കട്ടപ്പന: വാഹന പരിശോധനയ്‌ക്കിടെ എസ്‌.ഐയെ ബൈക്കിടിച്ച്‌ അപായപ്പെടുത്താന്‍ ശ്രമിച്ച സംഭവത്തില്‍ യുവാവ്‌ അറസ്‌റ്റില്‍.
അമ്ബലക്കവല നിരപ്പേല്‍ ആദര്‍ശ്‌ റെജി(18)യാണ്‌ അറസ്‌റ്റിലായത്‌.
തിങ്കളാഴ്‌ച്ച രാത്രി 8.45-ഓടെ കട്ടപ്പന ടി.ബി. ജങ്‌ഷനിലായിരുന്നു സംഭവം.
വാഹന പരിശോധനയ്‌ക്കിടെ നമ്ബര്‍ പ്ലേറ്റില്ലാതെ അപകടകരമാംവിധം ബൈക്ക്‌ ഓടിച്ചു വന്ന ആദര്‍ശിനെ കട്ടപ്പന എസ്‌.ഐ. സുനേഖ്‌ കൈകാണിച്ചെങ്കിലും നിര്‍ത്തിയില്ല. തുടര്‍ന്ന്‌ ബൈക്ക്‌ വെട്ടിത്തിരിച്ച്‌ എസ്‌.ഐയുടെ കൈത്തണ്ടയില്‍ ഇടിപ്പിച്ചു. ഇടിയുടെ ആഘാതത്തില്‍ റോഡരികിലുള്ള കല്‍ഭിത്തിയിലേക്ക്‌ വീഴാന്‍ തുടങ്ങിയ എസ്‌.ഐയെ ബൈക്ക്‌ കൊണ്ട്‌ വയറിന്‍മേല്‍ ഇടിപ്പിച്ച്‌ മതിലിനോട്‌ ചേര്‍ത്ത്‌ ഞെരുക്കി പരുക്കേല്‍പ്പിക്കുകയായിരുന്നു.
പരുക്കേറ്റ എസ്‌.ഐ ആശുപത്രിയില്‍ ചികിത്സ തേടി.
