Month: March 2023
-
LIFE
ഏകാന്തത മൂലം ഒരാൾക്ക് ഉണ്ടാകാവുന്ന ആരോഗ്യ പ്രശ്നങ്ങൾ
ഒറ്റപ്പെടൽ അനുഭവിക്കുന്ന നിരവധി പേർ നമ്മുക്ക് ചുറ്റുമുണ്ട്. മാനസിക പ്രശ്നങ്ങൾ, ആത്മഹത്യാ പ്രവണത, ലഹരിയോടുള്ള ആസക്തി, രോഗങ്ങൾ തുടങ്ങി പലതിലേക്കും ഇത് നയിക്കാം. മാനസികാരോഗ്യവും ശാരീരിക ആരോഗ്യവും പരസ്പരബന്ധിതമാണെന്ന് വിദഗ്ധർ പറയുന്നതിനാൽ സാമൂഹികമായി ഒറ്റപ്പെടുകയോ ഏകാന്തത അനുഭവപ്പെടുകയോ ചെയ്യുന്നത് നിരവധി രോഗങ്ങൾക്ക് കാരണമാകും. ഏകാന്തത എല്ലാ കാരണങ്ങളാലും അകാല മരണത്തിലേക്ക് നയിച്ചേക്കാമെന്നും പഠനങ്ങൾ പറയുന്നു. നിങ്ങൾ ഏകാന്തതയിലാണെങ്കിൽ അത് ഹൃദ്രോഗം, വിഷാദം, ഉത്കണ്ഠ, പ്രമേഹം, ഹൈപ്പർടെൻഷൻ എന്നിവയ്ക്കും കാരണമാകും. പ്രായമാകുന്തോറും ആളുകൾക്ക് ഏകാന്തത അനുഭവപ്പെടാം. വളരെയധികം സുഹൃത്തുക്കളെ ഉണ്ടാക്കാൻ ഇഷ്ടപ്പെടാത്ത ആളുകൾക്ക് പോലും ഏകാന്തതയെ മറികടക്കാൻ കഴിയും. ചില ജോലികളിലോ ഹോബിയിലോ ഏർപ്പെടുന്നത് ഏകാന്തത കുറയ്ക്കാൻ ഒരാളെ സഹായിക്കും. ‘ഏകാന്തത പല രോഗങ്ങൾക്കും ഒരു കാരണവും ലക്ഷണവുമാകാം. മാനസികാരോഗ്യവും ശാരീരിക ആരോഗ്യവും ഒരേ നാണയത്തിന്റെ രണ്ട് വശങ്ങളാണ്. പല രോഗികളും ആശുപത്രികൾ സന്ദർശിക്കുന്നത് സൈക്കോസോമാറ്റിസേഷൻ മൂലമാണ്. സാമൂഹികവും വൈകാരികവും സാഹചര്യപരവും പ്രധാന ആശങ്കകൾ കാരണം ഏകാന്തത ഉണ്ടാക്കാം…’ – റൂബി ഹാൾ…
Read More » -
Health
തലച്ചോറിന്റെയും നാഡീകോശങ്ങളുടെയും പ്രവർത്തനത്തിനും വികാസത്തിനും വിറ്റാമിൻ ബി 12; ഈ നാല് ഭക്ഷണങ്ങൾ കഴിക്കാം
ശരീരത്തിന്റെ സജീവമായ പ്രവർത്തനത്തിന് വിറ്റാമിൻ ബി 12 അത്യാവശ്യമാണ്. ക്ഷീണവും അലസതയും അനുഭവപ്പെടുക ചെയ്യുന്നുണ്ടെങ്കിൽ ശരീരത്തിൽ വിറ്റാമിൻ ബി 12 ന്റെ കുറവുണ്ടാകാം. ശരീരത്തിലെ അവശ്യ വിറ്റാമിനുകളുടെയും ധാതുക്കളുടെയും അളവ് പരിശോധിക്കാൻ പതിവായി രക്തപരിശോധന നടത്തുന്നത് നല്ലതാണ്. തലച്ചോറിന്റെയും നാഡീകോശങ്ങളുടെയും പ്രവർത്തനത്തിലും വികാസത്തിലും ബി 12 പ്രധാന പങ്ക് വഹിക്കുന്നു. ഈ പോഷകത്തിന്റെ കുറവ് ബലഹീനത, ക്ഷീണം, തലകറക്കം, ഹൃദയമിടിപ്പ്, ശ്വാസതടസ്സം എന്നിവയിലേക്ക് നയിക്കുന്നു. മാത്രമല്ല മലബന്ധം, വയറിളക്കം, വിശപ്പില്ലായ്മ, ഗ്യാസ് എന്നിവയ്ക്കും കാരണമാകും. വിറ്റാമിൻ ബി 12 ലഭിക്കുന്നതിന് കഴിക്കേണ്ട ഭക്ഷണങ്ങളിതാ… പാലക്ക് ചീര പാലക്ക് ചീരയിൽ വിറ്റാമിൻ ബി 12 അടങ്ങിയിരിക്കുന്നു. വളരെ പോഷക സമൃദ്ധമായ പച്ചക്കറിയാണ് പാലക്ക് ചീര. ഇത് ഉയർന്ന അളവിൽ കരോട്ടിനോയിഡുകൾ, വിറ്റാമിൻ സി, വിറ്റാമിൻ കെ, ഫോളിക് ആസിഡ്, ഇരുമ്പ്, കാൽസ്യം എന്നിവ അടങ്ങിയിട്ടുണ്ട്. തെെര് തൈരിൽ പ്രോട്ടീനും വിറ്റാമിൻ ബി 12 യും അടങ്ങിയിട്ടുണ്ട്. ഒരു കപ്പ് തൈരിൽ കുറച്ച് സരസഫലങ്ങൾ…
Read More » -
Crime
കോഴിക്കോട് മെഡിക്കൽ കോളജിലെ പീഡനം: അതിജീവിതയ്ക്ക് ഒപ്പംനിന്ന നഴ്സിംഗ് ഓഫീസറെ എൻജിഒ യൂണിയൻ നേതാക്കൾ ഭീഷണിപ്പെടുത്തിയതായി പരാതി
കോഴിക്കോട്: മെഡിക്കൽ കോളേജിലെ പീഡനവുമായി ബന്ധപ്പെട്ട് അതിജീവിതയ്ക്ക് ഒപ്പം നിന്ന നഴ്സിംഗ് ഓഫീസറെ ഭീഷണിപ്പെടുത്തിയതായി പരാതി. എൻജിഒ യൂണിയൻ നേതാക്കളാണ് ഭീഷണിപ്പെടുത്തിയതെന്ന് കാണിച്ച് നഴ്സിംഗ് ഓഫീസർ ആശുപത്രി സൂപ്രണ്ടിന് പരാതി നൽകി. സമൂഹ മാധ്യമങ്ങളിലും അവഹേളിക്കാൻ ശ്രമം നടക്കുന്നുവെന്നും പരാതിയിൽ ആരോപിക്കുന്നുണ്ട്. ഐസിയുവിൽ യുവതിയെ പീഡിപ്പിച്ച പ്രതി ശശീന്ദ്രനെ തിരിച്ചറിഞ്ഞ നഴ്സിങ്ങ് ഓഫീസറാണ് ഭീഷണിയും സമൂഹ മാധ്യമങ്ങളിലൂടെയുള്ള അവഹേളനവും നേരിടുന്നത്. സ്ഥലം മാറ്റുമെന്നും സസ്പെൻഡ് ചെയ്യാൻ സമ്മർദ്ദം ചെലുത്തുമെന്നും ഭരണാനുകൂല സർവീസ് സംഘടനയായ എൻജിഒ യൂണിയൻ ജില്ലാ നേതാവ് ഭീഷണിപ്പെടുത്തിയെന്നാണ് ആശുപത്രി സൂപ്രണ്ടിന് നൽകിയ പരാതിയിൽ പറയുന്നത്. പരാതി മെഡിക്കൽ കോളേജ് പ്രിൻസിപ്പലിന് കൈമാറി. ആരോപണം എൻജിഒ യൂണിയൻ നിഷേധിച്ചു. മൊഴി മാറ്റാൻ അതിജീവിതയെ സ്വാധീനിക്കാൻ ശ്രമിച്ച പ്രതികളെ പോലീസിന് പിടികൂടാൻ പോലീസിന് കഴിഞ്ഞിട്ടില്ല. കേസിലെ അഞ്ചു പ്രതികളും സസ്പെൻഷനിലാണ്. കൂടുതൽ പേരുടെ മൊഴിയെടുക്കുന്നത് തുടരുന്നു. അതിനിടെ കുറ്റക്കാർക്ക് കർശന നടപടി അവശ്യപ്പെട്ട് മഹിളാ മോർച്ച ആശുപത്രിയിലേക്ക് മാർച്ച് നടത്തി. അതിജീവിതയെ…
Read More » -
Tech
ഏപ്രില് ഒന്നു മുതല് ഹൈവേ ടോള് നിരക്ക് കുത്തനെ കൂടാൻ സാധ്യത!
2023 ഏപ്രിൽ ഒന്നു മുതൽ ദേശീയ പാതകളിലെയും എക്സ്പ്രസ് വേകളിലെയും ടോൾ നിരക്ക് ഉയരാൻ സാധ്യതയെന്ന് റിപ്പോർട്ട്. ടോൾ നിരക്കുകൾ അഞ്ച് മുതൽ 10 ശതമാനം വരെ വർധിക്കാനാണ് സാധ്യത എന്നാണ് റിപ്പോർട്ടുകൾ. നാഷണൽ ഹൈവേ ടോൾ (നിരക്കുകളും ശേഖരണവും) ചട്ടങ്ങൾ-2008 അനുസരിച്ച്, കാറുകൾക്കും ചെറുവാഹനങ്ങൾക്കും ടോൾ പരിഷ്കരിച്ചേക്കുമെന്നും അഞ്ച് ശതമാനം അധിക ചാർജ് ഈടാക്കുമെന്നും ഹെവി വാഹനങ്ങളുടെ ടോൾ നികുതി 10 ശതമാനം വർധിച്ചേക്കുമെന്നുമാണ് റിപ്പോർട്ടുകൾ. 2022ൽ നിരക്ക് 10 മുതൽ 15 ശതമാനം വരെ വർധിപ്പിച്ചിരുന്നു. അപ്പോൾ എല്ലാ വാഹനങ്ങൾക്കും 10 മുതൽ 60 രൂപ വരെ കൂടി. ഇടയ്ക്ക് വില വർധിപ്പിച്ചു. നിലവിൽ എക്സ്പ്രസ് വേയിൽ കിലോമീറ്ററിന് 2.19 രൂപയാണ് ടോൾ. ആയി ടോൾ ടാക്സ് പിരിച്ചെടുക്കുന്നത്. ദേശീയ പാത ഫീസ് (നിരക്കുകളും ശേഖരണവും നിശ്ചയിക്കൽ) ചട്ടങ്ങൾ, 2008 പ്രകാരമുള്ള വാർഷിക കാര്യമാണ് താരിഫ് പരിഷ്കരണം. പുതുക്കിയ ടോൾ നിരക്കുകൾക്കായുള്ള നിർദ്ദേശം മാർച്ച് 25-നകം NHAI യുടെ…
Read More » -
Tech
അംബാനിയെ കടത്തിവെട്ടി എയർടെൽ! 500 നഗരങ്ങളിൽ 5ജി സേവനം, കേരളത്തിൽ 61 നഗരങ്ങളിൽ
ദില്ലി: 5 ജി സേവനം 500 നഗരങ്ങളിൽക്കൂടി വ്യാപിപ്പിച്ച് ഭാരതി എയർടെൽ. ഒറ്റയടിക്ക് 235 നഗരങ്ങളിൽക്കൂടി 5 ജി സേവനം ലഭ്യമാക്കിയാണ് റിലയൻസ് ജിയോയെ പിന്തള്ളിക്കൊണ്ടുളള എയർടെല്ലിന്റെ മുന്നേറ്റം. നിലവിൽ, 5 ജി ആരംഭിച്ച്, കൂടുതൽ നഗരങ്ങളിൽ 5ജി സേവനം ലഭ്യമാക്കുന്ന ടെലികോം കമ്പനിയെന്ന നേട്ടം എയർടെല്ലിനാണ്. ദിനം പ്രതി 30 മുതൽ 40 വരെ നഗരങ്ങളിലേക്ക് എയർടെൽ 5ജി പ്ലസ് ലഭ്യമാക്കുമെന്നും ഈ വർഷം സെപ്തംബറിൽ രാജ്യത്തെ മുഴുവൻ നഗരങ്ങളേയും എയർടെലിന്റെ 5ജി ശൃംഖലയുമായി ബന്ധിപ്പിക്കാനാകുമെന്ന് പ്രതീക്ഷിക്കുന്നതായി ലോഞ്ചിനെക്കുറിച്ച് പ്രതികരിച്ചുകൊണ്ട് ഭാരതി എയർടെല്ലിന്റെ സിടിഒ രൺദീപ് സെഖോൺ പറഞ്ഞു. ഇതുവരെയുള്ളതിൽ ഏറ്റവും വലിയ 5ജി സേവന നഗരങ്ങളുടെ പ്രഖ്യാപനമാണ് എയർടെൽ നടത്തിയിരിക്കുന്നത്. 2022 ഒക്ടോബറിലാണ് എയർടെൽ 5ജി സേവനം പ്രഖ്യാപിച്ചത്. റിലയൻസ് ജിയോയുടെ അൾട്രാ ഹൈസ്പീഡ് 5ജി നെറ്റ്വർക്ക് ഇതുവരെ ലഭ്യമാകുന്നത് 406 നഗരങ്ങളിൽ മാത്രമാണ്. എയർടെൽ 5ജി പ്ലസിന്റെ പ്രത്യേകതകൾ തടസ്സങ്ങളില്ലാെത വേഗതയേറിയ നെറ്റ് കണക്ഷനാണ് മൊബൈൽ ഉപഭോക്താക്കളുടെ…
Read More » -
Crime
ട്യൂഷന് പോയ ഒമ്പതാം ക്ലാസ്സുകാരിയെ ബസ്സിൽ വെച്ച് ലൈംഗികമായി ഉപദ്രവിച്ചു; സ്വകാര്യ ബസ് കണ്ടക്ടര് അറസ്റ്റില്
കോഴിക്കോട്: പ്രായപൂര്ത്തിയായ പെണ്കുട്ടിയെ ബസ്സിൽ വെച്ച് ലൈംഗികമായി ഉപദ്രവിച്ച സ്വകാര്യ ബസ് കണ്ടക്ടര് അറസ്റ്റില്. ബനാറസ് ബസ്സിലെ കണ്ടക്ടർ കൽപ്പള്ളി സ്വദേശി മുഹമ്മദ് സിനാനെ(22)യാണ് മാവൂർ പൊലീസ് അറസ്റ്റ് ചെയ്തത്. ട്യൂഷന് പോകുകയായിരുന്ന ഒമ്പതാം ക്ലാസ്സുകാരിയെ ടിക്കറ്റ് കൊടുക്കുന്നതിനിടയിൽ സൗഹൃദ സംഭാഷണം നടത്തിയാണ് പ്രതി അടുത്തൂകൂടിയത്. പിന്നീട് സീറ്റിൽ അടുത്ത് വന്നിരുന്ന് ലൈംഗികമായി ഉപദ്രവിച്ചുവെന്നാണ് പരാതി. ലൈംഗിക അതിക്രമണത്തോട് എതിർപ്പ് പ്രകടിപ്പിച്ച കുട്ടിയോട് ആരോടും പറയരുതെന്നും ഇയാൾ പറഞ്ഞിരുന്നു. സംഭവത്തെതുടർന്ന് ഭയന്നുപോയ കുട്ടി വിവരം കൂട്ടുകാരിയോടും അമ്മയോടും പറയുകയായിരുന്നു. തുടര്ന്ന് രക്ഷിതാക്കള് മാവൂര് പൊലീസില് പരാതി നല്കി. തുടര്ന്നാണ് പൊലീസ് പ്രതിയെ പിടികൂടുന്നത്. പോക്സോ നിയമപ്രകാരം അറസ്റ്റ് ചെയ്ത പ്രതിയെ കുന്ദമംഗലം മജിസ്ട്രേറ്റ് കോടതി റിമാൻഡ് ചെയ്ത് കോഴിക്കോട് സ്പെഷൽ സബ്ബ് ജയിലിലടച്ചു. എസ്.ഐ. മഹേഷ്, സീനിയർ സിവിൽ പൊലീസ് ഓഫീസർ മോഹനൻ, സിവിൽ പൊലീസ് ഓഫീസർ നിഗില എന്നിവരടങ്ങുന്ന സംഘമാണ് അന്വേഷണം നടത്തിയത്.
Read More » -
Tech
ജർമ്മനിയിൽ പ്രായമായവരെ ശുശ്രൂഷിക്കാൻ ആരോഗ്യ പ്രവർത്തകരെ കിട്ടുന്നില്ല, ആ പണിയെടുക്കാൻ റോബോട്ടുകളെ പരിശീലിപ്പിക്കുന്നു
പ്രത്യക്ഷത്തിൽ ഒരു സാധാരണ റോബോട്ടിന് സമാനമാണെങ്കിലും ‘ഗാർമി’ അങ്ങനെയല്ല. വെളുത്ത നിറവും നീലക്കണ്ണുകളും കാലുകളിൽ കറങ്ങുന്ന ചക്രങ്ങളും ഒക്കെയുണ്ടെങ്കിലും ഒരു സാധാ റോബോട്ടിന് ചെയ്യാൻ കഴിയുന്നതിലും കൂടുതൽ കാര്യങ്ങൾ ഹ്യൂമനോയിഡ് വിഭാഗത്തിൽപെടുന്ന ‘ഗാർമി’യ്ക്ക് ചെയ്യാൻ സാധിക്കും. കാരണം പ്രായമായവരുടെ ശുശ്രൂഷയ്ക്കും അവരുടെ ആരോഗ്യകാര്യങ്ങൾ ശ്രദ്ധിക്കുന്നതിനുമായി റോബോട്ടിക്സ്, ഐടി, 3 ഡി സാങ്കേതികവിദ്യ തുടങ്ങിയ നൂതന സാങ്കേതികവിദ്യകൾ പ്രയോജനപ്പെടുത്തുന്ന ജെറിയാട്രോണിക്സ് എന്ന പുതിയ മേഖലയുടെ ഉൽപ്പന്നമാണ് ഗാർമി. ജോലിയിൽ നിന്ന് വിരമിച്ച ജർമ്മൻ ഡോക്ടറായ ഗ്വെന്റർ സ്റ്റൈൻബാച്ച് അടക്കം ഉൾപ്പെടുന്ന ഒരു വലിയ സംഘമാണ് ഈ ആശയത്തിന് പിന്നിൽ. തന്റെ സ്വപ്നമായാണ് സ്റ്റൈൻബാച്ച് ഗാർമിയെ വിശേഷിപ്പിക്കുന്നത്. രോഗികളിൽ രോഗനിർണയം നടത്താൻ മാത്രമല്ല, അവർക്ക് പരിചരണവും ചികിത്സയും നൽകാനും ഗാർമിയെ പ്രാപ്തമാക്കുക എന്നതാണ് തങ്ങളുടെ ലക്ഷ്യമെന്നാണ് ഇദ്ദേഹം പറയുന്നത്. ജർമ്മനിയിൽ പ്രായമായവരെ പരിചരിക്കാൻ ആരോഗ്യപ്രവർത്തകരെ ലഭിക്കാതെ വന്നതോടെയാണ് ഇത്തരത്തിലൊരു ആശയം നടപ്പിലാക്കാൻ രാജ്യം ഒരുങ്ങുന്നത്. മ്യൂണിച്ച് ഇൻസ്റ്റിറ്റ്യൂട്ട് ഓഫ് റോബോട്ടിക്സ് ആൻഡ് മെഷീൻ ഇന്റലിജൻസ്…
Read More » -
NEWS
ബിഗ് ടിക്കറ്റ് സീരിസ് 250 ബൊണാൻസ: 2.5 ലക്ഷം ദിർഹം; 2 സൗജന്യ ടിക്കറ്റ്
ബിഗ് ടിക്കറ്റിലൂടെ കൂടുതൽ വിജയിക്കാൻ അവസരം. 2023 മാർച്ച് 25 മുതൽ 31 വരെയുള്ള കാലയളവിൽ സീരിസ് 250 ബൊണാൻസ ഉപയോഗിച്ച് ബിഗ് ടിക്കറ്റ് വിജയസാധ്യത ഇരട്ടിയാക്കാം. ഈ മത്സരകാലയളവിൽ രണ്ടു ടിക്കറ്റുകൾ വാങ്ങുന്നവർക്ക് രണ്ട് ടിക്കറ്റ് കൂടെ സൗജന്യമായി നേടാം. ഏപ്രിൽ ഒന്നിന് നടക്കുന്ന നറുക്കെടുപ്പിൽ ഒരു വിജയിക്ക് AED 250,000 സ്വന്തമാക്കാം. ഇതിന് പുറമെ മാർച്ച് അവസാന ആഴ്ച്ചയിലെ ഇ-ഡ്രോയിലും പങ്കെടുക്കാം. അതുവഴി AED 100,000 നേടാനും അവസരം. ബിഗ് ടിക്കറ്റ് തത്സമയ നറുക്കെടുപ്പ് ഏപ്രിൽ മൂന്നിന് രാത്രി 8.30-ന് ആരംഭിക്കും. 20 മില്യൺ ദിർഹമാണ് ഗ്രാൻഡ് പ്രൈസ്. ഇതോടൊപ്പം ഒൻപത് വിജയികൾക്ക് തത്സമയ നറുക്കെടുപ്പിൽ ഗ്യാരണ്ടീഡ് ക്യാഷ് പ്രൈസുകളും നേടാം. മറ്റു സമ്മാനങ്ങൾ: രണ്ടാം സമ്മാനം 100,000 ദിർഹം, മൂന്നാം സമ്മാനം 90,000 ദിർഹം, നാലാം സമ്മാനം 80,000 ദിർഹം, അഞ്ചാം സമ്മാനം 70,000 ദിർഹം, ആറാം സമ്മാനം 60,000 ദിർഹം, ഏഴാം സമ്മാനം 50,000 ദിർഹം,…
Read More » -
Kerala
അരിക്കൊമ്പനെ പിടിക്കാൻ 29ന് മോക്ക് ഡ്രിൽ
ഇടുക്കി: ഇടുക്കിയിൽ ചിന്നക്കനാൽ, ശാന്തൻപാറ പഞ്ചായത്തുകളിൽ നാശം വിതയ്ക്കുന്ന അരിക്കൊമ്പൻ എന്ന കാട്ടാനയെ പിടികൂടുന്നതിനുള്ള ദൗത്യത്തിന്റെ ആദ്യ പടിയായി മാർച്ച് 29 ന് മോക്ക് ഡ്രിൽ നടത്തും. കോടതിയിൽ നിന്ന് അനുകൂല വിധി ഉണ്ടായാൽ 30 മുതൽ മയക്കു വെടി വക്കാനുള്ള നടപടി കളിലേക്ക് കടക്കും. അരിക്കൊമ്പൻ ചെയ്ത അക്രമണങ്ങൾ കോടതിയെ അറിയിക്കുമന്നും കോടതിയിൽ നിന്ന് അനുകൂല വിധി ഉണ്ടാകും എന്ന് പ്രതീക്ഷിക്കുന്നുവെന്നും ഹൈറേഞ്ച് സർക്കിൾ സിസിഎഫ്ആർഎസ് അരുൺ പറഞ്ഞു. രണ്ട് കുങ്കിയാനകൾ കൂടി ഇന്ന് ചിന്നക്കനാലിലെത്തും. കോന്നി സുരേന്ദ്രൻ, കുഞ്ചു എന്നീ കുങ്കിയാനകളാണെത്തുന്നത്. അരിക്കൊമ്പനെ പിടികൂടുന്നത് താത്കാലികമായി ഹൈക്കോടതി തടഞ്ഞിരിക്കുകയാണ്. ആനയെ മയക്കുവെടി വെക്കുന്നതൊഴികെയുള്ള നടപടികൾ വനം വകുപ്പ് തുടരും.
Read More » -
Kerala
രാത്രിയിൽ കാർഷിക സർവകലാശാലയിൽ അതിക്രമിച്ച് കയറി വിദ്യാർത്ഥിനികളെ ഉൾപ്പെടെ ഭീഷണിപ്പെടുത്തിയ സംഭവം: കുറ്റക്കാർക്കെതിരെ ഉടൻ നടപടി വേണം; ഡിജിപിക്ക് മന്ത്രിയുടെ നിർദ്ദേശം
തൃശൂർ: മണ്ണുത്തി കാർഷിക സർവകലാശാല ക്യാമ്പസിൽ ഈ കഴിഞ്ഞ ദിവസം രാത്രിയിൽ അതിക്രമിച്ച് കയറി വിദ്യാർത്ഥിനികളെ ഉൾപ്പെടെ ഭീഷണിപ്പെടുത്തിയവർക്കെതിരെ ഉടൻ നടപടി സ്വീകരിക്കണമെന്ന് കൃഷി മന്ത്രി പി പ്രസാദ് കേരള പോലീസ് ഡയറക്ടർ ജനറലിന് നിർദേശം നൽകി. ഇക്കഴിഞ്ഞ 24 ന് രാത്രിയിലാണ് അക്രമികൾ ക്യാമ്പസിൽ അതിക്രമിച്ച് കയറിയത്. വിദ്യാർത്ഥിനികൾ ഉൾപ്പെടെയുള്ളവരെ അസഭ്യം പറയുകയും ജീവന് ഹാനി ഉണ്ടാക്കുന്ന രീതിയിൽ ആക്രമിക്കുകയും ചെയ്തത് ക്യാമ്പസിലാകെ പരിഭ്രാന്തി പരത്തിയിട്ടുണ്ട്. അക്രമികൾക്ക് മാതൃകാപരമായ ശിക്ഷ നടപ്പാക്കണമെന്ന് മന്ത്രി നിർദ്ദേശിച്ചു. ഇന്നലെ രാത്രിയാണ് മണ്ണുത്തി കാർഷിക സർവ്വകലാശാല ക്യാംപസ്സിൽ സംഭവം നടന്നത്. കോളേജ് ക്യാമ്പസിൽ കയറി കത്തി വീശി ഭീഷണി മുഴക്കി യുവാക്കൾ ഭീകരാന്തരീക്ഷം സൃഷ്ടിച്ചത്. വിദ്യാർഥിനികൾ ഉൾപ്പടെയുള്ളവർക്കു നേരെയായിരുന്നു പരാക്രമം. തോട്ടപ്പടി സ്വദേശി നൗഫലും സുഹൃത്ത് അജിതുമാണ് പരാക്രമം നടത്തിയത്. മണ്ണുത്തി പൊലീസെത്തി പ്രതികളെ അറസ്റ്റ് ചെയ്ത ശേഷം സ്റ്റേഷൻ ജാമ്യത്തിൽ വിട്ടയച്ചു. പ്രതികൾ മദ്യലഹരിയിലായിരുന്നെന്ന് പൊലീസ് പറയുന്നു.
Read More »