കൊച്ചി: നഗരത്തിലെ അങ്കണവാടിയില് 12 കുട്ടികള്ക്ക് ഭക്ഷ്യവിഷബാധയേറ്റു. പൊന്നുരുന്നി ഈസ്റ്റ് നാരായണാശാന് റോഡിലുള്ള അങ്കണവാടിയിലെ കുട്ടികള്ക്ക് വ്യാഴാഴ്ചയാണ് ഛര്ദ്ദിയും വയറിളക്കവും പിടിപെട്ടത്. തുടര്ന്ന് വിവിധ ആശുപത്രികളില് പ്രവേശിപ്പിക്കപ്പെട്ട കുട്ടികള് സുഖംപ്രാപിച്ചു വരുന്നു. കുടിവെള്ളത്തില് നിന്നാണ് ഭക്ഷ്യവിഷബാധയേറ്റതെന്ന് നാട്ടുകാര് ആരോപിക്കുന്നു.
അങ്കണവാടിയിലേക്കുള്ള വാട്ടര് ടാങ്കില് ചത്ത പാറ്റകളെ കണ്ടെത്തിയതായും ആരോപണമുണ്ട്. ആരോഗ്യവകുപ്പ് അധികൃതരെത്തി പരിശോധന നടത്തുകയും വെള്ളത്തിന്റെ സാംപിള് ശേഖരിക്കുകയും ചെയ്തിരുന്നു. കുടിവെള്ളത്തില് മാലിന്യം കലരുന്നതു മൂലം ഭക്ഷ്യവിഷബാധയും മഞ്ഞപ്പിത്തം പോലുള്ള അസുഖങ്ങളും പടരുന്നത് കൊച്ചിയില് പതിവായിരിക്കുകയാണ്.
