തൃശൂര്‍: നിയന്ത്രണം വിട്ട കോളജ് ബസ് ഹോട്ടലിലേക്ക് ഇടിച്ചു കയറി അപകടം. ആറ് പേര്‍ക്ക് പരുക്കേറ്റു. വടക്കാഞ്ചേരി കുണ്ടന്നൂര്‍ ചുങ്കത്ത് രാവിലെ 9.30 യോടെയായിരുന്നു അപകടം. ദേശമംഗലം മലബാര്‍ എഞ്ചിനീയറിംഗ് കോളജിന്‍െ്‌റ ബസാണ് അപകടത്തില്‍പ്പെട്ടത്.
അപകടത്തില്‍ പരുക്കേറ്റ വിദ്യാര്‍ഥികളെയും ഹോട്ടല്‍ ജീവനക്കാരിയെയും തൃശൂര്‍ മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു. ആരുടെയും പരുക്ക് ഗുരുതരമല്ലെന്നാണ് വിവരം. വടക്കാഞ്ചേരിയില്‍ നിന്നും എരുമപെട്ടിയില്‍ നിന്നും എത്തിയ ആംബുലന്‍സ് പ്രവര്‍ത്തകരും നാട്ടുകാരും ചേര്‍ന്നാണ് ഇവരെ ആശുപത്രിയില്‍ പ്രവേശിപ്പിച്ചത്.
വടക്കാഞ്ചേരി പോലീസും സ്ഥലത്തെത്തിയിരുന്നു. വാഹനം ഓടിക്കുന്നതിനിടയില്‍ ഡ്രൈവര്‍ക്ക് തല ചുറ്റല്‍ വന്നതാണ് അപകടകാരണം എന്നാണ് പ്രാഥമിക നിഗമനം.
