Month: March 2023
-
Kerala
ബിഷപ്പ് പാംപ്ലാനിയുടെ തന്ത്രവും ചീറ്റി, കേരളത്തിലെ കർഷകരുടെ മുറവിളിയും സമ്മർദ്ദവും ഫലം കണ്ടില്ല; റബ്ബറിന് താങ്ങുവിലയില്ല, കാർഷിക ഉൽപ്പന്നത്തിൽ ഉൾപ്പെടുത്തിയില്ലെന്ന് കേന്ദ്രമന്ത്രി
ദില്ലി: കേരളത്തിലെ കർഷകരുടെ മുറവിളിയും ബിഷപ്പ് പാംപ്ലാനി അടക്കമുള്ളവരുടെ സമ്മർദ്ദവും ഫലം കണ്ടില്ല. കേന്ദ്ര സർക്കാർ റബ്ബറിന് താങ്ങുവില ഏർപ്പെടുത്തിയില്ല. റബറിനെ കാർഷിക ഉൽപന്നത്തിൽ ഉൾപ്പെടുത്തിയിട്ടില്ലെന്ന് കേന്ദ്ര മന്ത്രി പീയൂഷ് ഗോയൽ വ്യക്തമാക്കി. 25 കാർഷിക വിളകൾക്കാണ് മിനിമം താങ്ങുവിലയെന്നും മന്ത്രി പറഞ്ഞു. രാജ്യസഭയിൽ എളമരം കരീം എംപിക്ക് നൽകിയ മറുപടിയിലാണ് കേന്ദ്രമന്ത്രി നിലപാട് വ്യക്തമാക്കിയത്. ഇറക്കുമതി ചെയ്യുന്ന റബ്ബറിന് മേൽ ഇറക്കുമതി തീരുവ കേന്ദ്രസർക്കാർ നേരത്തെ തന്നെ വർധിപ്പിച്ചതാണെന്ന് മന്ത്രി ചൂണ്ടിക്കാട്ടിയിട്ടുണ്ട്. എഴുതി നൽകിയ മറുപടി ഇറക്കുമതി ചെയ്ത റബ്ബർ 18 മാസത്തിനുള്ളിൽ ഉപയോഗിച്ചാൽ മതിയെന്ന മുൻ നിർദ്ദേശം ആറ് മാസമാക്കി ചുരുക്കിയിരുന്നുവെന്നും അദ്ദേഹം പറയുന്നു. കമ്മീഷൻ ഓഫ് അഗ്രിക്കൾചറൽ കോസ്റ്റ്സ് ആന്റ് പ്രൈസസാണ് താങ്ങുവില സംബന്ധിച്ച തീരുമാനങ്ങൾ കൈക്കൊള്ളുന്നതിനുള്ള ശുപാർശ നൽകുന്നത്. ഇവർ കാർഷിക സാഹചര്യങ്ങളും സംസ്ഥാനങ്ങളുടെ താത്പര്യങ്ങളും മുൻനിർത്തിയാണ് ഈ നിലയിൽ ശുപാർശ സമർപ്പിക്കുന്നത്. 25 വിളകളാണ് നിലവിൽ ഈ കമ്മീഷന്റെ താങ്ങുവില പരിഗണനയിൽ ഉൾപ്പെട്ടിട്ടുള്ളത്. ഈ…
Read More » -
India
രാഹുൽ ഗാന്ധി ലണ്ടനിൽ നടത്തിയ പ്രസംഗത്തിലെ പരാമർശങ്ങളിൽ കേസെടുക്കണമെന്നാവശ്യപ്പെട്ട് ബിജെപി നൽകിയ ഹർജി വാരാണസി കോടതി തള്ളി
ദില്ലി: കോൺഗ്രസ് നേതാവ് രാഹുൽ ഗാന്ധി ലണ്ടനിൽ നടത്തിയ പ്രസംഗത്തിലെ പരാമർശങ്ങളിൽ കേസെടുക്കണമെന്നാവശ്യപ്പെട്ട് ബിജെപി നൽകിയ ഹർജി വാരാണസി കോടതി തള്ളി. രാഹുൽ അഭിപ്രായ സ്വാതന്ത്ര്യത്തിന്റെ പരിധി ലംഘിച്ചിട്ടില്ലെന്ന് നിരീക്ഷിച്ചാണ് കോടതി നടപടി. പ്രതിപക്ഷത്തിൻറെ മൈക്ക് പതിവായി ഓഫ് ചെയ്യുന്നതിനാൽ ഇന്ത്യൻ പാർലമെൻറിൽ എതിർ ശബ്ദങ്ങൾ ഉയരാറില്ല, ഫാസിസ്റ്റ് സംഘടനയായ ആർഎസ്എസ് ഭരണഘടന സ്ഥാപനങ്ങൾ പിടിച്ചെടുത്തതോടെ ഇന്ത്യയിൽ തെരഞ്ഞെടുപ്പിന്റെ സ്വഭാവം അട്ടിമറിക്കപ്പെട്ടു, താനടക്കമുള്ള രാഷ്ട്രീയ നേതാക്കളുടെ ഫോണുകൾ ചാര സോഫറ്റ് വെയറായ പെഗാസെസ് ഉപയോഗിച്ച് സർക്കാർ ചോർത്തി എന്നടക്കം ഗുരുതര ആരോപണങ്ങളാണ് ബ്രിട്ടണിൽ നടത്തിയ പ്രഭാഷണ പരമ്പരകളിൽ രാഹുൽ ഗാന്ധി തുറന്നടിച്ചത്. ഇന്ത്യയിൽ ജനാധിപത്യം അടിച്ചമർത്തപ്പെടുകയാണെന്ന് കുറ്റപ്പെടുത്തിയ രാഹുൽ, പ്രതിപക്ഷ നേതാക്കൾക്ക് ഫോണിലൂടെ പോലും സംസാരിക്കാനാവാത്ത സാഹചര്യമാണ് ഇന്ത്യയിലെന്നും അഭിപ്രായപ്പെട്ടിരുന്നു. ഇത്തരം പരാമർശങ്ങൾ നടത്തിയ രാഹുലിനെ പാർലമെന്റ് അയോഗ്യനാക്കണമെന്ന ആവശ്യമാണ് ബിജെപി ഇപ്പോൾ ഉയർത്തുന്നത്.
Read More » -
India
ആധാർ കാർഡും വോട്ടർ ഐഡിയും ബന്ധിപ്പിക്കുന്നതിനുള്ള സമയപരിധി കേന്ദ്രസർക്കാർ ഒരു വർഷത്തേക്ക് കൂടി നീട്ടി
ആധാർ കാർഡും വോട്ടർ ഐഡിയും ബന്ധിപ്പിക്കുന്നതിനുള്ള സമയപരിധി കേന്ദ്രസർക്കാർ ഒരു വർഷത്തേക്ക് കൂടി നീട്ടി. 2024 മാർച്ച് 31 ആണ് ആധാറും വോട്ടർ ഐഡിയും ബന്ധിപ്പിക്കുന്നതിനുള്ള പുതുക്കിയ സമയപരിധി. മുൻപ് നൽകിയ കാലാവധി 2023 ഏപ്രിൽ 1ന് അവസാനിക്കാനിരിക്കെയാണ്, വീണ്ടും സമയപരിധി പുതുക്കിയിരിക്കുന്നത്. കേന്ദ്രസർക്കാരിന്റെ പ്രധാന ബോധത്കരണ ക്യാമ്പയിനുകളിലൊന്നായിരുന്നു ഇലക്ഷൻ കമ്മീഷന്റെ ആഭിമുഖ്യത്തിലുള്ള ആധാർ വോട്ടർ ഐഡിയുമായി ബന്ധിപ്പിക്കുക എന്നത്. കള്ള വോട്ട് തടയുക എന്നതായിരുന്നു ഇലക്ഷൻ കമ്മീഷന്റെ പ്രധാന ലക്ഷ്യം. ഒരേ വ്യക്തി ഒന്നിലധികം നിയോജകമണ്ഡലങ്ങളിൽ അല്ലെങ്കിൽ ഒരേ മണ്ഡലത്തിൽ ഒന്നിലധികം തവണ രജിസ്റ്റർ ചെയ്തിട്ടുണ്ടെങ്കിൽ തിരിച്ചറിയാൻ ഈ രീതി സഹായകരമാകുമെന്നും, ഇതിലൂടെ കള്ളവോട്ടുകൾ ഒരു പരിധിവരെ തടയാനാകുമെന്നുമായിരുന്നു തെരഞ്ഞെടുപ്പ് കമ്മീഷൻ വിലയിരുത്തുന്നത്. വോട്ടെടുപ്പ് പ്രക്രിയ കൂടുതൽ സുതാര്യമാക്കാനും, തെരഞ്ഞെടുപ്പ് കമ്മീഷന് കൂടുതൽ അധികാരങ്ങൾ നൽകാനും, ഇരട്ടവോട്ടും കള്ളവോട്ടും തടയാനുമായാണ് പുതിയ നിയമപരിഷ്കാരങ്ങൾ നടപ്പാക്കുന്നതെന്ന് കേന്ദ്രസർക്കാർ നേരത്തെ പല തവണ ആവർത്തിച്ചിരുന്നു. വോട്ടർമാരുടെ ആധാർ നമ്പറുകൾ ശേഖരിക്കുന്നതിനായി തെരഞ്ഞെടുപ്പ് കമ്മീഷൻ…
Read More » -
Business
ഡിജിറ്റല് പേയ്മെന്റ് കമ്പനി ബ്ലോക്കിന്റെ സാമ്പത്തിക ക്രമക്കേടുകൾ പുറത്തുവിട്ട് ഹിൻഡൻബർഗ്
ദില്ലി: ഹിൻഡൻബർഗിന്റെ പുതിയ റിപ്പോർട്ട് പുറത്ത്. ഡിജിറ്റൽ പേയ്മെന്റ് കമ്പനിയായ ബ്ലോക്കിലെ സാമ്പത്തിക ക്രമക്കേടുകളാണ് പുതിയ റിപ്പോർട്ടിൽ. സ്ക്വയർ എന്ന പേരിൽ മുൻപ് പ്രവർത്തിച്ചു വന്ന കമ്പനിയാണ് ബ്ലോക്ക്. രണ്ടു വർഷം നീണ്ട അന്വേഷണത്തിന് ഒടുവിലാണ് റിപ്പോർട്ട് പുറത്തു വിട്ടത്. ഉപയോക്താക്കളുടെ എണ്ണം പെരുപ്പിച്ചു കാണിച്ചും വ്യാജ അക്കൗണ്ടുകൾ ഉണ്ടാക്കിയുമാണ് ബ്ലോക്ക് വിപണി മൂല്യം വർധിപ്പിച്ചതെന്ന് റിപ്പോർട്ടിൽ പറയുന്നു. ട്വിറ്റർ സ്ഥാപകൻ ജാക്ക് ഡോർസിയുടെ നേതൃത്വത്തിലുള്ള കമ്പനിയാണ് ബ്ലോക്ക്. അദാനി ഓഹരികൾ നിലംപൊത്തിയതിന്റെ കാരണം തേടി ചെല്ലുന്നവർ എത്തി നിൽക്കുന്നത് യു എസ് ആസ്ഥാനമായുള്ള നിക്ഷേപ ഗവേഷണ സ്ഥാപനമായ ഹിൻഡൻബർഗിലാണ്. ഹിൻഡൻബർഗ് എന്ന ഒരു അന്താരാഷ്ട്ര ഇൻവെസ്റ്റ്മെന്റ് റിസേർച്ച് കമ്പനിയാണ്. വെറും നാല് ദിവസംകൊണ്ട് ഹിൻഡൻബർഗ് റിപ്പോർട്ട് ഇന്ത്യൻ വിപണിയിലുണ്ടാക്കിയത് വലിയ മാറ്റങ്ങളാണ്. ആഭ്യന്തര സൂചികകൾ പോലും വിറച്ചത് യാഥാർഥ്യം. ലോകത്തെ ഏറ്റവും വലിയ രണ്ടാമത്തെ ധനികനായ ഗൗതം അദാനി ഏഴാം സ്ഥാനത്തേക്ക് പിന്തള്ളപ്പെട്ടു. ലക്ഷകണക്കിന് കോടിയുടെ നഷ്ടമാണ് അദാനി ഗ്രൂപ്പിനുണ്ടായത്.
Read More » -
India
പിഴയിനത്തിൽ യാത്രക്കാരിൽനിന്ന് ഒരു കോടി രൂപയിലധികം വാങ്ങിയ വനിതാ ടിക്കറ്റ് ചെക്കറെ പ്രശംസിച്ച് റെയിൽവേ മന്ത്രാലയം
ദില്ലി: പിഴയിനത്തിൽ യാത്രക്കാരിൽ നിന്ന് ഒരു കോടി രൂപയിലധികം വാങ്ങിയ വനിതാ ടിക്കറ്റ് ചെക്കറെ പ്രശംസിച്ച് റെയിൽവേ മന്ത്രാലയം. ദക്ഷിണ റെയിൽവേയിലെ ചീഫ് ടിക്കറ്റ് ഇൻസ്പെക്ടറായ റോസലിൻ ആരോക്യ മേരിയാണ് ടിക്കറ്റില്ലാതെ യാത്ര ചെയ്തവരിൽ നിന്ന് ഇതുവരെ പിഴയായി 1.03 കോടി രൂപ ഈടാക്കിയത്. ട്വിറ്ററിലാണ് മന്ത്രാലയം ഇക്കാര്യം പങ്കുവച്ചത്. ജോലിയോടുള്ള ആത്മാർത്ഥ എന്ന വിശേഷണത്തോടെയാണ് റോസലിനെക്കുറിച്ചുള്ള ട്വീറ്റ് റെയിൽവേ മന്ത്രാലയം പങ്കുവച്ചിരിക്കുന്നത്. പിഴയിനത്തിൽ ഇത്രയധികം തുക റെയിൽവേക്ക് നേടിക്കൊടുക്കുന്ന ആദ്യ വനിതയാണ് ഇവർ. റെയിൽവേയുടെ ട്വീറ്റ് വളരെ വേഗം വൈറലായി. റോസലിനെ പ്രശംസിച്ച് നിരവധി പേരാണ് റീട്വീറ്റ് ചെയ്തതും കമന്റുകൾ പങ്കുവച്ചിരിക്കുന്നതും. റോസലിനെപ്പോലെ ജോലിയോട് സമർപ്പണ മനോഭാവമുള്ള നിരവധി പേരെ ഭാരതത്തിന് ആവശ്യമുണ്ടെന്ന് ഒരാൾ കമന്റ് ചെയ്തു. Showing resolute commitment to her duties, Smt.Rosaline Arokia Mary, CTI (Chief Ticket Inspector) of @GMSRailway, becomes the first woman on the ticket-checking staff…
Read More » -
Kerala
കൂത്തുപറമ്പ് വെടിവയ്പ്പിലെ ജീവിക്കുന്ന രക്തസാക്ഷി പുഷ്പനെ സന്ദർശിച്ച് മുഖ്യമന്ത്രി
തലശേരി സഹകരണാശുപത്രിയിൽ ചികിത്സയിൽ കഴിയുന്ന കൂത്തുപറമ്പ് വെടിവയ്പ്പിലെ ജീവിക്കുന്ന രക്തസാക്ഷി മനേക്കരയിലെ പുതുക്കുടി പുഷ്പനെ മുഖ്യമന്ത്രി പിണറായി വിജയൻ സന്ദർശിച്ചു. പെരളശേരിയിൽ എ.കെ.ജി ദിനാചരണത്തിന്റെ ഭാഗമായി അനുസ്മരണ പൊതുസമ്മേളനത്തിൽ പങ്കെടുക്കാനെത്തിയതായിരുന്നു മുഖ്യമന്ത്രി. പുഷ്പനെ സന്ദർശിച്ച് അദ്ദേഹം സുഖവിവരങ്ങൾ ആരാഞ്ഞു. കുറച്ചു സമയം പുഷ്പനോടൊപ്പം ചെലവിട്ടാണ് മുഖ്യമന്ത്രി മടങ്ങിയത്. മൂത്രത്തിലെ പഴുപ്പും ചെവിയിലെ ബാലൻസ് നിയന്ത്രിക്കുന്ന അവയവത്തിന്റെ പ്രവർത്തന വൈകല്യം മൂലവും ഉണ്ടാകുന്ന തലകറക്കവും കാരണമാണ് പുഷ്പനെ ആശുപത്രിയിൽ പ്രവേശിപ്പിച്ചത്. മുഖ്യമന്ത്രിയുടെ നിർദേശപ്രകാരം കോഴിക്കോട് മെഡിക്കൽ കോളജ് ആശുപത്രിയിൽ നിന്നുള്ള വിദഗ്ദ്ധ ഡോക്ടർമാർ അടങ്ങിയ മെഡിക്കൽ സംഘം പുഷ്പനെ പരിശോധിച്ചിരുന്നു. ഡി.വൈ. എഫ്. ഐ നേതാക്കളായ വി.കെ സനോജ്, സരിൻ ശശി തുടങ്ങിയവരും മുഖ്യമന്ത്രിയോടൊപ്പമുണ്ടായിരുന്നു. ബുധനാഴ്ച്ച വൈകുന്നേരം നാലരയോടെയാണ് മുഖ്യമന്ത്രി തലശേരി സഹകരണാശുപത്രിയിലെത്തിയത്.
Read More » -
Local
‘ഹരിയാലി’യെ അറിയാൻ തെലങ്കാന സംഘം വടകരയിൽ
വടകര നഗരസഭയിലെ മാലിന്യ സംസ്കരണം കൈകാര്യംചെയ്യുന്ന ‘ഹരിയാലി’യെപ്പറ്റി പഠിക്കാൻ തെലങ്കാനയിൽനിന്ന് വിദഗ്ധസംഘമെത്തി. സാത്തുപള്ളി മുനിസിപ്പൽ കമ്മിഷണർ കെ. സുജാത, സിദ്ധുപ്പെട്ട് മുനിസിപ്പാലിറ്റി സാനിറ്ററി ഇൻസ്പെക്ടർ എൻ. വനിത, തെലങ്കാന ജില്ലാ ശുചിത്വമിഷൻ കോ-ഓർഡിനേറ്റർ ഐ.കെ. നാരായണ എന്നിവരുടെ നേതൃത്വത്തിൽ 15 അംഗ സംഘമാണ് വടകരയിലെത്തിയത്. വടകര നാരായണ നഗരത്തിലുള്ള മാലിന്യം തരംതിരിക്കുന്ന എം.ആർ.എഫ്, ഹരിയാലി പരിപാലിക്കുന്ന നഗരസഭാ പാർക്ക്, പരിസ്ഥിതി സൗഹൃദ ഉത്പ്പന്നങ്ങൾ നിർമിക്കുന്ന ഗ്രീൻ ഷോപ്പ്, ഗ്രീൻ ടെക്നോളജി സെൻ്റർ എന്നിവ സംഘം സന്ദർശിച്ചു. ഹരിയാലി നിർമിച്ച ടോയ്ലറ്റ് ക്ലീനിങ്ങിനുള്ള എട്ട് ഉത്പന്നങ്ങൾ അടങ്ങുന്ന ഓരോ കിറ്റ് വടകര നഗരസഭാ ചെയർപേഴ്സൺ കെ.പി. ബിന്ദു സംഘാംഗങ്ങൾക്ക് നൽകി. ആരോഗ്യ സ്റ്റാൻഡിങ് കമ്മിറ്റി ചെയർമാൻ എ.പി പ്രജിത, പൊതുമരാമത്ത് ചെയർമാൻ എം. ബിജു, സെക്രട്ടറി എൻ. കെ. ഹരീഷ്, ഹരിയാലി കോ-ഓർഡിനേറ്റർ മണലിൽ മോഹനൻ, കുടുംബശ്രീ ചെയർപേഴ്സൺ കെ. മീര, ജെ.എച്ച്.ഐ. വിജിത, ജില്ലാ ശുചിത്വമിഷൻ അസിസ്റ്റന്റ് കോ-ഓർഡിനേറ്റർ കൃപ…
Read More » -
Movie
കേരളത്തെ പിടിച്ചു കുലുക്കിയ പ്രളയ ദിനങ്ങളുടെ ചലച്ചിത്രാവിഷ്ക്കാരം, ‘2018 എവരി വണ് ഈസ് ഹീറോ’ ഏപ്രില് 21 ന്
‘2018 എവരി വണ് ഈസ് ഹീറോ’ എന്ന ശീർഷകത്തിൽ ഒരു സിനിമ വരുന്നു. സംവിധായകന് ജൂഡ് ആൻ്റണി ജോസഫ് ഒരുക്കുന്ന ഈ ചിത്രം ഏപ്രില് 21 ന് റിലീസ് ചെയ്യും. ഏറെ നാളുകള് നീണ്ട ചിത്രീകരണം, വന്താരനിര എന്നിവയെല്ലാം ചേര്ന്നാണ് 2018 പ്രളയ ദിവസങ്ങളെ വീണ്ടും സ്ക്രീനില് എത്തിക്കുന്നത്. വേണു കുന്നപ്പള്ളി, സി കെ പത്മകുമാര്, ആന്റോ ജോസഫ് എന്നിവര് ചേര്ന്നാണ് ചിത്രം നിര്മ്മിച്ചിരിക്കുന്നത്. ടൊവിനോ തോമസ്, കുഞ്ചാക്കോ ബോബന്, ആസിഫ്അലി, ഇന്ദ്രന്സ്, വിനീത് ശ്രീനിവാസന്, ലാല്, നരേന്, സുധീഷ്, സിദ്ദിഖ്, രഞ്ജി പണിക്കര് ജാഫര് ഇടുക്കി, ജൂഡ് ആൻ്റണി ജോസഫ്, അജു വര്ഗ്ഗീസ്, ജിബിന് ഗോപിനാഥ്, ഡോക്ടര് റോണി, അപര്ണ്ണ ബാലമുരളി, ശിവദ, വിനിതാ കോശി, തന്വി റാം, ഗൗതമി നായര് തുടങ്ങിയവരാണ് ചിത്രത്തില് പ്രധാന കഥാപാത്രങ്ങളെ അവതരിപ്പിക്കുന്നത്. സംവിധായകനൊപ്പം മലയാളത്തിലെ യുവ എഴുത്തുകാരന് അഖില് പി ധര്മ്മജനും ഈ ചിത്രത്തിലെ എഴുത്തിൽ പങ്കാളിയാകുന്നുണ്ട്. കാവ്യാ ഫിലിംസ്, പി കെ…
Read More » -
Movie
എം.ഡി.എം.എ കേസിൽ അറസ്റ്റിലായ നടി അഞ്ജു കൃഷ്ണ താനല്ലെന്ന് സിനിമാ താരം അഞ്ജു കൃഷ്ണ അശോക്
സിനിമാ താരം അഞ്ജു കൃഷണ അശോകിന് പേരിലെ സാമ്യം പുലിവാൽ ആയിരിക്കുകയാണ്. താരം നിരന്തര സൈബർ ആക്രമണം നേരിടുകയാണ് ഇപ്പോൾ. തൃക്കാക്കരയിൽ എംഡിഎംഎ കേസിൽ അറസ്റ്റിലായ അഞ്ജു കൃഷ്ണ എന്ന നാടക നടിയുമായി താരത്തെ തെറ്റിദ്ധരിച്ചാണ് ഈ ആക്രമണം. വീട് വാടകക്കെടുത്ത് സുഹൃത്തുമായി ചേർന്ന് ലഹരി വില്പന നടത്തി വന്നിരുന്ന, കഴക്കൂട്ടം സ്വദേശിനിയായ അഞ്ജു കൃഷണ എന്ന നടിയെ പോലീസ് അറസ്റ്റ് ചെയ്തു. പേരിലെ സാമ്യം മൂലം അറസ്റ്റിലായത് അഞ്ജു കൃഷ്ണ അശോകാണെന്ന് മാധ്യമങ്ങളടക്കം തെറ്റിദ്ധരിച്ച് വാർത്തകൾ വന്നു. അഞ്ജുവിനെ ടാഗ് ചെയ്താണ് മാധ്യമങ്ങളടക്കം പലരും വിവിധ സാമൂഹിക മാധ്യമങ്ങളിൽ വാർത്ത പങ്കു വച്ചത് . ടാഗ് ചെയ്യലും സൈബർ ആക്രമണവും തുടർന്നതോടെയാണ് താരം തന്നെ കാര്യങ്ങൾ വ്യക്തമാക്കാൻ രംഗത്ത് വന്നത്. ‘പേരിലെ സാമ്യമാണ് പ്രശ്നമായത്. ഇപ്പോളും കാര്യമറിയാതെ മാധ്യമങ്ങളടക്കം തന്നെ ടാഗ് ചെയ്യുകയാണ്. പോസ്റ്റുകളിൽ ടാഗ് ചെയ്യുന്നത് അവസാനിപ്പിക്കണം. ഇല്ലെങ്കിൽ നിയമനടപടിയുമായി മുന്നോട്ട് പോവേണ്ടി വരും’ എന്നാണ്…
Read More » -
Food
ഹോട്ടൽ ഭക്ഷണത്തെപ്പറ്റി പരാതിയുണ്ടോ, ഇതാ നേരിട്ടറിയിക്കാൻ പോര്ട്ടല് റെഡി
ഭക്ഷണം വൃത്തിഹീനമായി പാചകം ചെയ്യുന്നവരും വിളമ്പുന്നവരും ഇനി ശ്രദ്ധിച്ചോളൂ. പണി പാലുംവെള്ളത്തിലും കിട്ടും, പൊതുജനങ്ങള്ക്ക് ഭക്ഷണനിലവാരത്തെക്കുറിച്ചും വൃത്തിയും വിലയെക്കുറിച്ചുമൊക്കെയുള്ള പരാതികള് നേരിട്ടറിയിക്കാന് ഭക്ഷ്യസുരക്ഷാ വകുപ്പിന്റെ ഗ്രിവന്സ് പോര്ട്ടല് റെഡി. മന്ത്രി വീണാ ജോര്ജ് പോര്ട്ടല് ലോഞ്ച് ചെയ്തു. പോര്ട്ടലില് പരാതികള് നേരിട്ട് നല്കാനും അതിന്മേല് എടുത്ത നടപടികള് അറിയാനും സാധിക്കും, പരാതി സംബന്ധിച്ച ഫോട്ടോയും വീഡിയോയും അപ്ലോഡ് ചെയ്യാനും കഴിയും. പരാതിപ്പെടേണ്ടത് ഇങ്ങനെ ആദ്യമായി ഭക്ഷ്യസുരക്ഷാ വകുപ്പിന്റെ https://www.eatright.foodsafety.kerala.gov.in/ എന്ന ലിങ്കില് ക്ലിക്ക് ചെയ്യുക. റിപ്പോര്ട്ട് കംപ്ലൈയ്ന്റ്, മൈ കംപ്ലൈയ്ന്റ്സ് എന്നീ രണ്ട് ഐക്കണുകള് കാണാം. ആദ്യം രജിസ്റ്റര് ചെയ്യണം, രജിസ്റ്ററില് ക്ലിക്ക് ചെയ്യുന്നതിനു പിന്നാലെ വരുന്ന പേജില് മൊബൈല് നംപര് നല്കി ഒ.ടി.പി എടുക്കുക, തുടര്ന്ന് പേര്, ഒ.ടി.പി എന്നിവ നല്കുക. പിന്നീട് കംപ്ലൈയ്ന്റ് രജിസ്റ്റര് ചെയ്യാനുള്ള പേജ് വരും. അതില് ജില്ല, സര്ക്കിള്, സ്ഥാപനത്തിന്റെ പേര്, ലൊക്കേഷന്, ലാന്ഡ്മാര്ക്ക്, പരാതി, പരാതിയുടെ വിശദാംശങ്ങള് എന്നിവ നല്കണം. തുടര്ന്ന്…
Read More »