Month: February 2023
-
Kerala
കരിങ്കൊടി കാട്ടും, പക്ഷേ നിയമ നടപടി പാടില്ല; ഹർജി തള്ളി ഹൈക്കോടതി
കൊച്ചി: കരിങ്കൊടി പ്രതിഷേധം നടത്തുന്നവർക്കെതിരായ നടപടികള് നിയമവിരുദ്ധമായി പ്രഖ്യാപിക്കണമെന്നും അറസ്റ്റ് തടയണമെന്നും ആവശ്യപ്പെട്ടുകൊണ്ടുള്ള ഹര്ജി ഹൈക്കോടതി തള്ളി. ചീഫ് ജസ്റ്റിസ് അധ്യക്ഷനായ ഡിവിഷന് ബെഞ്ചിന്റേതാണ് ഉത്തരവ്. പെരുമ്പാവൂര് സ്വദേശി നല്കിയ ഹര്ജിയാണ് കോടതി തള്ളിയത്. കഴിഞ്ഞ ഓഗസ്റ്റ് മാസത്തിലായിരുന്നു ഇദ്ദേഹം ഹൈക്കോടതിയില് ഹര്ജി നല്കിയിരുന്നത്. സ്വര്ണക്കടത്തുകേസിലെ സ്വപ്ന സുരേഷിന്റെ വെളിപ്പെടുത്തലിന് പിന്നാലെ അന്ന് മുഖ്യമന്ത്രിക്കെതിരെ സംസ്ഥാനത്ത് വ്യാപകമായ കരിങ്കൊടി പ്രതിഷേധങ്ങള് നടന്നിരുന്നു. പ്രതിഷേധിച്ചവരെ പൊലീസ് അറസ്റ്റ് ചെയ്യുകയും ചെയ്തിരുന്നു. കൊച്ചിയില് കൊച്ചി മെട്രോയുടെ പരിപാടിയില് പങ്കെടുത്തപ്പോള്, കറുത്ത വേഷം ധരിച്ചു എന്നതിന്റെ പേരില് ട്രാന്സ്ജെന്ഡേഴ്സിനെ മെട്രോ ഓഫീസിന് സമീപത്തു നിന്നും പൊലീസ് കസ്റ്റഡിയിലെടുത്തിരുന്നു. ഇതിനെതിരെയാണ് ഹൈക്കോടതിയില് ഹര്ജി സമര്പ്പിച്ചത്. കരിങ്കൊടി പ്രതിഷേധം നടത്തുന്നവരെ അറസ്റ്റ് ചെയ്യുന്നത് നിയമവിരുദ്ധവും ഭരണഘടനാ വിരുദ്ധവുമായി പ്രഖ്യാപിക്കണം. ഇത്തരത്തില് അറസ്റ്റ് ചെയ്യപ്പെടുന്നവര്ക്ക് നഷ്ടപരിഹാരം ലഭ്യമാക്കണം. കഴിഞ്ഞ മൂന്നു വര്ഷത്തിനിടെ കരിങ്കൊടി പ്രതിഷേധങ്ങളുടെ പേരില് എത്ര പേരെ അറസ്റ്റ് ചെയ്തു എന്നതിന്റെ വിവരങ്ങള് അറിയിക്കണം തുടങ്ങിയ ആവശ്യങ്ങളാണ് ഹര്ജിയില്…
Read More » -
Kerala
കൊച്ചിയിൽ കുരുക്കായി കേബിളുകൾ; കഴുത്തിൽ കേബിൾ കുരുങ്ങി ബൈക്ക് യാത്രികനായ അഭിഭാഷകനു പരുക്ക്
കൊച്ചി: കൊച്ചി എംജി റോഡില് കേബിള് കുരുങ്ങി വീണ്ടും അപകടം. കഴുത്തിൽ കേബിൾ കുരുങ്ങി ബൈക്ക് യാത്രികനായ അഭിഭാഷകനു പരുക്കേറ്റു. രാവിലെ ആറുമണിയോടെയായിരുന്നു അപകടം. കഴുത്തിലും കാലിലും പരിക്കേറ്റ അഭിഭാഷകൻ കുര്യന് ആശുപത്രിയില് ചികിത്സയിലാണ്. റെയില്വേ സ്റ്റേഷനില് പോയി തിരിച്ചുവരുന്നതിനിടെയാണ് അപകടം ഉണ്ടായതെന്ന് കുര്യന് പറഞ്ഞു. എംജി റോഡിലെ എച്ച്ഡിഎഫ്സി ബാങ്കിന് കുറുകെയുള്ള കേബിള് കഴുത്തില് കുരുങ്ങുകയായിരുന്നു. തന്റെ മുന്നില് പോയ ആള് ആദ്യം കേബിള് കുരുങ്ങി വീണു. പിന്നാലെ തന്റെ കഴുത്തിലും കേബിള് കുരുങ്ങിയതോടെ വണ്ടിയില് നിന്ന് തെറിച്ചുവീഴുകയായിരുന്നെന്ന് കുര്യന് പറഞ്ഞു. പുലര്ച്ചെയായതിനാല് കേബിള് ശ്രദ്ധയില്പ്പെട്ടിരുന്നില്ല. കഴുത്തില് മുറിവ് ഉണ്ടായതായും കാലിന്റെ എല്ലിന് പൊട്ടല് ഉണ്ടായതായും കുര്യന് പറഞ്ഞു. കൊച്ചിയില് കേബിള് കുരുങ്ങി നിരവധി അപകടങ്ങള് ഉണ്ടായിട്ടും അധികൃതരുടെ ഭാഗത്തുനിന്നും പ്രായോഗിക നടപടികള് ഉണ്ടാകുന്നില്ലെന്നാണ് നാട്ടുകാരുടെ ആക്ഷേപം. കേബിൾ ചാനലുകളുടെയും ബ്രോഡ്ബാൻഡ് കമ്പനികളുടെയും കേബിളുകളാണ് അപകടമൊരുക്കുന്നത്.
Read More » -
LIFE
റെക്കോഡുകൾ തകർത്ത് പത്താൻ ആയിരം കോടി ക്ലബിൽ; ഊർജമായത് ബഹിഷ്കരണാഹ്വാനം
ഇന്ത്യൻ സിനിമാ ചരിത്രത്തിലെ റെക്കോഡുകൾ തകർത്ത് മുന്നേറുന്ന ഷാരൂഖ് ഖാൻ ചിത്രം പത്താൻ ആയിരം കോടി ക്ലബ്ബിൽ ഇടം പിടിച്ചു. റിലീസ് ചെയ്ത് 27 ദിവസങ്ങൾ പിന്നിടുമ്പോൾ ഇന്ത്യയിൽനിന്നും മാത്രം ചിത്രം നേടിയത് 620 കോടിയാണ്. ഇന്ത്യയ്ക്ക് പുറത്ത് നിന്നും 380 കോടിയാണ് ഇതുവരെയുള്ള കളക്ഷൻ. ബഹിഷ്കരണ ആഹ്വാനങ്ങളെയെല്ലാം കാറ്റിൽ പറത്തിക്കൊണ്ടാണ് കിങ് ഖാൻ ചിത്രം ബോക്സ് ഓഫീസിൽ ചരിത്രമെഴുതുന്നത്. ഏറ്റവുമധികം വരുമാനം നേടിയ ഇന്ത്യൻ ചിത്രങ്ങളിൽ നിലവിൽ അഞ്ചാം സ്ഥാനത്താണ് ഇപ്പോൾ പത്താൻ. പ്രശാന്ത് നീൽ സംവിധാനം ചെയ്ത കെജിഎഫ്-ചാപ്റ്റർ 2, രാജമൗലി സംവിധാനം ചെയ്ത ആർആർആർ, ബാഹുബലി 2-ദ് കൺക്ലൂഷൻ, ആമീർ ഖാൻ ചിത്രം ദംഗൽ എന്നിവയാണ് മറ്റ് ചിത്രങ്ങൾ. 250 കോടി രൂപ മുതൽമുടക്കിൽ നിർമിച്ച പത്താൻ റിലീസ് ചെയ്ത് ആദ്യ ദിനം നേടിയത് 106 കോടിയോളം രൂപയാണ്. ഇതിൽ ഇന്ത്യയിൽ നിന്നും മാത്രം 57 കോടി കളക്ഷൻ കിട്ടി. ഒരു ബോളിവുഡ് ചിത്രം ഇന്ത്യയിൽ നിന്നും…
Read More » -
LIFE
ദാദ സാഹേബ് ഫാൽക്കെ അവാർഡ് നേടുന്ന ആദ്യ മലയാളി താരമായി ദുൽഖർ സൽമാൻ
പ്രേക്ഷക പ്രീതിയും നിരൂപകരുടെ പ്രശംസയും ഏറ്റു വാങ്ങിയ ചിത്രമാണ് ദുൽഖർ സൽമാൻ നായകനായ ചുപ്പ്. നെഗറ്റിവ് റോളിൽ ഉള്ള നായക പരിവേഷം ഗംഭീരമായി കൈകാര്യം ചെയ്ത ദുൽഖർ പ്രേക്ഷക പ്രശംസ ഏറ്റു വാങ്ങിയിരുന്നു. ഇപ്പോഴിതാ ചുപ്പിലെ ഗംഭീര അഭിനയത്തിന് ദാദ സാഹിബ് ഫാൽക്കേ ഇന്റർനാഷണൽ ഫിലിം ഫെസ്റ്റിവൽ അവാർഡ് ചുപ്പിലെ നെഗറ്റീവ് റോളിൽ പ്രേക്ഷകരുടെ ഹൃദയം കീഴടക്കിയ നായകൻ കരസ്ഥമാക്കി. പാൻ ഇന്ത്യൻ സൂപ്പർ താരമായി വളർന്ന ദുൽഖർ സൽമാന്റെ ഈ അവാർഡ് മലയാളികൾക്ക് അഭിമാന മുഹൂർത്തം കൂടിയാണ്. മലയാളത്തിലെ അഭിനേതാക്കളുടെ ഇടയിൽ ആദ്യമായി ഈ അവാർഡ് ലഭിക്കുന്നത് ദുൽഖർ സൽമാനാണ്. ഓണം റിലീസായി ദുൽഖറിന്റെ മാസ്സ് ചിത്രം കിംഗ് ഓഫ് കൊത്ത റിലീസിനൊരുങ്ങുകയാണ്. ആര് ബല്കി രചനയും സംവിധാനവും നിര്വ്വഹിച്ചിരിക്കുന്ന ചുപ്പ് സൈക്കോളജിക്കല് ത്രില്ലര് വിഭാഗത്തില് പെടുന്ന ഒന്നാണ്. സണ്ണി ഡിയോള് ആണ് ചിത്രത്തിലെ മറ്റൊരു പ്രധാന വേഷത്തിൽ ചിത്രത്തിൽ അഭിനയിച്ചത്. ദുൽഖറിന്റെ മൂന്നാമത്തെ ബോളിവുഡ് ചിത്രമായിരുന്നു ഇത്. പൂകൃഷി…
Read More » -
Kerala
ഒറ്റപ്പാലം ക്ഷേത്രസമിതിയിലെ തെരഞ്ഞെടുപ്പ് അസാധുവാക്കി; സി.പി.എം, ‘ഡിഫി’ക്കാരെ തിരുകിക്കയറ്റാനുള്ള നീക്കത്തിന് തിരിച്ചടി
കൊച്ചി: ക്ഷേത്ര ഭരണ സമിതികളില് രാഷ്ട്രീയ പാര്ട്ടി പ്രതിനിധികളെ ഉള്പ്പെടുത്തുന്നത് വിലക്കി ഹൈക്കോടതി. മലബാര് ദേവസ്വത്തിന് കീഴിലെ കാളിക്കാവ് ക്ഷേത്ര ഭരണ സമിതിയില് സിപിഎം പ്രാദേശിക നേതാക്കളെ ഉള്പ്പെടുത്തിയതിന് എതിരായ ഹര്ജിയിലാണ് ഉത്തരവ്. മലബാര് ദേവസ്വം ബോഡിന് കീഴിലുള്ള എല്ലാ ക്ഷേത്രങ്ങളിലും ഇനി മുതല് ക്ഷേത്ര ഭരണ സമിതികളില് സജീവ രാഷ്ട്രീയ പ്രവര്ത്തകരെ നിയമിക്കരുതെന്നും ഉത്തരവിലുണ്ട്. മലബാര് ദേവസ്വത്തിന് കീഴിലുളള കാളിക്കാവ് ക്ഷേത്ര ഭരണസമിതി തെരഞ്ഞെടുപ്പുമായി മാത്രം ബന്ധപ്പെട്ടാണ് ഹൈക്കോടതി ഡിവിഷന് ബെഞ്ചിന്റെ ഉത്തരവെങ്കിലും ഭാവിയില് ഈ ഉത്തരവിന് ഏറെ പ്രാധാന്യമുണ്ടെന്നാണ് നിയമവിദഗ്ധര് കരുതുന്നത്. കാളികാവ് ക്ഷേത്ര ഭരണ സമിതി അംഗങ്ങളായി സിപിഎം, ഡിവൈ എഫ് ഐ പ്രാദേശിക നേതാക്കളായ അശോക് കുമാര്, രതീഷ്, പങ്കജാക്ഷന് എന്നിവരാണ് തെരഞ്ഞെടുക്കപ്പെട്ടത്. ഈ തെരഞ്ഞെടുപ്പ് അസാധുവാണെന്ന് കോടതി കണ്ടെത്തി. ക്ഷേത്രങ്ങളിലെ പാരമ്പര്യേതര ട്രസ്റ്റിമാരായി സജീവ രാഷ്ടീയ പാര്ടി ഭാരവാഹികളെ നിയമിക്കരുതെന്ന് വ്യക്തമാക്കിയാണ് ഡിവിഷന് ബെഞ്ചിന്റെ നടപടി. ഡിവൈഎഫ് ഐ രാഷ്ടീയ സംഘടനയല്ലെന്ന എതിര്കക്ഷികളുടെ വാദവും…
Read More » -
Kerala
ഇസ്രയേലില് ദിവസക്കൂലി 15,000 രൂപ! മറ്റുള്ളവര് കൃഷിയില് ശ്രദ്ധിച്ചപ്പോള് ബിജുവിന്റെ കണ്ണ് പതിഞ്ഞത് പണിക്കൂലിയില്
തിരുവനന്തപുരം: ഇസ്രയേലില് മുങ്ങിയ കര്ഷകന് കണ്ണൂര് ഇരിട്ടി സ്വദേശി ബിജു കുര്യനെ ഇതുവരെയും കണ്ടെത്താനായില്ല. ഇയാള് കരുതിക്കൂട്ടി മുങ്ങിയതാണോ എന്ന സംശയം ബലപ്പെട്ടു. കൃഷിവകുപ്പ് പ്രിന്സിപ്പല് സെക്രട്ടറി ഡോ.ബി.അശോകിന്റെ നേതൃത്വത്തില് ഇസ്രയേലില് ആധുനിക കൃഷി രീതി പഠിക്കാന് പോയ മറ്റുള്ള കര്ഷകര് ഇന്നലെ മടങ്ങിയെത്തിയിരുന്നു. മടങ്ങിയെത്തിയ കര്ഷകരുടെ വാക്കുകളില് നിന്നും വ്യക്തമാവുന്നത് ബിജു കൃത്യമായ ആസൂത്രണത്തോടെയാണ് മുങ്ങിയതെന്നാണ്. യാത്ര തുടങ്ങും മുന്പ് 50,000 രൂപ ബിജു ഇസ്രയേല് കറന്സിയാക്കി മാറ്റി കൈയില് സൂക്ഷിച്ചിരുന്നതായി ഒപ്പമുണ്ടായിരുന്നവര് പറഞ്ഞു. ഇസ്രയേലില് തുടരാന് നേരത്തെ പ്ലാന് ചെയ്തിരുന്നതിന്റെ ഭാഗമാണോ ഇതെന്ന് സംശയമുണ്ട്. ഇയാളുടെ ചില സുഹൃത്തുക്കളും ബന്ധുക്കളും ഇസ്രയേലില് ഉണ്ടെന്നാണ് വിവരം. ഇവരുമായി ബിജു ആശയവിനിമയം നടത്തി. കണ്ണ് പതിഞ്ഞത് പണിക്കൂലിയില് കേരളത്തില് നിന്നും എത്തിയ കര്ഷകര് ഇസ്രയേല് കൃഷി രീതികളെ കുറിച്ച് പഠിക്കുമ്പോള് ബിജു ശ്രദ്ധിച്ചത് അവിടത്തെ പണിക്കൂലിയെ കുറിച്ചായിരുന്നു. ഈ വിവരങ്ങള് മറ്റു കര്ഷകരുമായി ബിജു പങ്കുവയ്ക്കുകയും ചെയ്തു. ഇവിടെ ശുചീകരണ ജോലി…
Read More » -
Crime
അവിഹിത ബന്ധം തുടരാൻ കൊടുംക്രൂരത; കാമുകന്റെ സഹായത്തോടെ ഭർത്താവിനെയും ഭർതൃമാതാവിനെയും കൊന്ന് ഫ്രിഡ്ജിൽ സൂക്ഷിച്ച യുവതി അറസ്റ്റിൽ
ഗുവാഹത്തി: കാമുകന്റെ സഹായത്തോടെ ഭർത്താവിനെയും ഭർതൃമാതാവിനെയും കൊന്ന് ഫ്രിഡ്ജിൽ സൂക്ഷിച്ച യുവതി അറസ്റ്റിൽ. അവിഹിത ബന്ധം തുടരാൻ കാമുകന്റെ സഹായത്തോടെ കാണ് ക്രൂരമായ കൊലപാതകം നടത്തിയത്. അസമിൽ ഗുവാഹത്തിക്ക് സമീപമാണ് സംഭവം. ബന്ദന കലിറ്റ (32) എന്ന യുവതിയാണ് കാമുകന്റെ സഹായത്തോടെ നിഷ്ഠൂരമായ കൊലപാതകം നടത്തിയത്. ബന്ദനയുടെ ഭർത്താവ് അമർജ്യോതി ഡേ, ഇയാളുടെ മാതാവ് ശങ്കരി ഡേ എന്നിവരാണ് കൊല്ലപ്പെട്ടത്. കൊല നടത്തിയ ശേഷം മുറിച്ച് ഫ്രിഡ്ജിൽ സൂക്ഷിച്ച മൃതദേഹങ്ങൾ പിന്നീട് മേഘാലയയിൽ ഉപേക്ഷിക്കുകയായിരുന്നു ബന്ദനയുടെ വിവാഹേതര ബന്ധമാണ്, ക്രൂരമായ കൊലപാതകത്തിലേക്കു നയിച്ചതെന്നു പൊലീസ് കണ്ടെത്തി. ഏഴു മാസം മുൻപു നടന്ന കൊലപാതകം കഴിഞ്ഞ ദിവസമാണ് പുറത്തറിഞ്ഞത്. ബന്ദനയുടെ ഭർത്താവ് അമർജ്യോതി ഡേ, മാതാവ് ശങ്കരി ഡേ എന്നിവരെ കാണാതായ സംഭവത്തിൽ പോലീസ് അന്വേഷണം തുടങ്ങിയിരുന്നു. ഈ കേസിന്റെ അന്വേഷണത്തിനിടെ ബന്ദന തന്നെയാണ് അന്വേഷണ സംഘത്തിനു മുന്നിൽ കുറ്റസമ്മതം നടത്തിയത്. കൊലപാതകത്തിനും തെളിവു നശിപ്പിക്കാനും ബന്ദനയെ സഹായിച്ച അരൂപ് ദേക്ക (27),…
Read More » -
Kerala
സാക്ഷി വിസ്താരത്തിനായി മഞ്ജു വാര്യര് കോടതിയില്; നടിയെ ആക്രമിച്ച കേസില് നിര്ണായകം
കൊച്ചി: നടിയെ ആക്രമിച്ച കേസില് സാക്ഷി വിസ്താരത്തിനായി നടി മഞ്ജു വാര്യര് വിചാരണ കോടതിയില് ഹാജരായി. പ്രോസിക്യൂഷന്റെ രണ്ടാംഘട്ട വിസ്താരത്തിനായാണ് മഞ്ജു കോടതിയില് എത്തിയത്. കേസിലെ പ്രതി ദിലീപിന്റെയും ബന്ധുക്കളുടേയും ഓഡിയോ ക്ലിപ്പിലെ ശബ്ദം തിരിച്ചറിയുന്നതിന് വേണ്ടിയാണ് മഞ്ജുവാര്യരെ വീണ്ടും വിസ്തരിക്കുന്നത്. കേസിന്റെ തുടരന്വേഷണത്തിന്റെ ഭാഗമായി ശേഖരിച്ച ഡിജിറ്റല് തെളിവുകളുടെ ആധികാരികത ഉറപ്പു വരുത്തുകയാണ് പ്രോസിക്യൂഷന്റെ ലക്ഷ്യം. കേസുമായി ബന്ധപ്പെട്ട് സംവിധായകന് ബാലചന്ദ്രകുമാറും ദിലീപിന്റെ ശബ്ദസംഭാഷണത്തിന്റെ ക്ലിപ്പ് അന്വേഷണ സംഘത്തിന് കൈമാറിയിരുന്നു. ശബ്ദരേഖകള് ദിലീപിന്റെയും ബന്ധുക്കളുടേതുമാണെന്ന് നേരത്തെ ഫോറന്സിക് ലാബില് നടത്തിയ പരിശോധനയില് വ്യക്തമായിരുന്നു. ഇതുമായി ബന്ധപ്പെട്ട് കൂടുതല് കാര്യങ്ങള് കോടതിയെ ബോധ്യപ്പെടുത്തുക ലക്ഷ്യമിട്ടാണ് മഞ്ജു വാര്യരെ വീണ്ടും വിസ്തരിക്കുന്നത്. വിസ്താരത്തിന് ഹാജരാകണമെന്ന് കാണിച്ച് കഴിഞ്ഞ വ്യാഴാഴ്ച മഞ്ജു വാര്യര്ക്ക് നോട്ടീസ് നല്കിയിരുന്നെങ്കിലും ദിലീപ് സുപ്രീംകോടതിയെ സമീപിച്ചതോടെ വിസ്താരം നീട്ടുകയായിരുന്നു. കേസില് മഞ്ജുവിനെ വീണ്ടും വിസ്തരിക്കുന്നത് തടയണമെന്നായിരുന്നു ദീലീപിന്റെ ആവശ്യം. അതേസമയം, കേസില് ആരെയൊക്കെ വിസ്തരിക്കണം എന്ന് തീരുമാനിക്കേണ്ടത് പ്രതിയാകരുതെന്ന് ആക്രമിക്കപ്പെട്ട…
Read More » -
Crime
പോലീസെത്തിയത് മകനെേത്തടി; കുളിമുറിയിലായിരുന്ന വീട്ടമ്മയെ അപമാനിക്കാന് ശ്രമിച്ചതായി പരാതി
തൃശൂര്: മകനെ തേടി വീട്ടിലെത്തിയ പോലീസ് വീട്ടമ്മയെ അപമാനിക്കാന് ശ്രമിച്ചെന്ന് പരാതി. മണ്ണുത്തി സ്റ്റേഷനിലെ സിവില് പോലീസ് ഓഫീസര്ക്കെതിരെ ഇതു സംബന്ധിച്ച് യുവതി സിറ്റി പോലീസ് കമ്മിഷണര്ക്ക് പരാതി നല്കി. ഞായറാഴ്ച ഉച്ചയ്ക്കായിരുന്നു സംഭവം. അഞ്ചംഗ പോലീസ് സംഘം മകനെ തേടി വീട്ടിലെത്തിയപ്പോള് യുവതി കുളിമുറിയിലായിരുന്നു. പോലീസ് സംഘത്തിലെ ഒരാള് പ്രധാന വാതില് ചവിട്ടി തുറന്ന് സ്ത്രീയെ അപമാനിക്കാന് ശ്രമിച്ചെന്നാണ് പരാതി. സ്ത്രീ ബഹളം വച്ചപ്പോള് പോലീസുകാരന് പുറത്ത് കടന്നെന്നും പറയുന്നു. സംഭവ സമയത്ത് യുവതിയുടെ ഭര്ത്താവും മകനും വീട്ടിലുണ്ടായിരുന്നില്ല. പോലീസുകാരന്റെ പേരില് കേസെടുക്കണമെന്ന് യുവതി പരാതിയില് ആവശ്യപ്പെട്ടിട്ടുണ്ട്. മുഖ്യമന്ത്രിക്കും മനുഷ്യാവകാശ കമ്മിഷനും പരാതി നല്കുമെന്ന് യുവതി പറഞ്ഞു.
Read More » -
India
സ്ത്രീധനമായി നൽകിയത് പഴയ ഫർണീച്ചറെന്ന്; വരൻ എത്താത്തതിനെ തുടർന്ന് വിവാഹം മുടങ്ങി, കേസെടുത്ത് പോലീസ്
ഹൈദരാബാദ്: സ്ത്രീധനമായി പഴയ ഫര്ണീച്ചര് നൽകിയതിനെ ത്തുടർന്ന് വരൻ പിണങ്ങി. ഇതിനു പിന്നാലെ വിവാഹ ചടങ്ങിൽ നിന്ന് വരൻ വിട്ടു നിന്നതോടെ വിവാഹം മുടങ്ങി. ബസ് ഡ്രൈവറായി ജോലി ചെയ്യുന്ന വരന് കഴിഞ്ഞ ഞായറാഴ്ച നടക്കേണ്ടിയിരുന്ന വിവാഹത്തിന് എത്തിയില്ലെന്നും വധുവിന്റെ പരാതിയില് കേസ് എടുത്തതായും പൊലിസ് പറഞ്ഞു. തെലങ്കാനയിലാണ് സംഭവം. വിവാഹച്ചടങ്ങിന് അവര് എത്താത്തതിനെ തുടര്ന്ന് താന് വരന്റെ വീട്ടിലേക്ക് പോയെന്നും എന്നാൽ അവിടെയെത്തിയപ്പോള് വരന്റെ മാതാപിതാക്കള് തന്നോട് മോശമായി പെരുമാറിയെന്ന് വധുവിന്റെ പിതാവ് പറഞ്ഞു. തങ്ങള് ആവശ്യപ്പെട്ടത് നല്കിയിട്ടില്ലെന്നും നല്കിയത് പഴയ ഫര്ണീച്ചറുകളാണെന്നും പറഞ്ഞ് ചടങ്ങിനെത്താന് അവര് തയ്യാറായില്ലെന്നും അദ്ദേഹം പറഞ്ഞു. കല്യാണത്തിനായി വിരുന്ന് ഉൾപെടെ എല്ലാം ഒരുക്കിയിരുന്നു. നിരവധി പേരെയും ക്ഷണിച്ചു. എന്നാല് വരന് ചടങ്ങിനെത്തിയില്ലെന്ന് വധുവിന്റെ പിതാവ് പറഞ്ഞു. സ്ത്രീധനമായി മറ്റ് സാധനങ്ങള്ക്കൊപ്പം ഫര്ണീച്ചറുകളും വരന്റെ വീട്ടുകാര് പ്രതീക്ഷിച്ചിരുന്നു. എന്നാല് വധുവിന്റെ വീട്ടുകാര് ഉപയോഗിച്ച ഫര്ണീച്ചര് നല്കിയതിനാല് വരന്റെ വീട്ടുകാര് അത് നിരസിക്കുകയും വിവാഹത്തില് നിന്ന് പിന്മാറുകയുമായിരുന്നെന്നും…
Read More »