KeralaNEWS

20,000 കോടി ചോദിച്ചു, 5000 കോടി കിട്ടി, താത്കാലികാശ്വാസം

   സർക്കാർ ജീവനക്കാരുടെ ശമ്പളവും പെൻഷനും മറ്റ് ദൈനംദിന ആവശ്യങ്ങളും മുടങ്ങുന്നതുൾപ്പടെ കടുത്ത സാമ്പത്തിക പ്രതിസന്ധിയിലേക്ക് നീങ്ങിയ കേരളത്തിന് താത്കാലിക ആശ്വാസം. 5000 കോടി രൂപ വായ്പയെടുക്കാൻ കേന്ദ്രധനകാര്യമന്ത്രാലയം സംസ്ഥാനത്തിന് അനുമതി നൽകി. 20,000 കോടി രൂപ വായ്പയെടുക്കാനുള്ള അനുമതിയാണ് സംസ്ഥാന സര്‍ക്കാര്‍ തേടിയതെങ്കിലും 5000 കോടി വായ്പയെടുക്കാൻ മാത്രമാണ് അനുമതി ലഭിച്ചത്. എന്നാൽ ഈ വർഷത്തേക്കുള്ള വായ്പ പരിധി കേന്ദ്രം നിശ്ചയിച്ച് നൽകിയിട്ടില്ല.

നിലവിൽ സംസ്ഥാനങ്ങളുടെ ആവശ്യം പരിഗണിച്ചാണ് താത്കാലികമായി വായ്പയെടുക്കാൻ കേന്ദ്രസര്‍ക്കാര്‍ അനുമതി നൽകിയത് എന്നാണ് സൂചന. ജി.എസ്.ടി നഷ്ടപരിഹാരം അടുത്ത മാസം മുതൽ ലഭിക്കാത്ത സാഹചര്യത്തിൽ രാജ്യത്തെ ഭൂരിപക്ഷം സംസ്ഥാനങ്ങളും സഹായം തേടി കേന്ദ്രത്തെ സമീപിച്ചിരുന്നു.

സംസ്ഥാനത്തെ കേന്ദ്ര സർക്കാർ എല്ലാ അർത്ഥത്തിലും ഞെരുക്കുകയാണെന്ന് മന്ത്രിസഭാ യോ​ഗത്തിൽ ധനമന്ത്രി കെ.എൻ ബാല​ഗോപാൽ ചൂണ്ടിക്കാട്ടി. പൊ​തു​വി​പ​ണി​യി​ൽ​നി​ന്ന് കടമെടുപ്പിനുള്ള അനുമതി കേന്ദ്രം പരമാവധി വൈകിപ്പിക്കുകയാണ്. സാമ്പത്തിക പ്രതിസന്ധി പരിഹരിക്കാൻ മുഖ്യമന്ത്രി പിണറായി വിജയൻ ഇടപെടണമെന്നും അദ്ദേഹം ആവശ്യപ്പെട്ടിരുന്നു.

കി​ഫ്​​ബി, പൊ​തു​മേ​ഖ​ല സ്ഥാ​പ​ന​ങ്ങ​ൾ തു​ട​ങ്ങി​യ​വ വ​ഴി എ​ടു​ക്കു​ന്ന ക​ട​ങ്ങ​ളും ​സം​സ്ഥാ​ന​ത്തി​ന്‍റെ ക​ട​മെ​ടു​പ്പ്​ പ​രി​ധി​യി​ൽ കൊ​ണ്ടു​വ​രാ​നു​ള്ള കേ​ന്ദ്ര നീ​ക്ക​ത്തി​ന്‍റെ ഭാ​ഗ​മായാ​ണ്​ പൊ​തു​വി​പ​ണി​യി​ൽ​നി​ന്ന് കടമെടുപ്പിനുള്ള അനുമതി വൈകിപ്പിച്ചതെ​ന്നാ​ണ്​ സൂ​ച​ന. ​കൊ​വി​ഡ്​ കാ​ല​ത്ത്​ അ​നു​വ​ദി​ച്ച അ​ധി​ക വാ​യ്പ​യു​ടെ കാ​ര്യ​ത്തി​ലും വ്യ​ക്ത​ത ആ​വ​ശ്യ​പ്പെ​ട്ടിരുന്നു.

പൊ​തു​വി​പ​ണി​യി​ൽ​ നിന്ന് ക​ട​മെ​ടു​ക്കാ​ൻ അ​നു​മ​തി വൈ​കു​ന്ന​ത്​ സാ​മ്പ​ത്തി​ക വ​ർ​ഷ​ത്തി​ന്‍റെ തു​ട​ക്കം മു​ത​ൽ സം​സ്ഥാ​ന​ത്തെ ക​ടു​ത്ത പ്ര​തി​സ​ന്ധി​യി​ലാ​ക്കി​യി​രു​ന്നു. ഏ​പ്രി​ലി​ൽ 1000 കോ​ടി​യും മേ​യി​ൽ ര​ണ്ടു ത​വ​ണ​യാ​യി 3000 കോ​ടി​യു​മാ​ണ്​ വാ​യ്പ എ​ടു​ക്കാ​ൻ ഉ​ദ്ദേ​ശി​ച്ചി​രു​ന്ന​ത്. എ​ന്നാ​ൽ, ഇ​വ​യൊ​ന്നും സാ​ധി​ക്കാ​തെ വ​ന്ന​തോ​ടെ ട്ര​ഷ​റി നി​യ​ന്ത്ര​ണം അ​ട​ക്കം ഏ​ർ​പ്പെ​ടു​ത്തി​യാ​ണ്​ പി​ടി​ച്ചു നി​ന്ന​ത്.

Leave a Reply

Your email address will not be published. Required fields are marked *

Back to top button
error: