മര്‍ദനത്തില്‍ പാഡിക്ക് ബോധം നഷ്ടപ്പെട്ടു, ബോധം വീണ്ടെടുത്തപ്പോള്‍ ലുക്മാനെ കാണാനില്ല. പിന്നീട് ജൂണ്‍ 10ന് ഇഗത്പുരിയിലെ 150 മീറ്റര്‍ ആഴമുള്ള കിടങ്ങില്‍ ലുക്മാന്റെ മൃതദേഹം കണ്ടെത്തി. ആശുപത്രിയില്‍ എത്തിയാണ് വീട്ടുകാര്‍ മൃതദേഹം തിരിച്ചറിഞ്ഞത്.
എന്റെ മകൻ കുറ്റം ചെയ്തിട്ടുണ്ടെങ്കില്‍ അന്വേഷണം നടത്തി ശിക്ഷിക്കേണ്ടത് പൊലീസാണ്. എന്റെ മകനെ ശിക്ഷിക്കാൻ രാഷ്ട്രീയ ബജ്‌റംഗ് ദളിന് ആരാണ് അധികാരം നല്‍കിയതെന്ന് ലുക്മാന്റെ പിതാവ് അബ്ദുള്‍ വാഹിദ് സുലൈമാൻ അൻസാരി ചോദിച്ചു. വാഹിദ് ഒരു ‘ഹമാല്‍’ ആയി ജോലി ചെയ്യുന്നു. ലുക്മാന്റെ അമ്മ നൂര്‍ജഹാൻ ഒന്നിലധികം വീടുകളില്‍ സഹായിയായി ജോലി ചെയ്യുന്നു. ഏഴാം ക്ലാസ് വരെ പഠിച്ച ലുക്മാന് നാല് സഹോദരങ്ങള്‍ ഉണ്ട്. കുടുംബം പോറ്റാൻ ചെറിയ ജോലികള്‍ ചെയ്യുമായിരുന്നു.അദ്ദേഹം നിറകണ്ണുകളോടെ പറഞ്ഞു.
ദരിദ്രരായ കുടുംബം ചെറിയ വീട്ടിലാണ് താമസിക്കുന്നത്.”യാതൊരുവിധ കാരണവുമില്ലാതെയാണ് എന്റെ ഭര്‍ത്താവിനെ കൊലപ്പെടുത്തിയത്. അദ്ദേഹം ഒരു തെറ്റും ചെയ്തിട്ടില്ല. എനിക്ക് നീതി വേണം.എന്റെ 18 മാസമായ മകള്‍ അവളുടെ അച്ഛനെ ശരിക്ക് തിരിച്ചറിയാൻ തുടങ്ങിയിട്ടില്ല, മറ്റൊരാള്‍ എന്റെ വയറ്റിലുണ്ട്. അദ്ദേഹം കൊല്ലപ്പെടുകയും ചെയ്തു,” നാലു മാസം ഗര്‍ഭിണിയായ ലുക്മാന്റെ ഭാര്യ അയേഷ പറഞ്ഞു.
കസാറ പൊലീസ് ഞങ്ങളുടെ പരാതി രജിസ്റ്റര്‍ ചെയ്തില്ലെന്നും ഒരു പൊലീസ് സ്റ്റേഷനില്‍ നിന്ന് മറ്റൊരു സ്റ്റേഷനിലേക്ക് ഞങ്ങളെ ഓടിക്കാൻ ശ്രമിക്കുന്നുവെന്നും ലുക്മാന്റെ മാതാവ് നൂര്‍ജഹാൻ പറഞ്ഞു.
