തിരുവനന്തപുരം: ആക്കുളത്തെ ബാറില്‍ ബിയര്‍കുപ്പികൊണ്ട് യുവാവിന്റെ തലയ്ക്കടിച്ച കേസില്‍ പ്രതിയെ പോലീസ് പിടികൂടി. ബാറില്‍ അക്രമം നടത്തിയ തുമ്പ സ്വദേശി നിയാസ് എന്നയാളെയാണ് കഴക്കൂട്ടം പോലീസ് ഒളിസങ്കേതത്തില്‍നിന്ന് കസ്റ്റഡിയിലെടുത്തത്. ഇയാള്‍ സ്ഥിരം കുറ്റവാളിയാണെന്നാണ് പോലീസ് നല്‍കുന്നവിവരം.
അതിനിടെ, ഗുണ്ടാസംഘം യുവാവിനെ കൊണ്ട് കാലില്‍ ചുംബിപ്പിക്കുന്നതിന്റെയും ഭീഷണിപ്പെടുത്തുന്നതിന്റെയും ദൃശ്യങ്ങള്‍ പുറത്ത്. തുമ്പ പോലീസ് സ്റ്റേഷന്‍ പരിധിയില്‍ രണ്ടാഴ്ച മുന്‍പാണ് സംഭവം. ഗുണ്ട എയര്‍പോര്‍ട്ട് ഡാനിയും (ഡാനിയല്‍-34) ഇയാളുടെ കൂട്ടാളികളുമാണ് യുവാവിനെ വിളിച്ചു വരുത്തി കാലു പിടിപ്പിച്ചത്. സംഭവത്തെക്കുറിച്ച് സ്പെഷല്‍ ബ്രാഞ്ച് അന്വേഷണം തുടങ്ങി.
ഫോണിനായി യുവാവിനെക്കൊണ്ട് കാലുപിടിപ്പിച്ച് ഗുണ്ടാനേതാവ്; തലസ്ഥാനത്ത് ഗുണ്ടാവിളയാട്ടം
