൂടന് ചര്ച്ചയക്ക് ഇടയാക്കുന്നത്. വരുന്ന തെരഞ്ഞെടുപ്പില് യുഡിഎഫ് അധികാരത്തിലേറിയാല് തരൂരിനെ മുഖ്യമന്ത്രിയായി കാണാന് ആഗ്രഹിക്കുന്നെന്ന സര്വേഫലമാണ് അദ്ദേഹം എക്സില് പങ്കുവച്ചത്. സ്വകര്യ ഗവേഷണ സ്ഥാപനം നടത്തിയ ‘കേരള വോട്ട് വൈബ് സര്വേ 2026’ല് മുഖ്യമന്ത്രി പദത്തില് തരൂരിന് മുന്തൂക്കം നല്കുന്ന സര്വേ ഫലമാണുള്ളത്. കേരളത്തില് യു.ഡി.എഫ് അധികാരത്തില് വരാന് സാധ്യതയുണ്ടെന്നാണ് സര്വേ ഫലം ചൂണ്ടിക്കാട്ടുന്നത്. സര്വേ പ്രകാരം തരൂരിനെ 28.3 ശതമാനം പേരാണ് മുഖ്യമന്ത്രിയായി കാണാന് ആഗ്രഹിക്കുന്നത്. എന്നാല്, പ്രതിപക്ഷ നേതാവ് വി.ഡി. സതീശനെ മുഖ്യമന്ത്രി പദത്തിലേക്ക് 15.4 ശതമാനം പേര് പിന്തുണക്കുന്നു. യു.ഡി.എഫില് ആരാകും മുഖ്യമന്ത്രി എന്ന കാര്യത്തില് അനിശ്ചിതത്വം നിലനില്ക്കുന്നതായി 27 ശതമാനം പേര് അഭിപ്രായപ്പെട്ടതായും സര്വേ പറയുന്നു. @shashtharoor emerges as the best bet for…
Read More » -
Breaking News
പ്രധാന കടമ്പ കടന്ന് ഇലോണ് മസ്കിന്റെ സ്റ്റാര് ലിങ്ക്; ഇന്ത്യയിൽ ഉപഗ്രഹ ഇന്റര്നെറ്റ് സേവനങ്ങള് ആരംഭിക്കാൻ അന്തിമ അനുമതി
ന്യൂഡൽഹി: ഇലോൺ മസ്കിന്റെ കമ്പനിക്ക് ഉപഗ്രഹ ഇന്റര്നെറ്റ് സേവനങ്ങൾ തുടങ്ങാൻ അനുമതി നൽകി ഇന്സ്പേസ്. സ്റ്റാർലിങ്കിന്റെ ഇന്ത്യൻ ഉപകമ്പനിയായ സ്റ്റാർലിങ്ക് സാറ്റലൈറ്റ് കമ്മ്യൂണിക്കേഷൻസ് പ്രൈവറ്റ് ലിമിറ്റഡിനാണ് ഉപഗ്രഹ ഇന്റര്നെറ്റ് സേവനങ്ങൾ തുടങ്ങാൻ ഇൻസ്പേസിന്റെ അനുമതി ലഭിച്ചത്. നേരത്തെ ടെലികോം മന്ത്രാലയവും സ്റ്റാർലിങ്കിന് പ്രവർത്താനുമതി നൽകിയിരുന്നു. ഇൻസ്പേസ് (ഇന്ത്യൻ നാഷണൽ സ്പേസ് പ്രമോഷൻ ഓതറൈസേഷൻ സെന്റര്) അനുമതി കൂടി കിട്ടിയതോടെ ഇന്ത്യയിൽ പ്രവർത്തനം തുടങ്ങാനുള്ള പ്രധാന കടമ്പ മറികടന്നു. അഞ്ച് വർഷത്തേക്കാണ് ഇൻസ്പേസ് സ്റ്റാർലിങ്കിന് പ്രവർത്തിക്കാൻ അനുമതി നൽകിയിരിക്കുന്നത്. ഇനി സ്പെക്ട്രം കൂടി അനുവദിച്ച് കിട്ടിയാൽ ഇന്ത്യയിൽ സ്റ്റാര്ലിങ്കിന് ഇന്ത്യയിൽ ഇന്റര്നെറ്റ് സേവനങ്ങള് നൽകി തുടങ്ങാനാകും. സ്റ്റാർലിങ്കിന് ഒപ്പം എസ്ഇഎസിനും ഇൻസ്പെസ് അനുമതി നൽകി. എസ്ഇഎസുമായി ചേര്ന്നാണ് ജിയോ ഉപഗ്രഹ ഇന്റര്നെറ്റ് സേവനങ്ങള് കൊണ്ടുവരുന്നത്. ഡൽഹി കേന്ദ്രീകരിച്ചുള്ള സ്റ്റാര്ലിങ്ക് സാറ്റലൈറ്റ് കമ്യൂണിക്കേഷൻസ് പ്രൈവറ്റ് ലിമിറ്റഡ് കമ്പനിക്കാണ് സ്റ്റാര്ലിങ്ക് ജനറേഷൻ -ഒന്ന് എൽഇഒ വഴി ഇന്റര്നെറ്റ് സേവനങ്ങല് നൽകാനുള്ള അനുമതി നൽകിയത്. ഭൂമിക്ക് 540-നും…
Read More » -
Breaking News
ശിവാനിക്കായി പ്രാർത്ഥനയോടെ നാടും കുടുംബവും, നില അതീവ ഗുരുതരം; പാലക്കാട് പുഴയിൽ ഒഴുക്കിൽപെട്ട കുട്ടിയെ രക്ഷിച്ചു
പാലക്കാട്: പുഴയിൽ ഒഴുക്കിൽപ്പെട്ട പതിനാലുകാരിയുടെ ജീവനായി പ്രാർത്ഥിച്ച് കുടുംബവും നാട്ടുകാരും. കടമ്പഴിപ്പുറം പുലാപ്പറ്റയിൽ ഒഴുക്കിൽപെട്ട് പുലാപ്പറ്റ അമൃതാലയത്തിൽ ശിവാനിയെ ജീവനോടെ രക്ഷിച്ചെങ്കിലും നില അതീവ ഗുരുതരമായി തുടരുകയാണ്. കുട്ടിയെ ആശുപത്രിയിലേക്ക് മാറ്റി. ഇന്ന് വൈകീട്ട് 5.30 ന് ശ്രീകണ്ഠേശ്വരം മുണ്ടോളിക്കടവിലായിരുന്നു അപകടം. നാല് പേരടങ്ങുന്ന കുടുംബം പുഴയിൽ കുളിക്കാനെത്തിയതായിരുന്നു. കാൽവഴുതിയ ശിവാനി വെള്ളത്തിൽ അകപ്പെട്ടു. കൂടെയുള്ളവ൪ രക്ഷിക്കാൻ ശ്രമിച്ചെങ്കിലും രക്ഷിക്കാനായില്ല. നാട്ടുകാർ പുഴയിൽ തിരച്ചിൽ നടത്തുന്നതിനിടെ വിവരമറിഞ്ഞ് അഗ്നിരക്ഷാ സേനയും സ്ഥലത്തെത്തി. കുട്ടിയെ ജീവനോടെ കണ്ടെത്തിയതിന് പിന്നാലെ ആശുപത്രിയിലേക്ക് മാറ്റി.
Read More »