ബംഗളൂരു: കർണാടകയിലെ ദക്ഷിണ കന്നഡയിലുള്ള ബെല്‍ത്തങ്കടിയില്‍ പടക്ക നിർമാണശാലയിലുണ്ടായ സ്ഫോടനത്തില്‍ രണ്ട് മലയാളികളടക്കം മൂന്ന് പേർ മരിച്ചു.ആറ് പേർക്ക് പരിക്കേറ്റു.
ജീവനക്കാരായ സ്വാമി (55), വർഗീസ് (68) എന്നിവരാണ് മരിച്ച മലയാളികള്‍. മലപ്പുറം സ്വദേശിയായ ബഷീറിന്‍റെ ഫാമിലാണ് പടക്കനിർമാണശാല ഉണ്ടായിരുന്നത്. പരിക്കേറ്റവരില്‍ ഒരാള്‍ മലയാളിയാണ്. സംഭവത്തില്‍ രണ്ട് പേരെ പോലീസ് കസ്റ്റഡിയിലെടുത്തു.
പടക്കം നിർമിച്ചിരുന്ന കെട്ടിടം സ്ഫോടനത്തില്‍ പൂർണമായും തകർന്നു. അപകടസമയം കെട്ടിടത്തില്‍ ഒൻപത് പേർ ഉണ്ടായിരുന്നെന്ന് പോലീസ് പറഞ്ഞു.
