ബംഗലൂരു: കര്‍ണാടകയില്‍ പ്രധാനമന്ത്രിയുടെ റാലിക്കിടെ വന്‍ സുരക്ഷാ വീഴ്ച. റാലി കടന്നുപോകുന്നതിനിടെ ഒരാള്‍ ഫോണ്‍ എറിഞ്ഞു. വായുവില്‍ പറന്നുവന്ന ഫോണ്‍ മോദി സഞ്ചരിച്ച വാഹനത്തിന്റെ ബോണറ്റിലാണ് വീണത്.
മൈസൂരുവില്‍ മോദിയുടെ തെരഞ്ഞെടുപ്പ് റാലിക്കിടെയായിരുന്നു സംഭവം. തുറന്ന വാഹനത്തില്‍ ജനത്തെ അഭിവാദ്യം ചെയ്യുന്നതിനിടെയാണ് ഫോണ്‍ എറിഞ്ഞത്. പറന്നുവന്ന ഫോണ്‍ മോദിയുടേയോ വാഹനത്തിലുണ്ടായിരുന്ന മറ്റു നേതാക്കളുടേയോ ദേഹത്ത് കൊണ്ടില്ല.
അതിനിടെ, പ്രധാനമന്ത്രിയുടെ വാഹനത്തിന് നേരെ ഫോണ്‍ എറിഞ്ഞയാളെ കണ്ടെത്തി. മൈസൂര്‍ പൊലീസ് ആണ് ആളെ കണ്ടെത്തിയത്. ഫോണ്‍ ബിജെപി പ്രവര്‍ത്തകന്റേതാണെന്ന് പൊലീസ് വ്യക്തമാക്കി.
#WATCH | Security breach seen during Prime Minister Narendra Modi’s roadshow, a mobile phone was thrown on PM’s vehicle. More details awaited. pic.twitter.com/rnoPXeQZgB
— ANI (@ANI) April 30, 2023
പ്രധാനമന്ത്രിയെ കണ്ട ആവേശത്തില്‍ ഫോണ്‍ കയ്യില്‍ നിന്നും നഷ്ടപ്പെട്ടതാണെന്നും, ഇയാള്‍ക്ക് തെറ്റായ ഉദ്ദേശം ഉണ്ടായിരുന്നില്ലെന്നും മൈസൂര്‍ പോലീസ് അറിയിച്ചു. ഫോണ്‍ എറിഞ്ഞതിന്റെ വീഡിയോ സമൂഹമാധ്യമങ്ങളില്‍ വ്യാപകമായി പ്രചരിച്ചിരുന്നു.
