എന്നാല്‍ കൊല്ലൂരിലേക്കുള്ള യാത്ര അത്രയെളുപ്പമുള്ള ഒന്നല്ല. പൊതുവെ ട്രെയിനിനെയാണ് ഇവിടേക്ക് വരുന്നവര്‍ ആശ്രയിക്കുന്നതെങ്കിലും ട്രെയിനിനിറങ്ങി വീണ്ടും8 കിലോമീറ്ററോളം ദൂരം യാത്ര ചെയ്യണമെന്നത് പലര്‍ക്കും ബുദ്ധിമുട്ടുണ്ടാക്കുന്ന കാര്യമാണ്. അതുകൊണ്ടുതന്നെ ഇവിടേക്ക് വരുവാന്‍ നേരിട്ടുള്ള ബസ് സര്‍വീസുകള്‍ ആളുകള്‍ തിരഞ്ഞെടുക്കുന്നു. കെഎസ്‌ആര്‍ടിസിയുടെ കൊട്ടാരക്കര- കൊല്ലൂര്‍ സ്വിഫ്റ്റ് ബസ് സര്‍വീസ് ഇത്തരത്തില്‍ മൂകാംബിക യാത്രക്കാര്‍ക്ക് പ്രയോജനപ്പെടുത്തുവാന്‍ പറ്റിയ ഒന്നാണ്.
കൊട്ടാരക്കര-കൊല്ലൂര്‍ കെഎസ്‌ആര്‍ടിസി ബസ്
കൊട്ടാരക്കരയില്‍ നിന്നു രാത്രി 8.00 മണിക്ക് പുറപ്പെട്ട് പിറ്റേന്ന് ഉച്ചയ്ക്ക് 12.05ന് കൊല്ലൂരില്‍ എത്തിച്ചേരുന്ന വിധത്തില്‍ ക്രമീകരിച്ചിരിക്കുന്ന ബസ് സര്‍വീസാണ് കൊട്ടാരക്കര-കൊല്ലൂര്‍ കെ എസ് ആര്‍ ടി സി സ്വിഫ്റ്റ് ബസിന്‍റേത്.
മടക്ക യാത്രയില്‍ കൊല്ലൂരില്‍ നിന്ന് രാത്രി 09.10ന് പുറപ്പെട്ട് പിറ്റേന്ന് ഉച്ചയ്ക്ക് 01.00 ന് കൊട്ടാരക്കര എത്തിച്ചേരുന്ന വിധത്തിലുമാണ് സര്‍വ്വീസ് ക്രമീകരിച്ചിട്ടുള്ളത്.
കൊട്ടാരക്കര, അടൂര്‍ , ചെങ്ങന്നൂര്‍ , തിരുവല്ല, ചങ്ങനാശ്ശേരി, കോട്ടയം, കൂത്താട്ടുകുളം, മൂവാറ്റുപുഴ , അങ്കമാലി , തൃശൂര്‍ , കോട്ടക്കല്‍ , കോഴിക്കോട് , കണ്ണൂര്‍ , പയ്യന്നൂര്‍ , കാഞ്ഞങ്ങാട് , കാസര്‍കോട് , മംഗലാപുരം , ഉഡുപ്പി , കൊല്ലൂര്‍ എന്നീ സ്റ്റോപ്പുകളാണ് ബസിനുള്ളത്. ആകെ 41 സീറ്റുകളാണ് ബസിനുള്ളത്. ഇതില്‍ 4 സീറ്റുകള്‍ സ്ത്രീകള്‍ക്കായി റിസര്‍വ് ചെയ്തിട്ടുള്ളവയാണ്. കൊട്ടാരക്കര- കൊല്ലൂര്‍ റൂട്ടില്‍ ഒരാള്‍ക്ക് 967 രൂപയാണ് ടിക്കറ്റ് നിരക്ക്.
