സയ്യിദ് മുഷ്താഖലി ട്രോഫിയില്‍ ഒഡീഷയ്ക്കെതിരെ കേരളത്തിന് 50 റൺസിന്റെ വിജയം.ടൂർണമെന്റിൽ കേരളത്തിന്റെ തുടർച്ചയായ ആറാം വിജയമാണിത്.
സഞ്ജു സാംസന്റെ വെടിക്കെട്ട് ബാറ്റിംഗ് കണ്ട മത്സരത്തില്‍ ഒഡീഷക്കെതിരെ കേരളം 184 റണ്‍സിന്റെ വിജയലക്ഷ്യമാണ് ഉയര്‍ത്തിയെങ്കിലും 18.1 ഓവറിൽ 133 റൺസിന് ഒഡീഷ ഓൾ ഔട്ട് ആകുകയായിരുന്നു.
20 ഓവറില്‍ 4 വിക്കറ്റിനാണ് കേരളം 183 റൺസെടുത്തത്. അര്‍ധ സെഞ്ച്വറിയുമായി സഞ്ജു സാംസണ്‍ പുറത്താകാതെ നിന്നു.നാലു സിക്സും നാലു ഫോറും ഉൾപ്പെടെ. സഞ്ജു 31 പന്തില്‍ നിന്ന് 55 റണ്‍സ് എടുത്തു.
വരുണ്‍ നായര്‍ 38 പന്തില്‍ നിന്ന് 48 റണ്‍സും, വിഷ്ണു വിനോദ് 33 പന്തില്‍ നിന്ന് 35 റണ്‍സും എടുത്തു.നിലവിൽ ടൂര്‍ണമെന്റില്‍ കളിച്ച ആറ് മത്സരങ്ങളില്‍ ആറും കേരളം വിജയിച്ചിട്ടുണ്ട്.
