ജിമ്മില് പോയി വര്ക്കൗട്ട് ചെയ്യുന്നവരായാലും അതുപോലെ വീട്ടില് ഇരുന്ന് വര്ക്കൗട്ട് ചെയ്യുന്നവരായാലും ഡംബല് ഉപയോഗിക്കാറുണ്ട്. നമ്മളുടെ പേശകള് ബലപ്പെടാത്താനും അതുപോലെ നമ്മള്ക്ക് കൈകള്ക്ക് ബലം കൊടുക്കാനും ഡംബല്സ് ഉപയോഗിക്കുന്നതിലൂടെ സാധിക്കുന്നു.
ഡംബല്സ് ഉപയോഗിച്ചാലുള്ള ഗുണം
നമ്മള്ക്ക് പലതരത്തിലുള്ള വ്യായാമ മുറകള് ചെയ്യാന് ഡംബല് സഹായിക്കുന്നുണ്ട്. അതുപോലെ തന്നെ ഇത് സ്ഥിരമായി ഉപയോഗിക്കുന്നത് പേശികളെ ബലപ്പെടുത്താന് സഹായിക്കുന്നവയാണ്. കൂടാതെ ബലപ്പെടുത്താന് സഹായിക്കുന്നു. നമ്മളുടെ ശരീരത്തിന്റെ സന്തുലിതാവസ്ഥ നിലനിര്ത്താന് ഇത് സഹായിക്കുന്നുണ്ട്. കൂടാതെ, അധികം മെഷീന് വര്ക്കൗട്ട് നടത്താതെ ഡംബല് ഉപയോഗിച്ച് ബോഡിയ്ക്ക് ആവശ്യമായ വര്ക്കൗട്ട് ചെയ്യാനും സാധിക്കും. എല്ലാവര്ക്കും ഡംബല് വാങ്ങാന് സാധിച്ചെന്ന് വരില്ല. എന്നാല്, ഡംബലിന് പകരം, നമ്മളുടെ വീട്ടിലുള്ള ചില സാധനങ്ങള് ഉപയോഗിക്കാം. അവ ഏതെല്ലാമെന്ന് നോക്കാം.
വെള്ളം കുപ്പി
നമ്മള്ക്ക് ബംഡലിന് പകരം വെള്ളം കുപ്പി ഉപയോഗിക്കാവുന്നതാണ്. രണ്ട് ഒരുപോലെയുള്ള വെള്ളംകുപ്പി എടുക്കാം. ഇതില് നിങ്ങള്ക്ക് ആവശ്യമുള്ള വെള്ളം നിറച്ച് നിങ്ങള്ക്ക് വ്യായാമം ചെയ്യാന് ഉപയോഗിക്കാവുന്നതാണ്. ഓരോ ദിവസവും വേയ്റ്റില് നിങ്ങള്ക്ക് വ്യത്യാസം വരുത്താം. രണ്ട് കുപ്പിയിലും ഒരേ അളവ് വെള്ളം നിറയ്ക്കാന് ശ്രദ്ധിക്കണം.
ബാഗ്
നമ്മള് സ്കൂളില് അല്ലെങ്കില് ജോലി സ്ഥലത്തേയ്ക്ക് ഉപയോഗിക്കുന്ന ബാക്ക്ബാഗ് ഉപയോഗിച്ചും വ്യായാമം ചെയ്യാവുന്നതാണ്. ഇത് ഡംബലിന് പകരമായി ഉപയോഗിക്കാവുന്നതാണ്. ബാക്ക്ബാഗില് പുസ്തകങ്ങള് നിറച്ച് നിങ്ങള്ക്ക് ആവശ്യമുള്ള ഭാരം ആക്കാം. സ്ക്വാട്ട് ചെയ്യാനും അതുപോലെ ലജസ്സ്, പുഷ്അപ്പ് എന്നിവ എടുക്കുമ്പോഴും നിങ്ങള്ക്ക് ബാക്ക്ബാഗ് ഡംബലിന് പകരം ഉപയോഗിക്കാം. ഇത് ഡംബല് ഉപയോഗിച്ച് ചെയ്യുന്ന അതേ ഗുണം നല്കുന്നതാണ്.
ഡിറ്റര്ജന്റ് കുപ്പി
വീട്ടില് ചിലര് ഡിറ്റര്ജന്റ് ലോഷനാണ് വാങ്ങുന്നതെങ്കില് തീര്ച്ചയായും അതിന്റെ കുപ്പി വീട്ടില് ഉണ്ടാകും. കാലിക്കുപ്പിയാണെങ്കില് അതില് കുറച്ച് വെള്ളം നിറച്ച് വേയ്റ്റ് അഡ്ജസ്റ്റാക്കി നിങ്ങള്ക്ക് ഉപയോഗിക്കാം. ഇത് രണ്ട് എണ്ണം എടുക്കണം. അതുപോലെ, ഡിറ്റര്ജന്റ് ഉള്ള കുപ്പിയായാലും എടുക്കാവുന്നതാണ്. പക്ഷേ, രണ്ട് കുപ്പിയിലേയും വേയ്റ്റ് കറക്ട് ആകാന് ശ്രദ്ധിക്കണം.
മണല്
ഒരു ചെറിയ ബക്കറ്റില് കുറച്ച് മണ്ണ് നിറച്ച് നിങ്ങള്ക്ക് ഡംബലിന് പകരം ഉപയോഗിക്കാവുന്നതാണ്. ഇതില് നിങ്ങള്ക്ക് ആവശ്യമുള്ള വേയ്റ്റിനനുസരിച്ച് മണലിന്റെ അളവിലും വ്യത്യാസം വരുത്താവുന്നതാണ്.
ബുക്ക്സ്
ഡംബലിന് പകരം നിങ്ങള്ക്ക് പുസ്തകങ്ങളും ഉപയോഗിക്കാവുന്നതാണ്. രണ്ട് കൈകളിലും ഒരേ ഭാരം വരുന്നരീതിയില് പുസ്തകങ്ങള് കൈകളില് എടുത്ത് വ്യായാമം ചെയ്യാവുന്നതാണ്. സ്ക്വാട്ട് എന്നിവ ചെയ്യുമ്പോള് ബുക്ക്സ് ഡംബലിന് പകരം നിങ്ങള്ക്ക് ഉപയോഗിക്കാവുന്നതാണ്.
ശ്രദ്ധിക്കേണ്ട കാര്യങ്ങള്
നിങ്ങള് വീട്ടില് തന്നെ വ്യായാമം ചെയ്യുമ്പോള് കൃത്യമായ മാര്ഗ്ഗനിര്ദ്ദേശങ്ങള് നല്ല ട്രെയ്നറില് നിന്നും തേടാന് ശഅരമിക്കണം. ചിലപ്പോള് നിങ്ങള് ചെയ്യുന്ന തെറ്റുകള് നിങ്ങളുടെ ആരോഗ്യത്തെ മോശമായി ബാധിച്ചെന്ന് വരാം. ചിലപ്പോള് അപകടങ്ങള് പറ്റാനും ശരീരത്തില് പരുക്ക് പറ്റാനും സാധ്യതയുണ്ട്. കൂടാതെ, അമിതമായി വ്യായാമം ചെയ്യാതിരിക്കാനും ശ്രദ്ധിക്കണം. വ്യായാമത്തിന്റെ കൂടെ തന്നെ നല്ല ഹെല്ത്തി ഫുഡ് കഴിക്കാന് പ്രത്യേകം ശ്രദ്ധിക്കേണ്ടതും അനിവാര്യം തന്നെ. നിങ്ങള്ക്ക് ഏതെങ്കിലും വിധത്തിലുള്ള ആരോഗ്യ പ്രശ്നങ്ങള് ഉണ്ടെങ്കിില് അത് ഡോക്ടറെ കാണിച്ച് ചികിത്സിക്കണം. ഇല്ലെങ്കില് വീട്ടില് തന്നെ വ്യായാമം ചെയ്യുമ്പോള് അപകടം വരുത്താം. കൃത്യമായ ഡയറ്റും ശരിയായ വ്യായാമവും നിങ്ങളെ ഫിറ്റാക്കി നിര്ത്താന് സഹായിക്കും.
