![](https://newsthen.com/wp-content/uploads/2024/03/Screenshot_2024-03-22-18-21-07-17_a23b203fd3aafc6dcb84e438dda678b62.jpg)
ന്യൂഡൽഹി: ലോക്സഭാ തിരഞ്ഞെടുപ്പിനായുള്ള സ്ഥാനാർഥികളുടെ നാലാം പട്ടിക പുറത്തുവിട്ട് ബി.ജെ.പി. കേന്ദ്ര നേതൃത്വം.
തമിഴ്നാട്ടിലെയും പുതുച്ചേരിയിലെയും സ്ഥാനാർഥികളുടെ പട്ടികയാണ് വെള്ളിയാഴ്ച പുറത്തുവിട്ടത്. എന്നാല് ഈ പട്ടികയിലും കേരളത്തിലെ നാല് മണ്ഡലങ്ങള് ഇല്ല.
കൊല്ലം, എറണാകുളം, ആലത്തൂർ, വയനാട് മണ്ഡലങ്ങളിലെ സ്ഥാനാർഥികളെയാണ് ഇനി പ്രഖ്യാപിക്കാനുള്ളത്. അതേസമയം, നടി രാധിക ശരത്കുമാർ വിരുതുനഗറില്നിന്ന് മത്സരിക്കും. രാധികയുടെ ഭർത്താവും നടനുമായ ശരത്കുമാർ ബി.ജെ.പിയില് ചേർന്നത് വലിയ വാർത്തയായിരുന്നു.
![Signature-ad](https://newsthen.com/wp-content/uploads/2024/06/signature.jpg)
പുതുച്ചേരിയില് എ. നമശ്ശിവായം ആണ് ബി.ജെ.പിക്ക് വേണ്ടി മത്സരിക്കുക. നേരത്തെ പുതുച്ചേരി പ്രദേശ് കോണ്ഗ്രസ് കമ്മിറ്റിയുടെ പ്രസിഡന്റായിരുന്ന അറുമുഖം നമശ്ശിവായം 2021-ല് പാർട്ടിയില് നിന്ന് പുറത്താക്കപ്പെട്ടിരുന്നു. പിന്നാലെയാണ് ബി.ജെ.പിയില് ചേർന്നത്.