![](https://newsthen.com/wp-content/uploads/2022/05/4078ce119c78a8157c124d7872928b8f-2.jpg)
തിരുവനന്തപുരം: ലോക്സഭ തെരഞ്ഞെടുപ്പിന്റെ ഭാഗമായി വോട്ടെടുപ്പ് നടക്കുന്ന ഏപ്രില് 26- ന് സംസ്ഥാനത്ത് പൊതു അവധി പ്രഖ്യാപിച്ചു. സര്ക്കാര് ഓഫിസുകള്, വിദ്യാഭ്യാസ സ്ഥാപനങ്ങള് എന്നിവയ്ക്ക് അവധി ബാധകമാണ്. വാണിജ്യ സ്ഥാപനങ്ങള്ക്കു ശമ്പളത്തോടെയുള്ള അവധിയായിരിക്കും.
കൊമേഴ്സ്യല് എസ്റ്റാബ്ലിഷ്മെന്റ് ആക്ടിനു പരിധിയില് വരുന്ന സ്വകാര്യ സ്ഥാപനങ്ങള്, സ്വകാര്യ വ്യവസായ കേന്ദ്രങ്ങള് തുടങ്ങിയിടങ്ങളില് അവധി പ്രഖ്യാപിക്കുന്നതിന് ലേബര് കമ്മിഷണര് ആവശ്യമായ ക്രമീകരണങ്ങള് ഏര്പ്പെടുത്തണം. അവധി ദിനത്തില് വേതനം നിഷേധിക്കുകയോ കുറവു വരുത്തുകയോ ചെയ്യരുതെന്നും ഉത്തരവില് പറയുന്നു.
![Signature-ad](https://newsthen.com/wp-content/uploads/2024/06/signature.jpg)
വോട്ടര് പട്ടികയില് പേരു ചേര്ക്കാന് മാര്ച്ച് 25 വരെ അപേക്ഷ നല്കിയവര്ക്ക് ഇത്തവണത്തെ ലോക്സഭാ തെരഞ്ഞെടുപ്പില് വോട്ട് ചെയ്യാം. ഇവരുടെ അപേക്ഷകള് ഏപ്രില് നാല് വരെ നടക്കുന്ന ഉദ്യോ?ഗസ്ഥതല പരിശോധനയില് പരി?ഗണിക്കും. തുടര്ന്നു അന്തിമ പട്ടിക തയ്യാറാക്കും. ഏപ്രില് നാല് വരെ അപേക്ഷിക്കുന്നവര്ക്ക് വോട്ടു ചെയ്യാന് പറ്റുമെന്ന തരത്തിലുള്ള സന്ദേശം തെറ്റാണെന്നു മുഖ്യ തെരഞ്ഞെടുപ്പ് ഓഫീസര് അറിയിച്ചു.