Month: February 2024
-
NEWS
ഭര്‍ത്താവ് മണ്ണെണ്ണയൊഴിച്ച്‌ തീകൊളുത്തിയ വീട്ടമ്മ മരിച്ചു
തിരുവനന്തപുരം: ഭർത്താവ് കൊലപ്പെടുത്താൻ ശ്രമിച്ച്‌ ഗുരുതരാവസ്ഥ‍യില്‍ ചികിത്സയില്‍ കഴിഞ്ഞ വീട്ടമ്മ മരിച്ചു. വർക്കല ചാവർകോട് സ്വദേശി ലീല(45)ആണ് മരിച്ചത്. സംഭവത്തില്‍ ലീലയുടെ ഭർത്താവ് അശോകൻ റിമാൻഡിലാണ്. ഫെബ്രുവരി 26ന് പുലർച്ചെയാണ് സംഭവം. ലീലയെ അശോകൻ മണ്ണെണ്ണ ഒഴിച്ച്‌ തീകൊളുത്തുകയായിരുന്നു. ലീലയുടെ ഭർത്താവ് അശോകന് ഒരു വർഷം മുന്നേ സ്ട്രോക്ക് വന്ന് ശരീരം തളർന്നിരുന്നു. ചികിത്സ നടന്നുവെങ്കിലും ഒരു കാലിന് മുടന്ത് സംഭവിച്ചതിനാല്‍ ജോലിക്ക് പോകാൻ കഴിയാത്ത അവസ്ഥയിലാണ്. ഭാര്യ ലീല തൊഴിലുറപ്പ് ജോലിക്ക് പോയാണ് കുടുബം നോക്കിയിരുന്നത്. തന്നെ ഭാര്യ ഉപേക്ഷിച്ചു പോകുമെന്ന സംശയവും പേടിയുമാണ് കൃത്യം നടത്താൻ കാരണമെന്ന് ഇയാള്‍ പോലീസിന് മൊഴി നല്‍കിയിരുന്നു. സംഭവം നടക്കുമ്ബോള്‍ ലീലയുടെ മകളും ചെറുമകളും ഉള്‍പ്പെടെ വീട്ടില്‍ ഉണ്ടായിരുന്നു. മകളാണ് വെള്ളം ഒഴിച്ചു തീ കെടുത്തിയത്. പൊള്ളലേറ്റ ലീലയെ നാട്ടുകാർ തിരുവനന്തപുരം മെഡിക്കല്‍ കോളജ് ആശുപത്രിയില്‍ എത്തിക്കുകയായിരുന്നു. വിവരമറിഞ്ഞെത്തിയ പോലീസ് അശോകനെ രാത്രി തന്നെ കസ്റ്റഡിയില്‍ എടുത്തിരുന്നു.
Read More » -
Crime
വെറ്ററിനറി സര്‍വകലാശാലാ വിദ്യാര്‍ഥിയുടെ ദുരൂഹ മരണം; ഒന്നാംപ്രതി അഖില്‍ അറസ്റ്റില്‍
വയനാട്: പൂക്കോട് വെറ്ററിനറി സര്‍വകലാശാല ക്യാംപസിലെ വിദ്യാര്‍ഥി ജെ.എസ്.സിദ്ധാര്‍ഥന്റെ മരണവുമായി ബന്ധപ്പെട്ട കേസില്‍ പ്രധാനപ്രതി പിടിയില്‍. മുഖ്യപ്രതി അഖിലിനെ പാലക്കാട്ടുനിന്നാണു കസ്റ്റഡിയിലെടുത്തത്. 2-ാം വര്‍ഷ ബിവിഎസ്സി വിദ്യാര്‍ഥി തിരുവനന്തപുരം നെടുമങ്ങാട് സ്വദേശി ജെ.എസ്.സിദ്ധാര്‍ഥന്‍ (20) ആള്‍ക്കൂട്ട വിചാരണയും ക്രൂരമര്‍ദനവും മാനസിക പീഡനങ്ങളും നേരിട്ടാണു മരിച്ചത്. സിദ്ധാര്‍ഥനെ തൂങ്ങിമരിച്ച നിലയില്‍ കണ്ടെത്തിയ സംഭവത്തില്‍ എസ്എഫ്‌ഐ യൂണിറ്റ് കമ്മിറ്റിയംഗമടക്കം 6 പേര്‍ കഴിഞ്ഞദിവസം അറസ്റ്റിലായിരുന്നു. എസ്എഫ്‌ഐ യൂണിറ്റ് അംഗം ഇടുക്കി രാമക്കല്‍മേട് സ്വദേശി എസ്.അഭിഷേക് (23), തിരുവനന്തപുരം സ്വദേശികളായ രെഹാന്‍ ബിനോയ് (20), എസ്.ഡി.ആകാശ് (22), ആര്‍.ഡി.ശ്രീഹരി, തൊടുപുഴ സ്വദേശി ഡോണ്‍സ് ഡായ് (23), വയനാട് ബത്തേരി സ്വദേശി ബില്‍ഗേറ്റ്‌സ് ജോഷ്വ (23) എന്നിവരാണു പിടിയിലായത്. ആത്മഹത്യാപ്രേരണ, റാഗിങ്, മര്‍ദനം എന്നീ കുറ്റങ്ങളാണു ചുമത്തിയിരിക്കുന്നത്. വിദ്യാര്‍ഥികളുടെ മൊഴിയുടെ അടിസ്ഥാനത്തില്‍ ഹോസ്റ്റലില്‍നിന്നു 8 പേരെ പൊലീസ് ചോദ്യം ചെയ്യാന്‍ വിളിച്ചുവരുത്തിയിരുന്നു. ഇവരില്‍ 6 പേരെയാണ് അറസ്റ്റ് ചെയ്തത്. പ്രതികളായ എസ്എഫ്‌ഐ യൂണിറ്റ് സെക്രട്ടറി അമല്‍ ഇസ്ഹാന്‍,…
Read More » -
India
ബിജെപിയെ പിന്തുണയ്ക്കാത്തവര്‍ നരകത്തില്‍ പോകുമെന്ന് എംപി
ഹൈദരാബാദ്: ബിജെപിയെ പിന്തുണച്ചില്ലെങ്കില്‍ ജനങ്ങള്‍ നരകത്തില്‍ പോകുമെന്ന വിവാദ പരാമർശവുമായി നിസാമാബാദില്‍ നിന്നുള്ള ലോക്‌സഭാ എംപി ഡി.അരവിന്ദ്. വിജയ് സങ്കല്‍പ് യാത്രയില്‍ ഒരു സമ്മേളനത്തെ അഭിസംബോധന ചെയ്തുകൊണ്ട് സംസാരിക്കുകയായിരുന്ന അദ്ദേഹം, ജനങ്ങളോട് “ഭക്ഷണം നല്‍കുന്ന കൈ കടിക്കരുത്’ എന്നും പറഞ്ഞു. നിങ്ങള്‍ക്ക് സൗജന്യ ഭക്ഷണം, സൗജന്യ ഗ്യാസ്, നല്ല സ്കൂളുകള്‍ എന്നിവ ലഭിക്കുന്നു. പ്രധാനമന്ത്രി നരേന്ദ്ര മോദി നിങ്ങളുടെ ആരോഗ്യം ശ്രദ്ധിക്കുന്നു, വിവാഹത്തിന് പണം അയയ്ക്കുന്നു, സ്വയം സഹായ സംഘങ്ങള്‍ക്ക് വായ്പ നല്‍കുന്നു, നരേന്ദ്ര മോദിയാണ് മുത്തലാഖ് നിർത്തലാക്കുകയും നിങ്ങളുടെ ആത്മാഭിമാനം ഉറപ്പാക്കുകയും ചെയ്തത്. ഇതെല്ലാം കഴിഞ്ഞ്, നിങ്ങള്‍ കോണ്‍ഗ്രസിനോ ബിആർഎസിനോ വോട്ട് ചെയ്താല്‍, ദൈവം നിങ്ങളെ നരകത്തിലേക്ക് കൊണ്ടുപോകും. നിങ്ങള്‍ സ്വർഗത്തില്‍ പോകില്ല പകരം നിങ്ങള്‍ നരകത്തില്‍ പോകും. ഭക്ഷണം നല്‍കുന്ന കൈ കടിക്കരുത് നിങ്ങള്‍.- ബിജെപി എംപി പറഞ്ഞു. ‘സ്വർഗത്തില്‍ പോകേണ്ടവർ രാജ്യത്തിന് സേവനങ്ങള്‍ നല്‍കുകയും അത് സുരക്ഷിതമാക്കുകയും ചെയ്യുന്നവരെ പിന്തുണയ്ക്കുകയും അവർക്ക് വോട്ട് നല്‍കുകയും ചെയ്യണം. അല്ലെങ്കില്‍…
Read More » -
India
ആര്‍എസ്‌എസും ബിജെപിയുമാണ് രാജ്യത്തെ ഏറ്റവും ബുദ്ധിമാന്മാരായ കൊള്ളക്കാര്‍: നടൻ പ്രകാശ് രാജ്
ബംഗളൂരു: ആർഎസ്‌എസും ബിജെപിയുമാണ് രാജ്യത്തെ ഏറ്റവും ബുദ്ധിമാന്മാരായ കൊള്ളക്കാർ എന്ന് നടനും രാഷ്ട്രീയ പ്രവർത്തകനുമായ പ്രകാശ് രാജ്. ശ്രീരാമനെയും ഭഗത്സിംഗിനെയും വല്ലഭായ് പട്ടേലിനെയും അവർ തട്ടി കൊണ്ട് പോയെന്നും പ്രകാശ് രാജ് പറഞ്ഞു. മംഗളൂരു തൊക്കോട്ട യൂണിറ്റി ഗ്രൗണ്ടില്‍ നടന്ന ഡിവൈഎഫ്‌ഐ 12-ാം സംസ്ഥാന സമ്മേളനത്തില്‍ സംഘടിപ്പിച്ച പൊതുയോഗത്തിലായിരുന്നു വിമർശനം. രാജ്യത്തിനും അവർ പിന്തുടരുന്ന മതങ്ങള്‍ക്കും അന്ധരായ ഭക്തർ എന്നും ഒരു പ്രശ്നമാണ്. നമ്മള്‍ ഇത്തരം അന്ധരായ ഭക്തർക്കെതിരെ ശബ്ദമുയർത്തണം. ‘പൗരന്മാർക്ക് മുന്നില്‍ കാണിക്കാൻ ബിജെപിക്കും സംഘപരിവാറിനും വികസന പ്രവർത്തനങ്ങള്‍ ഒന്നും ഇല്ല.ക്ഷേത്രം, പള്ളി, രാമൻ എന്നീ വാക്കുകള്‍ അവരുടെ പരാജയം മറയ്ക്കാൻ അവർ എപ്പോഴും ഉപയോഗിക്കുന്നുവെന്നും’ പ്രകാശ് രാജ് പറഞ്ഞു.
Read More » -
Kerala
ലോറി നിയന്ത്രണംവിട്ട് മരത്തിലിടിച്ച്‌ മറിഞ്ഞ് ഡ്രൈവര്‍ മരിച്ചു
മലപ്പുറം: ലോറി നിയന്ത്രണംവിട്ട് മരത്തിലിടിച്ച്‌ മറിഞ്ഞ് ഡ്രൈവർ മരിച്ചു. സഹായിക്ക് പരിക്കേറ്റു. മലപ്പുറം കൊളത്തൂർ സ്വദേശി വേലായുധൻ-രമണി ദമ്ബതികളുടെ മകൻ ആലയില്‍ ഹൗസില്‍ ഗോപി (32) യാണ് മരിച്ചത്. പുലർച്ചെ 5.30ഓടെ മടമ്ബം തുമ്ബേനിയിലായിരുന്നു അപകടം. ലോറിയിലുണ്ടായിരുന്ന സഹായി ശിഹാബുദ്ദീന് നിസാര പരിക്കേറ്റു. മലപ്പുറത്തുനിന്നും ചെങ്കല്ല് എടുക്കാനെത്തിയ കെഎല്‍ 63- ഇ 1246 നമ്ബർ ലോറിയാണ് നിയന്ത്രണംവിട്ട് റോഡരികിലെ മരത്തിലിടിച്ച്‌ മറിഞ്ഞത്. ഓടിക്കൂടിയ നാട്ടുകാർ പരിക്കേറ്റ ഗോപിയെ ഉടൻ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. ശ്രീകണ്ഠപുരം പോലീസ് മൃതദേഹം ഇൻക്വസ്റ്റ് നടത്തി.
Read More » -
Kerala
മുള്ളന്‍പന്നി കുറുകെചാടി ; ബൈക്ക് യാത്രികരായ ദമ്ബതികള്‍ക്കു പരിക്ക്
ചാലക്കുടി:മുള്ളന്‍പന്നി ബൈക്കിനു മുന്നിലേക്കു ചാടിയതിനെ തുടര്‍ന്ന് ബൈക്ക് നിയന്ത്രണംവിട്ട് മറിഞ്ഞ് ദമ്ബതികള്‍ക്കു പരിക്കേറ്റു. വെള്ളിക്കുളങ്ങര നായാട്ടുകുണ്ടിലാണ് സംഭവം.അമ്ബനോളി മാമ്ബ്രക്കാരന്‍ വീട്ടില്‍ ജോണി (65), ഭാര്യ എല്‍സി (59) എന്നിവര്‍ക്കാണു പരിക്കേറ്റത്. അമ്ബനോളിയില്‍ നിന്ന് ചൊക്കന എസ്റ്റേറ്റിലേക്കു പുലര്‍ച്ചെ ടാപ്പിംഗ് ജോലിക്കായി പോകുമ്ബോള്‍ നായാട്ടുകുണ്ടിനു സമീപത്തെ ഇറക്കത്തുവച്ചാണ് മുള്ളന്‍പന്നി ബൈക്കിനു മുന്നിലേക്കു ചാടിയത്. സാരമായി പരിക്കേറ്റ ഇവര്‍ ചാലക്കുടിയിലെ സ്വകാര്യ ആശുപത്രിയില്‍ ആശുപത്രിയില്‍ ചികിത്സയിലാണ്
Read More » -
Kerala
പാലക്കാട് സ്വകാര്യ ബസുകള്‍ കൂട്ടിയിടിച്ചു; 15-ഓളം പേര്‍ക്ക് പരിക്ക്
പാലക്കാട് കഞ്ചിക്കോട് സ്വകാര്യ ബസുകള്‍ കൂട്ടിയിടിച്ചു.കൊഴിഞ്ഞാമ്ബാറ – കഞ്ചിക്കക്കോട് റൂട്ടില്‍ സര്‍വ്വീസ് നടത്തുന്ന ബസ്സുകള്‍ തമ്മിലാണ് കൂട്ടിയിടിച്ചത്.എതിര്‍ ദിശയില്‍ സഞ്ചരിച്ച ബസുകള്‍ തമ്മില്‍ കൂട്ടിയിടിക്കുകയായിരുന്നു.അപകടത്തില്‍ 15-ഓളം പേര്‍ക്ക് പരിക്കേറ്റു. പരിക്കേറ്റവരെ പാലക്കാട് ജില്ലാ ആശുപത്രിയില്‍ പ്രവേശിപ്പിച്ചു.അപകടത്തില്‍ ആര്‍ക്കും ഗുരുതര പരിക്കുകള്‍ ഇല്ല. അപകടത്തില്‍പ്പെട്ടവരെ ഫയര്‍ ഫോഴ്സ് എത്തിയാണ് ആശുപത്രിയില്‍ എത്തിച്ചത്
Read More » -
Crime
മുഖസാദൃശ്യമുള്ള അശ്‌ളീല വീഡിയോ പ്രചരിക്കുന്നു; പരാതിയുമായി യൂത്ത് കോണ്‍. വനിതാ നേതാവ്
ആലപ്പുഴ: മുഖസാദൃശ്യമുള്ള വ്യാജ വീഡിയോ പ്രചരിപ്പിക്കുന്നുവെന്ന പരാതിയുമായി യൂത്ത് കോണ്‍ഗ്രസ് ജനറല്‍ സെക്രട്ടറി മീനു സജീവ് രംഗത്ത്. വിദേശത്തുള്ള വള്ളിക്കുന്ന് സ്വദേശിയുടെ വാട്‌സാപ്പില്‍നിന്നാണ് വീഡയോ വന്നത്. വിദേശത്തുള്ള വ്യക്തിയുടെ ഭാര്യയാണു വീഡിയോ തന്റെ സുഹൃത്തുക്കള്‍ക്ക് അയച്ചുനല്‍കിയതെന്നും മീനു പരാതിയില്‍ പറയുന്നു. ആലപ്പുഴ എസ്പിക്കാണ് മീനു വ്യാജ വിഡിയോ സംബന്ധിച്ച പരാതി നല്‍കിയത്. അശ്ലീല വീഡിയോ തന്റെ വാട്‌സാപ്പില്‍ വള്ളിക്കുന്നം സ്വദേശി അയച്ചതായും മീനു പറയുന്നു. വള്ളിക്കുന്നം പൊലീസിലാണ് മീനു ആദ്യം പരാതി നല്‍കിയത്. എന്നിട്ടും സൈബറിടങ്ങളില്‍ വിഡിയോ പ്രചരിച്ചതിനെ തുടര്‍ന്നാണ് ആലപ്പുഴ ജില്ലാ പൊലീസ് മേധാവിക്കും പരാതി നല്‍കിയത്. ”എന്റെ രൂപസാദൃശ്യമുള്ള ഒരു പെണ്‍കുട്ടിയുടെ അശ്ലീല വീഡിയോ ആണ് വിദേശത്തുനിന്ന് എന്റെ വാട്‌സാപ്പില്‍ വന്നത്. എനിക്കു നേരിട്ട ദുരനുഭവം മറ്റാര്‍ക്കും ഉണ്ടാകരുത്. അതുകൊണ്ടാണു പരസ്യമായി രംഗത്തുവന്നത്. സൈബറിടങ്ങളില്‍ സ്ത്രീകള്‍ ഒരുപാടു പ്രശ്‌നങ്ങള്‍ നേരിടുന്നുണ്ട്. ഇതിന്റെ പിന്നില്‍ രാഷ്ട്രീയ ലക്ഷ്യമോ മറ്റോ ഉണ്ടോയെന്നു പൊലീസ് അന്വേഷിച്ച് കണ്ടുപിടിക്കേണ്ടതാണ്” -മീനു സജീവ് പറഞ്ഞു.
Read More » -
Kerala
ഓടുന്ന ബസിന്റെ ജനാല വഴി ചാടിയ യാത്രക്കാരന്റെ കാലിൽ നിന്നും പിടിവിടാതെ കെഎസ്ആർടിസി ജീവനക്കാരൻ
ബംഗളൂരു: കെ.എസ്.ആർ.ടി.സി ജീവനക്കാരന്റെ മനസ്സാന്നിധ്യം ഓടുന്ന ബസിന്റെ ജനാല വഴി ചാടിയ യാത്രക്കാരന്റെ ജീവൻ രക്ഷിച്ചു. മൈസൂരുവില്‍ ജോലി ചെയ്യുന്ന കേരള ആർ.ടി.സി സ്റ്റേഷൻ മാസ്റ്റർ ആർ.റജികുമാറാണ് മലപ്പുറം വഴിക്കടവ് സ്വദേശിക്ക് രക്ഷകനായത്. ഒപ്പം ഡ്രൈവറുടെയും കണ്ടക്ടറുടെയും യാത്രക്കാരുടെയും അവസരോചിത ഇടപെടലും താങ്ങായി. ചൊവ്വാഴ്ച ബംഗളൂരുവില്‍ നിന്ന് ഗുരുവായൂരിലേക്ക് പുറപ്പെട്ട കെ.എസ് 066 ബസില്‍ സീറ്റ് റിസർവ് ചെയ്ത് യാത്ര ചെയ്ത യുവാവ് മാനസിക വിഭ്രാന്തി കാട്ടുകയും രാത്രി വനപാതയിലൂടെ ഓടിക്കൊണ്ടിരുന്ന ബസിന്റെ ജനാലവഴി പുറത്തേക്ക് ചാടുകയുമായിരുന്നു. ഇത് ശ്രദ്ധയില്‍പ്പെട്ട അതേ ബസില്‍ യാത്ര ചെയ്യുകയായിരുന്ന റജികുമാർ തല്‍ക്ഷണം യുവാവിന്‍റെ കാലില്‍ കടന്നുപിടിച്ചു. കാല്‍ ഒഴികെ മുഴുവൻ ശരീരഭാഗങ്ങളും ബസിന് വെളിയിലായ അവസ്ഥയിലായിരുന്നു. ബഹളം കേട്ട ഡ്രൈവർ സെബാസ്റ്റ്യൻ തോമസ് ഉടൻ ബസ് നിർത്തി. കണ്ടക്ടർ ബിപിനോടൊപ്പം മറ്റു യാത്രക്കാരും പുറത്തിറങ്ങി റെജി കുമാറിന്‍റെ പിടിത്തത്തില്‍ തലകീഴായി തൂങ്ങിക്കിടന്ന യുവാവിനെ എടുത്ത് ബസില്‍ കയറ്റി. കണ്ടക്ടർ യാത്രക്കാരന്റെ വീട്ടില്‍ വിവരം അറിയിച്ചതനുസരിച്ച്‌…
Read More » -
Crime
താനൂരില്‍ നവജാത ശിശുവിനെ മാതാവ് കൊലപ്പെടുത്തിയത് വെള്ളത്തില്‍ മുക്കി; മൃതദേഹം പുറത്തെടുത്തു
മലപ്പുറം: താനൂരില്‍ മാതാവ് കൊന്ന് കുഴിച്ചുമൂടിയ മൂന്ന് മാസം പ്രായമായ കുഞ്ഞിന്റെ മൃതദേഹം പൊലീസ് പുറത്തെടുത്തു. സംഭവത്തില്‍ കുഞ്ഞിന്റെ മാതാവ് താനൂര്‍ പരിയാപുരം വില്ലേജിലെ ഒട്ടുംപുറം ആണ്ടിപ്പാട്ട് ജുമൈലത്തിനെ (29) കഴിഞ്ഞദിവസം പൊലീസ് അറസ്റ്റ് ചെയ്തിരുന്നു. കോഴിക്കോട് മെഡിക്കല്‍ കോളജ് ആശുപത്രിയില്‍ കഴിഞ്ഞ തിങ്കളാഴ്ചയാണ് യുവതി ആണ്‍കുഞ്ഞിന് ജന്മം നല്‍കിയത്. തുടര്‍ന്ന് വീട്ടിലെത്തിയശേഷം കുഞ്ഞിനെ അര്‍ധരാത്രി കൊന്ന് വീട്ടിലെ പറമ്പില്‍ കുഴിച്ചുമൂടിയെന്നാണ് പൊലീസ് പറയുന്നത്. ബക്കറ്റില്‍ വെള്ളം നിറച്ച ശേഷം കുട്ടിയെ മുക്കി കൊല്ലുകയായിരുന്നു. രഹസ്യ വിവരത്തിന്റെ അടിസ്ഥാനത്തില്‍ പൊലീസ് യുവതിയെ ചോദ്യംചെയ്തപ്പോഴാണ് ദാരുണ കൊലപാതകത്തിന്റെ ചുരുളഴിഞ്ഞത്. ആശുപത്രിയില്‍നിന്ന് വീട്ടിലെത്തിയ ഉടന്‍ യുവതി കൃത്യം ചെയ്‌തെന്നാണ് അറിയുന്നത്. ഒരു വര്‍ഷമായി ഭര്‍ത്താവുമായി അകന്നുകഴിയുകയാണ് ജുമൈലത്ത്. കുഞ്ഞ് ജനിച്ചത് പുറത്തറിയാതിരിക്കാനാണ് കടുംകൈ ചെയ്തതെന്നാണ് ഇവരുടെ പ്രാഥമിക മൊഴി. വീട്ടിനടുത്തുള്ള പറമ്പിലാണ് മൃതദേഹം കുഴിച്ചിട്ടതെന്ന് ഇവര്‍ മൊഴി നല്‍കിയിരുന്നു. കുഞ്ഞിന്റെ കൊലപാതകത്തില്‍ മറ്റാര്‍ക്കെങ്കിലും പങ്കുണ്ടോയെന്നും പൊലീസ് അന്വേഷിക്കുന്നുണ്ട്. ഐപിസി 302 പ്രകാരം യുവതിക്കെതിരെ കൊലക്കുറ്റം…
Read More »