തിരുവനന്തപുരം:ഓണത്തോട് അനുബന്ധിച്ച് സംഘടിപ്പിക്കുന്ന ഖാദി മേള ഓഗസ്റ്റ് 2 മുതല് 27 വരെ നടക്കും.
മേളയില് ഖാദി വസ്ത്രങ്ങള്ക്ക് 30 ശതമാനം വരെ റിബേറ്റ്, സര്ക്കാര്, അര്ധ സര്ക്കാര് ജീവനക്കാര്ക്ക് ഒരു ലക്ഷം രൂപയുടെ ക്രെഡിറ്റ് സൗകര്യം എന്നിവ ലഭിക്കും.
ചുരുങ്ങിയത് 1000 രൂപയുടെ സാധനങ്ങള് വാങ്ങുന്നവരില് നിന്ന് നറുക്കെടുത്ത് ഒന്നാം സമ്മാനമായി ടാറ്റ ടിയാഗോ ഇലക്ട്രിക് കാറും രണ്ടാം സമ്മാനമായി ഓല ഇലക്ട്രിക് സ്കൂട്ടറും മൂന്നാം സമ്മാനമായി ഓരോ ജില്ലയ്ക്കും ഓരോ പവൻ വീതവും നല്കും.
ഖാദി ഓണം മേളയുടെ സംസ്ഥാനതല ഉദ്ഘാടനം ഓഗസ്റ്റ് രണ്ടിന് വൈകീട്ട് മൂന്നുമണിക്ക് വ്യവസായ മന്ത്രി രാജീവ് തിരുവനന്തപുരം അയ്യങ്കാളി ഹാളില് നിര്വഹിക്കുമെന്ന് സംസ്ഥാന ഖാദി ഗ്രാമ വ്യവസായ ബോര്ഡ് വൈസ് ചെയര്മാൻ പി ജയരാജൻ വാര്ത്താസമ്മേളനത്തില് അറിയിച്ചു.
