കൊച്ചി: സ്ത്രീത്വത്തെ അപമാനിച്ചെന്ന കേസ് റദ്ദാക്കണമെന്നാവശ്യപ്പെട്ട് നടന് ഉണ്ണി മുകുന്ദന് നല്കിയ ഹര്ജിയില് ഹൈക്കോടതി ഉത്തരവ് ഇന്ന്. വിദേശ മലയാളിയായ സ്ത്രീ നടനെതിരേ സ്ത്രീത്വത്തെ അപമാനിച്ചെന്ന പരാതിയുമായി മജിസ്ട്രേറ്റ് കോടതിയെ സമീപിക്കുകയായിരുന്നു. ഈ കേസ് റദ്ദാക്കണമെന്ന് ആവശ്യപ്പെട്ടുകൊണ്ട് ഉണ്ണിമുകുന്ദന് മജിസ്ട്രേറ്റ് കോടതിയിലും സെഷന്സ് കോടതിയിലും ഹര്ജികള് നല്കിയെങ്കിലും രണ്ട് ഹര്ജികളും ബന്ധപ്പെട്ട കോടതികള് തള്ളി. തുടര്ന്നാണ് ഹൈക്കോടതിയില് ഹര്ജി നല്കിയത്. കേസില് വിചാരണ തടഞ്ഞുകൊണ്ടുള്ള ഉത്തരവ് നേരത്തെ ഹൈക്കോടതി നീക്കിയിരുന്നു.
2017ല് സിനിമാ ചര്ച്ചയ്ക്ക് ഉണ്ണി മുകുന്ദനെ കാണാനെത്തിയപ്പോള് ലൈംഗികമായി ആക്രമിച്ചെന്നാണ് പരാതി. ജഡ്ജിമാര്ക്ക് നല്കാനെന്ന പേരില് കോഴ വാങ്ങിയെന്ന് ആരോപണവിധേയനായ അഭിഭാഷകന് സൈബി ജോസ് കിടങ്ങൂരാണ് കേസില് ആദ്യം ഉണ്ണി മുകുന്ദനു വേണ്ടി ഹാജരായിരുന്നത്.
2021ല് പരാതിക്കാരിയുമായി വിഷയം ഒത്തുതീര്പ്പാക്കിയെന്ന് കോടതിയെ അറിയിച്ചുകൊണ്ടാണ് സൈബി ജോസ് കേസില് സ്റ്റേ വാങ്ങിയത്. എന്നാല്, കേസ് ഒത്തുതീര്പ്പാക്കിയെന്ന സത്യവാങ്മൂലത്തില് ഒപ്പിട്ടിരിക്കുന്നത് തന്റെ കക്ഷിയല്ലെന്ന് പരാതിക്കാരിയുടെ അഭിഭാഷകന് കോടതിയെ അറിയിച്ചു. തുടര്ന്ന് ജസ്റ്റിസ് കെ ബാബു കേസിലെ സ്റ്റേ നീക്കുകയും വ്യാജ സത്യവാങ്മൂലം സമര്പ്പിച്ചതിയില് വിശദീകരണം നല്കാന് നടന് ഉണ്ണി മുകുന്ദനോട് ആവശ്യപ്പെടുകയും ചെയ്തു.
