ഡാലസ് (യുഎസ്): ടെക്‌സസിലെ മാളിലുണ്ടായ വെടിവയ്പ്പില്‍ 9 പേര്‍ മരിച്ചു; 7 പേര്‍ക്ക് പരുക്കേറ്റു. അക്രമിയെ പോലീസ് കൊലപ്പെടുത്തി. ഡാലസില്‍ നിന്ന് 25 മൈല്‍ (40 കിലോമീറ്റര്‍) വടക്കുള്ള അലന്‍ നഗരത്തിലെ ഷോപ്പിങ് മാളില്‍ ഉച്ചകഴിഞ്ഞ് 3:30 ഓടെയാണ് വെടിവയ്പ്പ് ഉണ്ടായത്. കുട്ടികള്‍ ഉള്‍പ്പടെ നിരവധി പേര്‍ക്ക് പരുക്കേറ്റിട്ടുണ്ടെന്നാണ് റിപ്പോര്‍ട്ട്. പലരുടേയും നില ഗുരുതരമാണ്.
റോഡിലൂടെ നടന്നുപോകുകയായിരുന്ന അക്രമി ഒരു പ്രകോപനവുമില്ലാതെ വെടിയുതിര്‍ക്കുകയായിരുന്നുവെന്ന് ദൃക്‌സാക്ഷികള്‍ പറഞ്ഞു. അക്രമിയെക്കുറിച്ചുള്ള കൂടുതല്‍ വിവരങ്ങള്‍ പോലീസ് പുറത്ത് വിട്ടിട്ടില്ല.
