Month: February 2025
-
Crime
വീട്ടില് അതിക്രമിച്ച് കയറി ഉമ്മ ചോദിച്ചു, സ്കൂള് വിട്ട് വരുന്ന വഴിയിലും ശല്യം; പോക്സോ കേസില് യുവാവിന് 22 വര്ഷം തടവ്
തൃശൂര്: ലൈംഗികാതിക്രമ കേസില് പ്രതിക്ക് 22 വര്ഷവും മൂന്ന് മാസവും കഠിനതടവും വിധിച്ച് കോടതി. 90,500 രൂപ പിഴയും ചുമത്തിയിട്ടുണ്ട്. വടക്കേക്കാട് സ്വദേശി കുന്നനെയ്യില് ഷെക്കീര് (33)നെയാണ് കുന്നംകുളം പോക്സോ കോടതി ശിക്ഷിച്ചത്. 2023 ജൂണിലാണ് കേസിനാസ്പദമായ സംഭവം. അതിജീവിതയുടെ വീട്ടിലേക്ക് പ്രതി അതിക്രമിച്ച് വന്ന് കൈ പിടിച്ചു വലിച്ച്, ഉമ്മ തരുമോ എന്ന് ചോദിക്കുകയും പിന്നീട് സ്കൂള് വിട്ടു വരുമ്പോള് നാലാംകല്ല് പെട്രോള് പമ്പിനടുത്ത് വെച്ച് പിന്തുടര്ന്ന് ആക്രമിക്കാന് വരികയും ചെയ്തു. ഇതേതുടര്ന്ന് സഹോദരന് ഇക്കാര്യം പ്രതിയോട് ചോദിച്ച വൈരാഗ്യത്തില് ഇയാള് അതിജീവിതയുടെ വീട്ടില് രാത്രി വന്ന് അതിക്രമം കാട്ടിയെന്നാണ് കേസ്. വടക്കേക്കാട് പൊലീസ് രജിസ്റ്റര് ചെയ്ത കേസിലാണ് ശിക്ഷ വിധിച്ചത്. പോക്സോ ആക്ടിലെ വകുപ്പുകള് പ്രകാരവും പട്ടികജാതി അതിക്രമ നിരോധന നിയമപ്രകാരവും പ്രതിയെ കുന്നംകുളം പോക്സോ ജഡ്ജ് ലിഷ എസ് ശിക്ഷ വിധിച്ചത്. ഇയാളുടെ പേരില് പോക്സോ കേസുകള് ഉള്പ്പെടെ നിരവധി ക്രിമിനല് കേസുകള് നിലവിലുണ്ട്.
Read More » -
Crime
ചാലക്കുടി ബാങ്ക് കവര്ച്ച ; മോഷ്ടിക്കാന് കള്ളനെടുത്തത് വെറും 3 മിനിറ്റ്, ദുരൂഹത ബാക്കി
തൃശൂര്: പോട്ട ഫെഡറല്ബാങ്കില് പട്ടാപ്പകലുണ്ടായ കവര്ച്ച നടന്നിട്ട് 24 മണിക്കൂറിലധികം പിന്നിടുമ്പോഴും കള്ളനെക്കുറിച്ച് കൃത്യമായ സൂചന ലഭിക്കാതെ പോലീസ്. കള്ളന്റെയും വാഹനത്തിന്റെയും സി.സി.ടി.വി. ദൃശ്യങ്ങള് ലഭിച്ചിട്ടും യാതൊരു തുമ്പും ഇതുവരെ ലഭിച്ചില്ല. അധികമാര്ക്കുമില്ലാത്ത മോഡല് ഇരുചക്രവാഹനത്തിലാണ് പ്രതിയെത്തിയത്. അതിനാല് കണ്ടെത്താന് എളുപ്പമാകുമെന്നാണ് കരുതുന്നത്. ഇലക്ട്രിക് സ്കൂട്ടറെന്നു തോന്നിപ്പിക്കുന്ന പെട്രോള്സ്കൂട്ടറാണ് ഇത്. ബാങ്കില്നിന്ന് പുറത്തിറങ്ങിയശേഷം ചാലക്കുടി ടൗണ് ഭാഗത്തേക്കാണ് മോഷ്ടാവ് പോയത്. ഇതിനെ അടിസ്ഥാനപ്പെടുത്തി അങ്കമാലി, പെരുമ്പാവൂര് ഭാഗങ്ങളില് പോലീസ് പരിശോധന കര്ശനമാക്കിയിരുന്നു. എന്നാല്, അവിടങ്ങളിലേക്ക് മോഷ്ടാവ് എത്തിയിട്ടില്ലെന്ന് രാത്രി വൈകിയാണ് പോലീസ് തിരിച്ചറിഞ്ഞത്. ബാങ്കിന് രണ്ടുകിലോമീറ്റര് അകലെയുള്ള സുന്ദരിക്കവലയില്വെച്ചാണ് മോഷ്ടാവ് അപ്രത്യക്ഷനായത്. ഇവിടെനിന്ന് ചെറുറോഡുകള് വഴി കൊടുങ്ങല്ലൂര് ഭാഗത്തേക്ക് പ്രവേശിക്കാം. തൃശ്ശൂരില് എത്തിയിരുന്നതായും സംശയമുണ്ട്. മോഷ്ടാവ് സംസ്ഥാനം കടന്നെന്ന സംശയവും നിലനില്ക്കുന്നുണ്ട്. കള്ളനെ അന്വേഷിച്ച് വിവിധ ജില്ലകളില് പരിശോധനകള് നടക്കുന്നുണ്ട്. പ്രതിയിലേക്കെത്താന് വൈകുമെന്ന സൂചനയാണ് ലഭിക്കുന്നത്. 25 ഉദ്യോഗസ്ഥരടങ്ങിയ പ്രത്യേകസംഘമാണ് അന്വേഷണത്തിന്. മോഷണം നടന്ന ബാങ്ക് ശാഖയുടെ സുരക്ഷ കൂട്ടി. ശനിയാഴ്ച…
Read More » -
Crime
വ്യാജമദ്യ വില്പന എതിര്ത്തു; എന്ജിനീയറിങ് വിദ്യാര്ഥിയെയും ബന്ധുവിനെയും വെട്ടിക്കൊന്നു
ചെന്നൈ: മയിലാടുംതുറയില് അനധികൃത മദ്യവില്പന എതിര്ത്ത എന്ജിനീയറിങ് വിദ്യാര്ഥിയെയും ബന്ധുവിനെയും വ്യാജമദ്യ വില്പന സംഘം വെട്ടിക്കൊന്നു. 3 പേര് അറസ്റ്റിലായി. മുട്ടം സ്വദേശികളായ ഹരീഷ് (24) ബന്ധുവും വിദ്യാര്ഥിയുമായ ഹരിശക്തി(20) എന്നിവരാണ് കൊല്ലപ്പെട്ടത്. മദ്യവില്പനക്കാരായ രാജ്കുമാര്, തങ്കദുരൈ, മൂവേന്ദന് എന്നിവര് അറസ്റ്റിലായി. മദ്യവില്പനയുടെ പേരില് ഏതാനും ദിവസം മുന്പു രാജ്കുമാറിനെ പൊലീസ് അറസ്റ്റ് ചെയ്തിരുന്നു. 2 ദിവസത്തിനു ശേഷം ഇയാള്ക്കു ജാമ്യം ലഭിച്ചു. തിരികെയെത്തിയ ഇയാള് തനിക്കെതിരെ പരാതിപ്പെട്ട ദിനേശ് എന്ന യുവാവിനെ മര്ദിച്ചതോടെ ഹരീഷും ഹരിശക്തിയും ഇടപെട്ടു. തുടര്ന്നു തര്ക്കം രൂക്ഷമായി കയ്യാങ്കളിയിലെത്തിയപ്പോഴാണ് ഇരുവര്ക്കും വെട്ടേറ്റത്. ഗുരുതരമായി പരുക്കേറ്റ ഇരുവരും സംഭവ സ്ഥലത്തു തന്നെ മരിച്ചു. രോഷാകുലരായ നാട്ടുകാര് 3 പ്രതികളുടെയും വീടുകള് തല്ലിത്തകര്ത്തു. അനധികൃത മദ്യവില്പനയ്ക്കു നേതൃത്വം നല്കുന്ന 2 സ്ത്രീകളെയും അറസ്റ്റ് ചെയ്യണമെന്ന് ആവശ്യപ്പെട്ട് റോഡ് ഉപരോധിച്ചു. ഉന്നത പൊലീസ് ഉദ്യോഗസ്ഥര് സ്ഥലത്തെത്തി സ്ഥിതി ശാന്തമാക്കി. എന്നാല്, മദ്യവില്പന സംബന്ധിച്ച തര്ക്കമല്ല ഇരു വിഭാഗവും തമ്മിലുള്ള മുന്വൈരാഗ്യമാണു…
Read More » -
Kerala
‘രാജ്യത്ത് വേറിട്ടമാതൃക,’ കേരളത്തെ പ്രകീർത്തിച്ച് ശശി തരൂർ: വിവാദങ്ങള് അവസാനിപ്പിച്ച് കേരളത്തിനായി ഒന്നിക്കണമെന്ന് മന്ത്രി പി രാജീവ്
വ്യവസായ മേഖലയിൽ കേരളത്തിൽ സംഭവിച്ചമാറ്റത്തെ പ്രകീർത്തിച്ചു കൊണ്ട് ശശി തരൂർ എംപിയുടെ ലേഖനം ന്യൂ ഇന്ത്യൻ എക്സ്പ്രസ് ദിനപത്രത്തിൽ.‘ചെയ്ഞ്ചിങ് കേരള; ലംബറിങ് ജമ്പോ റ്റു എ ലൈത് ടൈഗർ’ എന്ന തലക്കെട്ടിൽ പത്രത്തിന്റെ എഡിറ്റോറിയൽ പേജിൽ എഴുതിയ ലേഖനത്തിലാണ് കേരളത്തിലെ വ്യവസായ രംഗത്തുണ്ടായ വളർച്ചയെ ശശിതരൂർ പ്രശംസിച്ചത്. വ്യവസായ അന്തരീക്ഷം അനുകൂലമാക്കിയ ഈസ് ഓഫ് ഡൂയിങ് ബിസിനസ് പട്ടികയിലെ കേരളത്തിന്റെ ഒന്നാം സ്ഥാനവും ചുവപ്പുനാടയിൽ കുരുങ്ങാതെ വ്യവസായ സാഹചര്യം ഒരുക്കുന്നതും തരൂർ ലേഖനത്തിൽ ചൂണ്ടിക്കാട്ടുന്നുണ്ട്. ഇതേ സമയം ശശി തരൂരിന്റെ ലേഖനവുമായി ബന്ധപ്പെട്ട ചര്ച്ചകള് വിവാദങ്ങള്ക്കുള്ള ഒരു സന്ദര്ഭമായി മാറ്റരുതെന്ന് വ്യവസായ മന്ത്രി പി രാജീവ് കൊച്ചിയില് പറഞ്ഞു. കഴിഞ്ഞ കുറെ മാസങ്ങളായി നടത്തിയ കഠിനാധ്വാനത്തിന്റെ തുടര്ച്ചയിലാണ് അന്താരാഷ്ട്ര നിക്ഷേപക സംഗമത്തിന് അടുത്തയാഴ്ച വേദിയൊരുങ്ങുന്നത്. അന്താരാഷ്ട്ര കമ്പനികളും ആഗോള പ്രശസ്തരായ സംരംഭകരും കേരളത്തിലെത്തുമ്പോള് ഇവിടെ സങ്കുചിത തര്ക്കങ്ങള് നടക്കുന്നു എന്ന പ്രതീതി ഉളവാക്കുന്നത് ഗുണകരമല്ല. കേരളം ഞങ്ങള്ക്ക് മാത്രം അവകാശപ്പെട്ടതല്ല.…
Read More » -
Kerala
മൂന്നാറില് ഓടിക്കൊണ്ടിരുന്ന കാര് കാട്ടാന കുത്തിമറിച്ചിട്ടു; ആക്രമണത്തിന് ഇരയായത് ലണ്ടന് സഞ്ചാരികള്
ഇടുക്കി: ദേവികുളത്ത് വീണ്ടു കാട്ടാന ആക്രമണം. ഓടിക്കൊണ്ടിരുന്ന കാര് കാട്ടാന കുത്തിമറിച്ചിട്ടു. തലനാരിഴയ്ക്കാണ് മൂന്നാര് കാണാനെത്തിയ വിദേശസഞ്ചാരികള് രക്ഷപ്പെട്ടത്. സമീപത്ത് മേഞ്ഞിരുന്ന പശുവിനെ ആന ആക്രമിച്ചു കൊന്നു. ലണ്ടനില് നിന്നും മൂന്നാര് കാണാനെത്തിയവര് സഞ്ചരിച്ച വാഹനമാണ് അപകടത്തില്പ്പെട്ടത്. ഇവര് അത്ഭുതകരമായാണ് രക്ഷപ്പെട്ടതെന്ന് അപകടത്തില്പ്പെട്ട കാര് ഡ്രൈവര് പറഞ്ഞു. അപ്രതീക്ഷിതമായി പാഞ്ഞെടുത്ത കാട്ടാനെയെ കണ്ട് വാഹനം വെട്ടിക്കാന് ശ്രമിക്കുന്നതിനിടെ ആന വാഹനം കുത്തിമറിച്ചിടുകയായിരുന്നു. മറിച്ചിട്ട ശേഷം വാഹനത്തില് ചവിട്ടുകയും ചെയ്തു. ഫോറസ്്റ്റ് ഉദ്യോഗസ്ഥര് സ്ഥലത്തെത്തിയാണ് കാറിനകത്തുണ്ടായിരുന്ന തങ്ങളെ പുറത്തെടുത്തതെന്നും ഡ്രൈവര് പറഞ്ഞു. വിദേശ സഞ്ചാരികളുടെ പരിക്ക് ഗുരുതരമല്ലെന്നാണ് റിപ്പോര്ട്ടുകള്. കുന്നിന് മുകളില് നിന്ന് താഴോട്ട് പാഞ്ഞടുക്കുന്ന കാട്ടാനയെ കണ്ട് വാഹനം റിവേഴ്സ് അടിക്കാന് ശ്രമിച്ചെങ്കിലും ആപ്പോഴെക്കും ആന വാഹനം കുത്തിമറിച്ചിട്ടു. വിചാരിക്കാത്ത ഒരാക്രമണമാതിനാല് സഞ്ചാരികള് ഭയപ്പെട്ടുപോയെന്നും ഡ്രൈവര് പറഞ്ഞു. വിവരം അറിഞ്ഞ് സ്ഥലത്തെത്തിയ ആര്ടിടി സംഘം ആനയെ കാടുകയറ്റി.
Read More » -
Kerala
ഗായകന് കൃഷ്ണചന്ദ്രന്റെ പിതാവ് നാരായണ രാജ അന്തരിച്ചു
മലപ്പുറം: നിലമ്പുര് കോവിലകം അഞ്ചുമുറിയില് താമസിക്കുന്ന പുന്നത്തൂര് കോവിലകം വലിയ തമ്പുരാന് നാരായണരാജ (94) അന്തരിച്ചു. കൃഷിവകുപ്പ് മുന് ജോയിന്റ് ഡയറക്ടര് ആയിരുന്നു. ഭാര്യ: പരേതയായ നളിനി തമ്പാട്ടി. മക്കള്: കൃഷ്ണചന്ദ്രന് (സിനിമ പിന്നണി ഗായകന്, അമൃത ടീ.വി), മീര (ചെന്നൈ). മരുമക്കള്: വനിത (സിനിമ, സീരിയല് നടി), സതീഷ് മേനോന് (ചെന്നൈ). സംസ്കാരം നടത്തി.
Read More » -
Crime
റാഗിങ് ക്രിമിനലുകളുടെ തുടര്പഠനം തടയും; നടപടിയുമായി നഴ്സിങ് കൗണ്സില്
തിരുവനന്തപുരം: ഗാന്ധിനഗര് ഗവ. നഴ്സിങ് കോളജിലെ റാഗിങ്ങില് പ്രതികളായ 5 വിദ്യാര്ഥികളുടെ തുടര്പഠനം തടയും. നഴ്സിങ് കൗണ്സിലിന്റെ അടിയന്തര യോഗത്തിലാണ് തീരുമാനം. ഇക്കാര്യം കോളജ് അധികൃതരെ അറിയിക്കും. സമൂഹ മനസാക്ഷിയെ ഞെട്ടിച്ച സംഭവത്തില് മാതൃകപരമായ നടപടി സ്വീകരിക്കണെന്നായിരുന്നു കൗണ്സിലിലെ ഭൂരിപക്ഷ അഭിപ്രായം. അതേസമയം, നഴ്സിങ് കോളജില് ജൂനിയര് വിദ്യാര്ഥികള്ക്കെതിരെ ക്രൂരമായ റാഗിങ് നടക്കുമ്പോള് ഹൗസ് കീപ്പര് കം സെക്യൂരിറ്റി ഹോസ്റ്റലില് ഉണ്ടായിരുന്നുവെന്നു വിവരം. വിദ്യാര്ഥികളില് ഒരാള് വിവരം സെക്യൂരിറ്റിയെ അറിയിച്ചിട്ടും ഇടപെട്ടിരുന്നില്ലെന്നാണ് സൂചന. എന്നാല് ഇത്തരത്തില് റാഗിങ് നടന്നത് അറിഞ്ഞില്ലെന്നും ഇരയായ കുട്ടികള് നിലവിളിക്കുന്നതു കേട്ടില്ലെന്നുമാണ് ഹൗസ് കീപ്പര് കം സെക്യൂരിറ്റി മൊഴി നല്കിയത്. ഇതില് പൊലീസിനു സംശയം ഉണ്ട്. റാഗിങ് നടന്ന മുറിയില് നിന്നും കത്തിയും കോമ്പസും ഡമ്പലും കരിങ്കല് കഷണങ്ങളും പൊലീസ് കണ്ടെത്തിയിരുന്നു. കേസില് കൂടുതല് തെളിവുകള് ശേഖരിക്കാനാണ് പൊലീസ് നീക്കം. റാഗിങ്ങിനെതിരെ 4 വിദ്യാര്ഥികള് കൂടി കോളജിന്റെ ആന്റി റാഗിങ് സെല്ലില് പരാതി നല്കി. ഇതില് ഒരാള്…
Read More » -
Movie
മമ്മൂട്ടിയെ നേരിൽ കാണാനും നടിയാകാനും കാത്തിരിക്കുന്ന പെൺകുട്ടിയുടെ കഥ: ‘നാൻസി റാണി’ ഫസ്റ്റ് ലുക്ക് പോസ്റ്റർ മമ്മൂട്ടി പ്രകാശനംചെയ്തു, ചിത്രം മാർച്ച് 14ന്
നവാഗതനായ ജോസഫ് മനു ജയിംസ് തിരക്കഥ രചിച്ച് സംവിധാനം ചെയ്യുന്ന ‘നാൻസി റാണി’ എന്ന സിനിമയുടെ ഫസ്റ്റ് ലുക്ക് പോസ്റ്റർ മെഗാ സ്റ്റാർ മമ്മൂട്ടി തൻ്റെ ഒഫീഷ്യൽ പേജിലൂടെ പ്രകാശനം ചെയ്തു. മമ്മൂട്ടി എന്ന മഹാനടനെ നേരിൽ കാണാനും തനിക്ക് ഒരു നടിയാകാനുമായി കാത്തിരിക്കുന്ന ഒരു പെൺകുട്ടിയുടെ കഥയാണ് ഈ ചിത്രത്തിലൂടെ പറയാൻ ശ്രമിക്കുന്നത്. അതുകൊണ്ടുതന്നെ ‘നാൻസി റാണി’യുടെ ഫസ്റ്റ് ലുക്ക് പോസ്റ്റർ മമ്മൂട്ടി പ്രകാശനം ചെയ്യുന്നത് ചിത്രത്തിൻ്റെ പ്രസക്തി ഏറെ വർദ്ധിപ്പിക്കുന്നു എന്നു തന്നെ പറയാം. കൈലാത്ത് ഫിലിംസിൻ്റെ ബാനറിൽ റോയി സെബാസ്റ്റ്യൻ, മനു ജയിംസ് സിനിമാസിൻ്റെ ബാനറിൽ നൈനാ ജിബി പിട്ടാപ്പിള്ളിൽ, പോസ്റ്റ് പ്രൊഡക്ഷൻസിൻ്റെ ബാനറിൽ ജോൺ ഡബ്ല്യൂവർഗീസ് എന്നിവരാണ് ചിത്രം നിർമ്മിക്കുന്നത്. അർജുൻ അശോകൻ, ,അജു വർഗീസ്, സണ്ണി വെയ്ൻ, അഹാന കൃഷ്ണ, ലാൽ, ശ്രീനിവാസൻ, ഇന്ദ്രൻസ്, ധ്രുവൻ, റോയി സെബാസ്റ്റ്യൻ, മല്ലികാ സുമാരൻ, വിശാഖ് നായർ, കോട്ടയം രമേശ്, ലെന, സുധീർ കരമന, അബൂസലീം, അസീസ്…
Read More » -
Crime
അയല്വീട്ടില്നിന്ന് 9.5 പവന് കവര്ന്നു; അമ്മയും മകനും അറസ്റ്റില്
ഇടുക്കി: കട്ടപ്പന കടമാക്കുടിയില് അയല്വാസികളുടെ വീട്ടില്നിന്ന് സ്വര്ണം കവര്ന്ന അമ്മയും മകനും അറസ്റ്റില്. തമിഴ്നാട് സ്വദേശികളും ഇടുക്കിയില് വിവിധ സ്ഥലങ്ങളില് വാടകയ്ക്ക് താമസിച്ചു വരുന്നതുമായ മുരുകേശ്വരി രമേശ് , മകന് ശരണ്കുമാര് എന്നിവരെയാണ് കട്ടപ്പന പോലീസ് അറസ്റ്റ് ചെയ്തത്. അയല്വീട്ടില് താമസിച്ചിരുന്നവര് ആശുപത്രി ആവശ്യത്തിനായി വീടുവിട്ടുനിന്ന സമയത്താണ് ഇവര് 9.5 പവന് സ്വര്ണം മോഷ്ടിച്ചത്. മുരുകേശ്വരിയും ശരണും വാടകയ്ക്ക് താമസിച്ചിരുന്ന വീടിന്റെ അടുത്തുള്ള വീട്ടുകാര് ജനുവരി 23-ന് ആശുപത്രി ആവശ്യത്തിനായി പുറത്തു പോയിരുന്നു. ഫെബ്രുവരി രണ്ടിന് തിരിച്ചു വന്നപ്പോഴാണ് വീട്ടിലെ അലമാരയില് സൂക്ഷിച്ചിരുന്ന 9.5 പവന് സ്വര്ണം മോഷണം പോയ കാര്യം മനസിലാക്കുന്നത്. തുടര്ന്ന് കട്ടപ്പന പോലീസില് പരാതി നല്കി. പോലീസ് നടത്തിയ അന്വേഷണത്തില് വീട്ടുകാര് പുറത്തുപോവുമ്പോള് താക്കോല് ഒളിപ്പിച്ചു വെക്കുന്നത് മനസിലാക്കിയ പ്രതികള് സ്വര്ണം കൈക്കലാക്കുകയായിരുന്നു എന്ന് കണ്ടെത്തി. മോഷ്ടിച്ച സ്വര്ണം നെടുങ്കണ്ടത്തെ സ്വകാര്യ പണമിടപാട് സ്ഥാപനത്തില് പണയം വെച്ച് പ്രതികള് നാലു ലക്ഷം രൂപ വാങ്ങിയതായി തെളിഞ്ഞു. പ്രതികളെ…
Read More » -
Social Media
‘ഇഷ്ടത്തിന് പോയതാകും, പീഡനമെന്ന വാക്കാണ് തെറ്റ്… അവര് രണ്ടുപേരും എഞ്ചോയ് ചെയ്തു’
ചലച്ചിത്രമേഖലയില് സ്ത്രീകള് അനുഭവിക്കേണ്ടി വരുന്ന ചൂഷണങ്ങളെ കുറിച്ച് പഠിക്കാനും അതിനെ അഭിസബോധന ചെയ്യാനും വേണ്ടിയാണ് 2017 ജൂലൈയില് ജസ്റ്റിസ് കെ ഹേമ അധ്യക്ഷയായി മുന് ബ്യൂറോക്രാറ്റ് കെ ബി വത്സലകുമാരിയും മുതിര്ന്ന നടി ശാരദയും അംഗങ്ങളായ മൂന്നംഗ കമ്മീഷന് സര്ക്കാര് രൂപീകരിച്ചത്. ശേഷം സ്ത്രീകള് നേരിടുന്ന പ്രശ്നങ്ങള് മുതല് കൃത്യമായ വിവേചനവും അനീതിയും പുറത്തുകൊണ്ടുവന്നു ഹേമ കമ്മിറ്റി റിപ്പോര്ട്ട്. റിപ്പോര്ട്ടിന്റെ പശ്ചാത്തലത്തില് വിവാദങ്ങളുടെ കൊടുമുടിയിലായിരുന്നു മലയാള സിനിമ. താരസംഘടനയുടെ തലപ്പത്തുണ്ടായിരുന്ന നടന്മാരുടെ പേരില് വരെ ആരോപണങ്ങള് വന്നു. ഇപ്പോഴിതാ വിഷയത്തില് സിനിമാ-സീരിയല് താരം ജീജ സുരേന്ദ്രന് പറഞ്ഞ വാക്കുകളാണ് ശ്രദ്ധിക്കപ്പെടുന്നത്. സംഭവം നടന്ന ഉടന് പ്രതികരിക്കാതെ പത്ത് കൊല്ലം കഴിഞ്ഞ് വെളിപ്പെടുത്തല് നടത്തുന്നതിനോട് തനിക്ക് യോജിപ്പില്ലെന്നാണ് മാസ്റ്റര് ബിന് എന്ന യുട്യൂബ് ചാനലിന് നല്കിയ അഭിമുഖത്തില് ജീജ പറഞ്ഞത്. സമൂഹിക വിഷയങ്ങളില് അടക്കം കൃത്യമായ നിലപാടുകള് എടുക്കുകയും തുറന്ന് പറയുകയും ചെയ്യാന് ശ്രമിക്കാറുള്ള അഭിനേത്രി കൂടിയാണ് ജീജ സുരേന്ദ്രന്. ശാന്തിവിള ദിനേശ്…
Read More »