വല്ലാർപാടം കണ്ടെയ്നർ ടെർമിനലിനോടനുബന്ധിച്ച്, വല്ലാ
പാലമുൾപ്പടെയുള്ള ഈ റെയിൽപാതയുടെ പണി 2007 ജൂൺ മാസത്തിലാണ് ആരംഭിച്ചത്. 2010 മാർച്ച് 31ന് നിർമ്മാണം പൂർത്തിയായി.ഏപ്രിലിൽ പരീക്ഷണ ട്രെയിൻ ഓടിച്ചു. 350 കോടി രൂപയാണ് നിർമ്മാണച്ചിലവ്.നിലവിൽ ചരക്ക് ട്രെയിനുകൾ മാത്രമാണ് ഈ പാതയി‌ലൂടെ നീങ്ങുന്നത്. അ‌തിനാൽ ഇന്ത്യയിലെ ഏറ്റവും നീളമുള്ള പാലത്തിന്റെ ഭംഗി ആസ്വദിക്കാൻ സഞ്ചാരികൾക്ക് കഴിയി‌ല്ല.
80 ശതമാനം ഭാഗവും വെള്ളത്തിനു മുകളിലൂടെയുള്ള ഈ പാലം മൂന്നു ദ്വീപുകൾ താണ്ടിയാണ് വല്ലാർപാടം കണ്ടെയ്നർ ടെർമിനലിൽ എത്തുന്നത്. എറണാകുളം കണ്ടെയ്നർ റോഡിൽ പൊന്നാരിമംഗലം – ബോൾഗാട്ടി ഭാഗത്ത് നിന്നും വേമ്പനാട് പാലത്തിന്റെ മനോഹര ദൃശ്യം കാണാവുന്നതാണ്.കോക്ടൈൽ എന്ന ചിത്രത്തിൽ അനൂപ് മേനോനും സംവൃതയും അഭിനയിച്ച ‘നീയാം തണലിനു താഴെ’ എന്ന ഗാനരംഗത്തിൽ ഈ പാലത്തിന്റെ മനോഹാരിത എടുത്തു കാണിക്കുന്നുണ്ട്.
ബിഹാറിലെ സോൺ നദിക്ക് കുറുകെയുള്ള നെഹ്രു സേ‌തുവായിരുന്നു വേമ്പനാട് റെയിൽ ബ്രിഡ്ജ് നിലവിൽ വരുന്നതിന് മുൻപുള്ള രാജ്യത്തെ ഏറ്റവും വ‌‌ലിയ പാലം. 3.065 കിലോമീറ്റർ ആണ് നെഹ്രു സേ‌തുവിന്റെ നീളം.
