പത്തനംതിട്ട: ട്രാന്‍സ്‌പോര്‍ട്ട് കമ്മീഷണര്‍ എ.ഡി.ജി.പി: എസ്. ശ്രീജിത്തിന്റെ വാഹനമിടിച്ച് പരിക്കേറ്റയാള്‍ മരിച്ചു. പറന്തല്‍ പറപ്പെട്ടി മുല്ലശ്ശേരില്‍ പത്മകുമാറാ(48)ണ് മരിച്ചത്. അപകടത്തില്‍ പരിക്കേറ്റ് കോട്ടയം മെഡിക്കല്‍ കോളജില്‍ ചികിത്സയിലായിരുന്നു.
നവംബര്‍ 16ന് രാത്രി 8 മണിക്ക് എംസി റോഡില്‍ അടൂര്‍ പറന്തലില്‍ വെച്ചാണ് അപകടം സംഭവിച്ചത്. റോഡ് മുറിച്ച് കടക്കുകയായിരുന്ന പത്മകുമാറിനെ വാഹനം ഇടിക്കുകയായിരുന്നു. എഡിജിപി തന്നെ ഇയാളെ ആശുപത്രിയില്‍ എത്തിച്ചിരുന്നു.
പരിക്കേറ്റ പത്മകുമാര്‍ ആദ്യം അടൂര്‍ ഗവ ആശുപത്രിയിലും പിന്നീട് കോട്ടയം മെഡിക്കല്‍ കോളേജിലും ചികിത്സ തേടിയിരുന്നു. കോട്ടയത്ത് ചികിത്സയിലിരിക്കെയാണ് മരണം സംഭവിച്ചത്.
