Month: January 2025
-
Crime
റെയില്വേ പാലത്തിനടിയില് പാതിവെന്ത നിലയില് യുവതിയുടെ മൃതദേഹം
ഹൈദരാബാദ്: മേധ്ച്ചലില് പാതിവെന്ത നിലയില് യുവതിയുടെ മൃതദേഹം കണ്ടെത്തി. എച്ച്.ഒ.ഒ.ആര് റോഡിന് സമീപം റെയില്വേ പാലത്തിന് താഴെ വിജനമായ സ്ഥലത്താണ് മൃതദേഹം ഉപേക്ഷിച്ച നിലയില് കണ്ടെത്തിയത്. 25-30 വയസ്സിനിടയില് പ്രായമുള്ള യുവതിയാണ് കൊല്ലപ്പെട്ടിരിക്കുന്നത് എന്നാണ് പ്രാഥമിക നിഗമനം. നഗ്നമായ നിലയിലായിരുന്നു മൃതദേഹം. വസ്ത്രങ്ങള് കത്തിച്ചതിന് ശേഷമാണ് ശരീരത്തില് തിയിട്ടിരിക്കുന്നത്. കല്ലുപോലുള്ള വസ്തുകൊണ്ട് തലയില് ഇടിച്ചാണ് കൊലപാതകം നടത്തിയിരിക്കുന്നത്. അതിന് ശേഷം തീയിട്ട് നശിപ്പിക്കാന് ശ്രമിക്കുകയായിരുന്നു. മുഖമടക്കക്കം ശരീരത്തിന്റെ പകുതിയോളം ഭാഗങ്ങള് വെന്തുപോയ നിലയിലാണ്. യുവതിയ്ക്ക് പരിചയമുള്ള വ്യക്തിയാണ് കൊലപ്പെടുത്തിയതെന്നാണ് പോലീസിന്റെ നിഗമനം. ഒറ്റപ്പെട്ട സ്ഥലത്തേക്ക് കൂട്ടിക്കൊണ്ടുപോയതിന് ശേഷമാണ് കൊലപാതകം നടത്തിയിരിക്കുന്നത്. ശ്രീകാന്ത് എന്ന് തെലുഗിലും നരേന്ദര് എന്ന് ഇംഗ്ലീഷിലും യുവതിയുടെ കയ്യില് പച്ചകുത്തിയിട്ടുണ്ട്. സ്വര്ണമാലയും മോതിരവും അടക്കമുള്ള ആഭരണങ്ങള് യുവതിയുടെ ശരീരത്തിലുള്ളതിനാല് മോഷണമായിരിക്കുമെന്ന നിഗമനം പോലീസ് തള്ളിക്കളഞ്ഞു.
Read More » -
India
ഭര്ത്താക്കന്മാരുടെ കുടി കാരണം പൊറുതിമുട്ടി; വീടുവിട്ടിറങ്ങിയ യുവതികള് പരസ്പരം വിവാഹിതരായി
ലഖ്നൗ: മദ്യപിച്ചെത്തുന്ന ഭര്ത്താക്കന്മാരുടെ ഉപദ്രവം സഹിക്കവയ്യാതെ വീടുവിട്ടിറങ്ങിയ രണ്ട് യുവതികള് ക്ഷേത്രത്തില് വെച്ച് പരസ്പരം മാല ചാര്ത്തി വിവാഹിതരായി. യു.പിയിലെ ദിയോറിയയിലാണ് സംഭവം. കവിത, ബബ്ലു എന്നിങ്ങനെയാണ് ഇരുവരുടെയും പേര്. ഇന്സ്റ്റഗ്രാമിലൂടെയാണ് ഇരുവരും പരിചയത്തിലായത്. വീട്ടില് തങ്ങള് അനുഭവിക്കുന്ന പീഡനങ്ങള് ഇരുവരും തുറന്നുപറഞ്ഞു. സ്ഥിര മദ്യപാനികളാണ് ഇരുവരുടെയും ഭര്ത്താക്കന്മാര്. മദ്യപിച്ച് വീട്ടിലെത്തി ഉപദ്രവിക്കുക പതിവായിരുന്നു. ഇതില് നിന്ന് രക്ഷപ്പെടാനുള്ള മാര്ഗമെന്നോണമാണ് ഇവര് വീടുവിട്ടിറങ്ങിയത്. ഒരു യുവതിക്ക് നാല് കുട്ടികളുണ്ട്. ഭര്ത്താവിന്റെ ഉപദ്രവം സഹിക്കവയ്യാതെ സ്വന്തം വീട്ടിലേക്ക് മടങ്ങാനുള്ള ആലോചനയിലായിരുന്നു ഇവര്. മറ്റേയാളെ ഭര്ത്താവിന് സ്ഥിരം സംശയമായിരുന്നു. ഇതിന്റെ പേരില് ഉപദ്രവം തുടരവേയാണ് ഇരുവരും പരിചയപ്പെടുന്നത്. തുടര്ന്ന്, ഭര്ത്താക്കന്മാരെ ഉപേക്ഷിച്ച് ഒരുമിച്ച് താമസിക്കാന് തീരുമാനിക്കുകയായിരുന്നു. ദിയോറയിലെ ചോട്ടി കാശി എന്നറിയപ്പെടുന്ന ശിവക്ഷേത്രത്തില് വെച്ച് ഇരുവരും പരസ്പരം മാല ചാര്ത്തി വിവാഹിതരാവുകയായിരുന്നു. തങ്ങള് ഇനി വീടുകളിലേക്ക് മടങ്ങില്ലെന്നും ഖൊരഗ്പൂരില് ഒരുമിച്ച് താമസിച്ച് കുടുംബം പോലെ കഴിയുമെന്നും ഇരുവരും പറഞ്ഞു.
Read More » -
Crime
കൊല്ലത്തെ സ്ത്രീധന പീഡനക്കേസ്; ആരോപണ വിധേയയായ വനിതാ എസ്ഐക്ക് സ്ഥലംമാറ്റം
കൊല്ലം: രണ്ട് എസ്ഐമാര് പ്രതികളായ സ്ത്രീധന പീഡനക്കേസില് ആരോപണ വിധേയയായ വനിതാ എസ്ഐക്ക് സ്ഥലം മാറ്റം. എസ്ഐ: ഐ.വി ആശയെ കൊല്ലം എസ്എസ്ബി യൂണിറ്റില്നിന്ന് പത്തനംതിട്ടയിലേക്കാണ് മാറ്റിയത്. ഒന്നാം പ്രതി വര്ക്കല എസ്ഐ അഭിഷേക് അവധിയിലാണ്. അതേസമയം പൊലീസ് സംരക്ഷണം ആവശ്യപ്പെട്ട് പരാതിക്കാരി അപേക്ഷ നല്കി. യുവതിയുടെ പരാതിയില് പരവൂര് പൊലീസ് രജിസ്റ്റര് ചെയ്ത കേസ് നിലവില് ക്രൈംബ്രാഞ്ച് ആണ് അന്വേഷിക്കുന്നത്. ജാമ്യമില്ലാ വകുപ്പ് ചുമത്തി കേസെടുത്തിട്ട്, ആരോപണ വിധേയര്ക്കെതിരെ നടപടി ഉണ്ടാകാതെ വന്നതോടെ യുവതി മുഖ്യമന്ത്രിക്ക് ഉള്പ്പെടെ പരാതി നല്കി. ഇതിന് പിന്നാലെയാണ് യുവതിയെ മര്ദിച്ചു എന്നതുള്പ്പെടെ ആരോപണം നേരിടുന്ന വനിതാ എസ്ഐയെ സ്ഥലം മാറ്റിയത്. തിരുവനന്തപുരം റേഞ്ച് ഡിഐജി അജിതാബീഗത്തിന്റെ നിര്ദേശപ്രകാരമാണ് നടപടി. കേസിലെ ഒന്നാംപ്രതിയും പരാതിക്കാരിയുടെ ഭര്ത്താവുമായ വര്ക്കല എസ്ഐ അഭിഷേക് അവധിയിലാണെങ്കിലും ഇപ്പോഴും ചുമതലയില് തുടരുകയാണ്. സ്ത്രീധന പീഡന നിരോധന നിയമം, ക്രിമിനല് ഗൂഢാലോചന, വിശ്വാസവഞ്ചന ഉള്പ്പെടെയുള്ള വകുപ്പുകള് ചുമത്തിയാണ് പ്രതികള്ക്കെതിരായ കേസ്. ജില്ലാ കോടതി…
Read More » -
Kerala
മിമിക്രി താരവും നര്ത്തകനുമായ അവ്വൈ സന്തോഷ് വാഹനാപകടത്തില് മരിച്ചു
കൊച്ചി: മിമിക്രി താരം സന്തോഷ് ജോണ് (അവ്വൈ സന്തോഷ് – 43) വാഹനാപകടത്തില് മരിച്ചു. അങ്കമാലിക്ക് സമീപമുണ്ടായ ബൈക്ക് അപകടത്തിലാണ് സന്തോഷ് മരിച്ചത്. പട്ടാമ്പിയില് നിന്ന് പരിപാടി കഴിഞ്ഞ് മടങ്ങുമ്പോഴായിരുന്നു അപകടം. കേരളത്തിലെ അറിയപ്പെടുന്ന സ്റ്റേജ് പെര്ഫോമറായിരുന്നു സന്തോഷ്. കമല് ഹാസന്റെ അവ്വൈ ഷണ്മുഖി, അപൂര്വ സഹോദരങ്ങള് എന്നീ ചിത്രങ്ങളിലെ കഥാപാത്രങ്ങളെ സ്റ്റേജുകളില് അവതരിപ്പിച്ച് ശ്രദ്ധേയനായ കലാകാരനാണ് സന്തോഷ്. മികച്ച രീതിയില് നൃത്തം ചെയ്തതിന് കമല് ഹാസന് സന്തോഷിനെ നേരില് കണ്ട് അഭിനന്ദിച്ചിരുന്നു. ഇതോടെ സന്തോഷ് അവ്വൈ സന്തോഷ് എന്ന പേരില് അറിയപ്പെടുകയായിരുന്നു. 20ലധികം സിനിമകളിലും അഭിനയിച്ചിട്ടുണ്ട്. മൈ ഡിയര് കുട്ടിച്ചാത്തന്, സത്യം ശിവം സുന്ദരം, സകലകലാ വല്ലഭന്, സ്പാനിഷ് മസാല, അപരന്മാര് നഗരത്തില് തുടങ്ങി നിരവധി സിനിമകളില് സന്തോഷ് അഭിനയിച്ചു. ജയറാം, നാദിര്ഷ, കലാഭവന് മണി എന്നിവരോടൊപ്പം വിദേശ രാജ്യങ്ങളിലും സ്റ്റേജ് പരിപാടികളില് സന്തോഷ് ജോണ് തിളങ്ങി. സന്തോഷും അമ്മ ലീലാമ്മ ജോണും ചേര്ന്ന് അവതരിപ്പിക്കുന്ന ഡാന്സ് പരിപാടികള് സോഷ്യല്…
Read More » -
Kerala
കെപിസിസി അധ്യക്ഷ സ്ഥാനത്തുനിന്ന് സുധാകരനെ മാറ്റില്ല; കെ.സിയുമായി ഇന്ന് കൂടിക്കാഴ്ച
തിരുവനന്തപുരം: കെ.പി.സി.സി. അധ്യക്ഷ സ്ഥാനത്ത് നിന്ന് കെ സുധാകരനെ ഉടന് മാറ്റില്ല. നേതൃമാറ്റം ഉടനില്ലെന്ന് സുധാകരന് ഹൈക്കമാന്ഡ് ഉറപ്പ് നല്കി. സുധാകരനെ നിലനിര്ത്തി പുനസംഘടന പൂര്ത്തിയാക്കാനാണ് തീരുമാനം. അദ്ദേഹത്തെ വിശ്വാസത്തിലെടുക്കാതെ ഒരു തീരുമാനവും ഉണ്ടാകില്ലെന്നാണ് അറിയിച്ചത്. പുനസംഘടന നടപടികളുമായി മുന്നോട്ടു പോകാന് സുധാകരന് ഹൈക്കമാന്ഡ് നിര്ദ്ദേശം നല്കി. എഐസിസി ജനറല് സെക്രട്ടറി ദീപാ ദാസ് മുന്ഷി നടത്തുന്നത് പുനസംഘടനാ ചര്ച്ചകള് മാത്രമാണ്. സുധാകരന് കടുത്ത അതൃപ്തി അറിയിച്ചതിന് പിന്നാലെ എ.ഐ.സി.സിയുടെ മറുപടി. കെ. സുധാകരനും പ്രതിപക്ഷ നേതാവ് വി.ഡി. സതീശനും തമ്മിലുള്ള അകല്ച്ച സംഘടനാ സംവിധാനത്തെ നിശ്ചലമാക്കുന്നെന്ന വിലയിരുത്തല് ഹൈക്കമാന്ഡിനുണ്ട്. പ്രധാന വിഷയങ്ങളില്പ്പോലും കൂട്ടായ ചര്ച്ചയിലൂടെ പൊതുനിലപാട് സ്വീകരിക്കാന് കഴിയുന്നില്ല. ഈ സാഹചര്യത്തിലാണ് കെ.പി.സി.സി. പ്രസിഡന്റിനെ മാറ്റണോയെന്നതില് ഹൈക്കമാന്ഡ് മുതിര്ന്ന നേതാക്കളുടെ അഭിപ്രായം തേടിയത്. സുധാകരനെ മാറ്റിയേക്കുമെന്നായിരുന്നു തുടക്കത്തില് വന്ന റിപ്പോര്ട്ടുകള്. അതിനിടെയാണ് സംഘടനാപരമായ കാര്യങ്ങളില് സതീശന് മുന്കൈയെടുക്കുന്നെന്ന പരാതിയും ഉയര്ന്നത്. അടുത്ത നിയമസഭാ തിരഞ്ഞെടുപ്പില് മുന്കൂര് തയ്യാറെടുപ്പ് നടത്തിയാല് ജയിക്കാവുന്ന…
Read More » -
India
ഡി.കെ. മുഖ്യമന്ത്രി കസേരയിലേക്ക്; പദവി ഒഴിയാന് സിദ്ധരാമയ്യ
ബംഗളൂരു: ഈ വര്ഷം അവസാനത്തോടെ മുഖ്യമന്ത്രിപദം ഡി.കെ. ശിവകുമാറിനു കൈമാറുമെന്നു സിദ്ധരാമയ്യ സൂചന നല്കി. കോണ്ഗ്രസ് ഹൈക്കമാന്ഡ് അന്തിമ തീരുമാനമെടുക്കുമെന്നും അദ്ദേഹം വ്യക്തമാക്കി. 2023 മേയില് കോണ്ഗ്രസ് അധികാരത്തിലേറിയപ്പോള് മുഖ്യമന്ത്രി പദത്തിനായി ഇരുനേതാക്കളും അവകാശവാദം ഉന്നയിച്ചിരുന്നു. തുടര്ന്ന് രണ്ടരവര്ഷം വീതം പദവി പങ്കിടുക എന്ന ധാരണയിലെത്തിയതായി റിപ്പോര്ട്ടുകളുണ്ടായിരുന്നു. എന്നാല്, മുഖ്യമന്ത്രി പദം പങ്കുവയ്ക്കാന് ധാരണ ഇല്ലെന്നാണ് അടുത്തകാലം വരെ സിദ്ധരാമയ്യ പറഞ്ഞിരുന്നത്. നേരത്തേ സ്വകാര്യ ചാനലിനു നല്കിയ അഭിമുഖത്തില് അധികാരക്കൈമാറ്റം സംബന്ധിച്ച് കോണ്ഗ്രസ് നേതൃത്വവുമായി ധാരണയുണ്ടെന്നും തന്റെ അവസരത്തിനായി കാത്തിരിക്കുകയാണെന്നും ശിവകുമാര് വ്യക്തമാക്കിയിരുന്നു. അതു വിവാദമായതോടെ സിദ്ധരാമയ്യയുടെ വാക്ക് അന്തിമമാണെന്ന് അറിയിച്ച് ശിവകുമാര് തന്നെ രംഗം ശാന്തമാക്കുകയായിരുന്നു. അതിനിടെ, പൊതുമരാമത്ത് മന്ത്രി സതീഷ് ജാര്ക്കിഹോളിയും മുഖ്യമന്ത്രിപദത്തിനായി അവകാശവാദം ഉന്നയിക്കുന്നുണ്ട്.
Read More » -
Crime
‘ദിവ്യഗർഭം’ ധരിച്ച കന്യാസ്ത്രീ, പ്രസവിച്ച കുഞ്ഞിനെ വലിച്ചെറിഞ്ഞു കൊന്നു: കാരണക്കാരനായ വൈദികൻ കയ്യൊഴിഞ്ഞിട്ടും മൊഴിയിൽ ഉറച്ച് കന്യാസ്ത്രീ
കന്യാസ്ത്രീയായ വിദ്യാർത്ഥിനി പ്രസവിച്ച് മിനിറ്റുകൾക്കുള്ളിൽ കുഞ്ഞിനെ വലിച്ചെറിഞ്ഞ് കൊന്ന സംഭവത്തിൽ പുതിയ ട്വിസ്റ്റ്. അറസ്റ്റിലായ വൈദികവിദ്യാര്ത്ഥി കുറ്റക്കാരനല്ലെന്ന് ഡിഎൻഎ പരിശോധനയിൽ കണ്ടെത്തി. തെലുങ്കാന എലുരുവിലെ സെന്റ് ജോസഫ് കോണ്വെന്റ് ഹോസ്റ്റലിലെ അന്തേവാസിയായ 18 കാരിയായ കന്യാസ്ത്രി വിദ്യാര്ത്ഥിനിയാണ് പ്രസവിച്ച ഉടനെ കുഞ്ഞിനെ വലിച്ചെറിഞ്ഞ് കൊന്നത്. ജനിച്ച് മിനിറ്റുകള് മാത്രം പ്രായമുള്ള ആണ്കുട്ടിയുടെ മൃതദേഹമാണ് തൊട്ടടുത്ത പുരയിടത്തില് നിന്ന് കണ്ടെത്തിയത്. കഴിഞ്ഞ ഡിസംബർ 8 നായിരുന്നു സംഭവം. തുടർന്നാണ് വൈദിക വിദ്യാര്ത്ഥി (ഡീക്കന്) അറസ്റ്റിലായത്. കത്തോലിക്ക സഭയിലെ കപ്പൂച്ചിന് സന്യാസ സമൂഹത്തില്പ്പെട്ട സെമിനാരി വിദ്യാര്ത്ഥിയാണ് ഇദ്ദേഹം. . മിനിറ്റുകള് മാത്രം പ്രായമുള്ള കുഞ്ഞിന്റെ ശരീരം ആരോ വലിച്ചെറിഞ്ഞതായി വിവരം ലഭിച്ചതിന്റെ അടിസ്ഥാനത്തിലാണ് പൊലീസ് അന്വേഷണം ആരംഭിച്ചത്. എലുരുവിലെ സെന്റ് ജോസഫ് കോണ്വെന്റ് ഹോസ്റ്റലിലെ അന്തേവാസിയായ 18കാരിയായ കന്യാസ്ത്രി പ്രസവിച്ച കുഞ്ഞിനെയാണ് വലിച്ചെറിഞ്ഞതെന്ന് പൊലിസ് കണ്ടെത്തി. കൂര്ണൂല് സ്വദേശിയായ പെണ്കുട്ടി ഇന്റര്മീഡിയറ്റ് വിദ്യാര്ഥിയാണ്. ഒപ്പം കന്യാസ്ത്രീ പരിശീലനത്തിലുമായിരുന്നു. പൊലീസ് കസ്റ്റഡിയിലായ യുവതി…
Read More » -
Crime
കഠിനംകുളം യുവതിയുടെ കൊലപാതകം; കഴുത്തില് കുത്തിയത് ലൈംഗിക ബന്ധത്തിനിടെ, രക്ഷപ്പട്ടത് ഭര്ത്താവിന്റെ ഷര്ട്ട് ധരിച്ച്
തിരുവനന്തപുരം: കഠിനംകുളം കൊലപാതകത്തില് യുവതിയെ പ്രതി ജോണ്സണ് കുത്തിയത് ലൈംഗിക ബന്ധത്തിനിടെയെന്നു മൊഴി. കൊലപാതകത്തിന് ശേഷം യുവതിടെ ഭര്ത്താവിന്റെ ഷര്ട്ട് ധരിച്ചാണ് പ്രതി മടങ്ങിയത്. തന്നെ ഒഴിവാക്കുന്നതായി തോന്നിയതിനാലാണ് കൊന്നതെന്നും ജോണ്സന്റെ മൊഴിയില് പറയുന്നു. സംഭവദിവസം രാവിലെ 6.30നാണ് പെരുമാതുറയിലെ ലോഡ്ജില്നിന്നു പ്രതി പുറത്തേക്കിറങ്ങുന്നത്. സംശയം തോന്നാതിരിക്കാന് കാല്നടയായിട്ടാണ് ഇയാള് കഠിനംകുളത്തുള്ള യുവതിടെ വീട്ടിലെത്തുന്നത്. ഭര്ത്താവും കുട്ടികളും പോകുന്നതുവരെ ജോണ്സന് വീടിന്റെ പരിസരത്ത് ചുറ്റിപ്പറ്റിനിന്നു. ശേഷം 9 മണിയോടെയാണ് വീട്ടിലേക്ക് കടക്കുന്നത്. യുവതിയോട് ചായയിട്ട് തരാന് ആവശ്യപ്പെടുകയും അടുക്കളയിലേക്ക് പോയ തക്കം നോക്കി കയ്യില് കരുതിയിരുന്ന കത്തി ബെഡ് റൂമിലെ കിടക്കയുടെ അടിയില് ഒളിപ്പിക്കുകയും ചെയ്തു. ഇരുവരും തമ്മില് ബന്ധപ്പെടുന്നതിനിടെ ജോണ്സണ് കത്തിയെടുത്ത് യുവതിയുടെ കഴുത്തില് കുത്തുകയായിരുന്നു. കത്തി കുത്തിയിറക്കിയ ശേഷം വലിച്ചൂരി കഴുത്തറത്തുവെന്നും പ്രതി പറഞ്ഞു. ധരിച്ചിരുന്ന ഷര്ട്ടില് രക്തം പുരണ്ടതിനെ തുടര്ന്ന് യുവതിയുടെ ഭര്ത്താവിന്റെ ഷര്ട്ട് ധരിച്ചാണ് പ്രതി മടങ്ങിയത്. യുവതിയുടെ സ്കൂട്ടറെടുത്തതിന് ശേഷം ചിറയിന്കീഴ് റെയില്വെസ്റ്റേഷനിലെത്തിയ പ്രതി…
Read More » -
Social Media
”പൈസ ചോദിക്കുമെന്ന് പേടിച്ചിട്ടാണ് വരാത്തതെങ്കില് ആ നിലയില് ആരും കുടുംബത്തിലില്ല, അച്ഛനെ കുറിച്ച് ലാല് പറയാറില്ല”
സ്വകാര്യ അഹങ്കാരം എന്നതുപോലെയാണ് മോഹന്ലാല് എന്ന മഹാപ്രതിഭയെ മലയാളികള് കാണുന്നതും സ്നേഹിക്കുന്നതും. പക്ഷെ ഏറ്റവും കൂടുതല് ക്രൂശിക്കപ്പെടാറുള്ള നടനും താരം തന്നെയാണ്. ഒരോ സിനിമ റിലീസ് ചെയ്ത് കഴിയുമ്പോഴും വലിയ രീതിയിലാണ് മോഹന്ലാലിന് വിമര്ശനം കേള്ക്കേണ്ടി വരാറുള്ളത്. നടന്റെ ചെറിയ പ്രവൃത്തികള് പോലും വിലയിരുത്തി ക്രൂരമായി വിമര്ശിക്കുന്ന രീതിയും അടുത്ത കാലത്തായുണ്ട്. പത്തനംതിട്ടയിലാണ് മോഹന്ലാല് ജനിച്ചത്. പിന്നീടാണ് തിരുവനന്തപുരത്ത് താമസമാക്കിയത്. സ്വന്തമെന്ന് പറയാന് അമ്മ മാത്രമാണ് ഇന്ന് ലാലിനുള്ളത്. അമ്മയെ കുറിച്ച് പറയുമ്പോഴെല്ലാം നടന് വാചാലനാകാറുമുണ്ട്. കുറച്ച് വര്ഷങ്ങള്ക്ക് മുമ്പാണ് നടന് അച്ഛനേയും സഹോദരനേയും നഷ്ടപ്പെട്ടത്. എന്നാല് മോഹന്ലാല് ബന്ധങ്ങള്ക്ക് വില കല്പ്പിക്കാത്തയാളാണെന്ന് പറയുകയാണ് അദ്ദേഹത്തിന്റെ പിതൃസഹോദരപുത്രന് ബിജു ഗോപിനാഥന് നായര്. മാസ്റ്റര്ബിന് എന്ന യുട്യൂബ് ചാനലിന് നല്കിയ അഭിമുഖത്തില് സംസാരിക്കുകയായിരുന്നു ബിജു. സ്വന്തം അച്ഛനെ കുറിച്ച് എവിടെയും പരാമര്ശിക്കാത്തയാളാണ് മോഹന്ലാലെന്നും അച്ഛന്റെ കുടുംബവുമായി നടന് ബന്ധങ്ങളൊന്നും നിലനിര്ത്തുന്നില്ലെന്നും ബിജു പറയുന്നു. യുട്യൂബില് ഞാന് വീഡിയോ ഇട്ടശേഷം വളരെ മോശമായ കമന്റുകള്…
Read More » -
Kerala
സംവിധായകന് ഷാഫി വെന്റിലേറ്ററില്; നില അതീവ ഗുരുതരം
കൊച്ചി: സംവിധായകന് ഷാഫിയുടെ ആരോഗ്യനില അതീവ ഗുരുതരാവസ്ഥയില്. കൊച്ചിയിലെ സ്വകാര്യ ആശുപത്രിയില് വെന്റിലേറ്ററിന്റെ സഹായത്തോടെയാണ് ജീവന് നിലനിര്ത്തുന്നത്. ന്യൂറോ സര്ജിക്കല് തീവ്രപരിചരണ വിഭാഗത്തിലാണ് ഷാഫിയുള്ളതെന്നും ആശുപത്രി അധികൃതര് അറിച്ചു. മലയാളത്തില് നിരവധി ഹിറ്റ് ചിത്രങ്ങള് ഒരുക്കിയിട്ടുള്ള സംവിധായകനാണ് ഷാഫി. കല്യാണരാമന്, പുലിവാല് കല്യാണം, മായാവി, ചോക്ലേറ്റ്, മേരിക്കുണ്ടൊരു കുഞ്ഞാട്, മേക്കപ്പ്മാന്, ടു കണ്ട്രീസ് തുടങ്ങിയവ ഷാഫി സംവിധാനം ചെയ്ത ചിത്രങ്ങളില് ചിലതാണ്. 2018ല് റിലീസ് ചെയ്ത ചില്ഡ്രന്സ് പാര്ക്കാണ് ഷാഫിയുടെ സംവിധാനത്തില് ഏറ്റവും ഒടുവില് പുറത്തിറങ്ങിയ ചിത്രം. റാഫി-മെക്കാര്ട്ടിന് സംവിധായക ജോഡിയിലെ റാഫിയുടെ സഹോദരനാണ് ഷാഫി. അന്തരിച്ച പ്രശസ്ത സംവിധായകന് സിദ്ദിഖ് ഇവരുടെ അമ്മാവനാണ്.
Read More »