‘മെസി ഇന്ത്യക്കാരനായിരുന്നെങ്കില്‍ ലോകകപ്പിന് ശേഷം’… മീം പങ്കുവച്ച് സേവാഗ്; ഏറ്റെടുത്ത് ആരാധകര്‍
ന്യൂഡല്‍ഹി: ലോകകപ്പ് ഫുട്ബാള്‍ ഫൈനലില്‍ അര്‍ജന്റീന വിജയികളായ ശേഷം ലോകത്തിലെ വിവിധ ഭാഗങ്ങളിലെ ആരാധകര്‍ ആ വിജയം ആഘോഷിച്ചു. മിശിഹ, മാന്ത്രികന്‍ എന്നെല്ലാം മെസിയെ പ്രകീര്‍ത്തിച്ച് പോസ്റ്റുകളും വന്നു. എന്നാല്‍, ഇതിനിടെ നര്‍മ്മപ്രധാനമായ മീമുകളിലൂടെയും വിജയത്തെക്കുറിച്ച് പറയുന്നുണ്ട്. അത്തരത്തിലൊന്ന് ഷെയര്‍ ചെയ്തിരിക്കുകയാണ് ഇന്ത്യന്‍ ക്രിക്കറ്റിലെ മിന്നുംതാരമായ വിരേന്ദര്‍ സേവാഗ്.
മെസി ഇന്ത്യയിലായിരുന്നെങ്കില്‍ എന്ന മീം പങ്കുവച്ചിരിക്കുകയാണ് സെവാഗ്. പോലീസ് വേഷത്തിലുളള മെസിയുടെ എഡിറ്റ് ചെയ്ത ചിത്രമാണിത്. വന്‍ നേട്ടങ്ങളുണ്ടാക്കുന്ന താരങ്ങള്‍ക്ക് സര്‍ക്കാര്‍ ജോലി നല്‍കുന്നതിനെയാണ് പരിഹാസ രൂപേണ സേവാഗ് മീമില്‍ സൂചിപ്പിച്ചിരിക്കുന്നത്. മിനിട്ടുകള്‍ക്കകം പതിനായിരക്കണക്കിന് ആളുകള്‍ ലൈക്ക് ചെയ്യുകയും ആയിരത്തിലധികം പേര്‍ ഷെയര്‍ ചെയ്യുകയും ചെയ്തു പോസ്റ്റിന് മറുപടിയുമായി ഉഗ്രന്‍ കമന്റുകളും ആരാധകര്‍ കുറിച്ചിട്ടുണ്ട്.
