കോട്ടയം: കോട്ടയം കാഞ്ഞിരപ്പള്ളിയില്‍ ഓട്ടോയില്‍ നിന്ന് തെറിച്ച്‌ വീണ് 10 വയസുകാരി മരിച്ചു.
തുമ്ബമട മുണ്ടയ്ക്കല്‍ മനോജിന്‍റെ മകള്‍ നിരജ്ഞന (10) ആണ് മരിച്ചത്. ഇന്നലെ രാത്രി ഒമ്ബതര മണിയോടെ ആയിരുന്നു അപകടം ഉണ്ടായത്.
ബന്ധുവിന്‍റെ വീട്ടില്‍ പോയി മടങ്ങി വരും വഴിയായിരുന്നു അപകടം. കുടുംബം സഞ്ചരിച്ചിരുന്ന ഓട്ടോ റോഡിന്‍റെ സൈഡിലെ കല്ലില്‍ കയറി നിയന്ത്രണം വിടുകയും ഈ സമയം ഡോര്‍ തുറന്ന് കുട്ടി റോഡിലേയ്ക്ക് തെറിച്ച്‌ വീഴുകയുമായിരുന്നു.
