മലപ്പുറം:ഓണക്കാലത്ത് ഏറ്റവും കൂടുതൽ മദ്യം വിറ്റത് മലപ്പുറത്ത്.ഓണക്കാലത്തെ പത്ത് ദിവസം കൊണ്ട് സംസ്ഥാനത്ത് വിറ്റത് 759 കോടി രൂപയുടെ മദ്യമാണ്.ഇതിൽ ഒന്നാം സ്ഥാനത്തെത്തിയത് മലപ്പുറം തിരൂരിലെ ഔട്ലെറ്റാണ്.
അതേസമയം ഏറ്റവും കൂടുതല്‍ വിറ്റഴിഞ്ഞത് സര്‍ക്കാരിന്‍റെ സ്വന്തം മദ്യമായ ജവാന്‍ ബ്രാന്‍ഡാണ്.ആറു ലക്ഷത്തി മുപ്പതിനായിരം ലീറ്റര്‍ ജവാനാണ് ഇക്കാലയളവില്‍ വിറ്റത്.അവിട്ടം ദിനത്തില്‍ 91 കോടി രൂപയുടെ മദ്യം വിറ്റപ്പോള്‍ ഉത്രാട ദിനത്തില്‍ വിററത് 116 കോടി രൂപയുടെ മദ്യമായിരുന്നു.
ഉത്രാട ദിനമായ തിങ്കളാഴ്ച്ചത്തെ വിൽപ്പനയിൽ ഇരിങ്ങാലക്കുട ഔട്ലെറ്റ് ഒന്നാം സ്ഥാനത്തും ആശ്രാമം(കൊല്ലം) ഔട്ലെറ്റ് രണ്ടാം സ്ഥാനത്തും എത്തി.ഓണക്കാലത്തെ പത്തുദിവസം മദ്യവിൽപ്പനയിലൂടെ സര്‍ക്കാരിനു നികുതിയായി മാത്രം കിട്ടിയത് 675 കോടി രൂപയാണ്.
