മലപ്പുറം: അരീക്കോട് ഫുട്ബോള് മത്സരത്തിനിടെ ഐവറി കോസ്റ്റ് താരം ആക്രമിക്കപ്പെട്ട സംഭവത്തില് കണ്ടാലറിയാവുന്ന 15 പേര്ക്കെതിരെ കേസെടുത്തു. ജാമ്യമില്ലാ വകുപ്പുകള് ചുമത്തിയാണ് അരീക്കോട് പൊലീസ് കേസെടുത്തത്. ആയുധമുപയോഗിച്ച് മുറിവേല്പ്പിക്കുക, വധശ്രമം, ആക്രമിച്ചു പരിക്കേല്പ്പിക്കല് തുടങ്ങിയ വകുപ്പുകളാണ് ചുമത്തിയത്.
അന്വേഷണത്തിനായി അരീക്കോട് പൊലീസ് സ്റ്റേഷനില് പ്രത്യേക സെല് രൂപീകരിച്ചിട്ടുണ്ട്. ഡല്ഹിയിലെ ഐവറി കോസ്റ്റ് എംബസിയിലേക്കും പരാതി നല്കിയിട്ടുണ്ട്. അരീക്കോട് ചെമ്രകാട്ടൂരില് കഴിഞ്ഞ ഞായറാഴ്ച നടന്ന ഫുട്ബോള് മത്സരത്തിനിടയിലായിരുന്നു സംഭവം. കാണികളോട് മോശമായി പെരുമാറിയെന്നാരോപിച്ച് കാണികള് താരത്തെ അക്രമിക്കുകയായിരുന്നു. കളിക്കുന്നതിനിടെ കാണികളിലൊരാളെ താരം മര്ദിച്ചുവെന്നും ഇതിന് പിന്നാലെ താരത്തിനെ ആള്ക്കൂട്ടം കൂട്ടമായി മര്ദിക്കുവായിരുന്നുവെന്നും ദൃക്സാക്ഷികള് പറയുന്നത്.
