Month: February 2022
-
Kerala
യുദ്ധ ഭൂമിയിൽ നിന്നും ആര്യ വന്നു തന്റെ വളർത്തുനായയെയും കൂട്ടി
റഷ്യ- യുക്രൈന്‍ യുദ്ധം രൂക്ഷമാകുന്ന സാഹചര്യത്തില്‍ സ്വന്തം നാട്ടിലേക്ക് രക്ഷപെടുന്നതിനിടെ തന്റെ വളർത്തുന്നയയെ കൂടെ കൂട്ടിയ ഇടുക്കിക്കാരി ആര്യയാണ് ഇപ്പോൾ ചർച്ചകളിലെ താരം. തന്റെ വളര്‍ത്തുനായയെയാണ് യുദ്ധ ഭൂമിയില്‍ ഉപേക്ഷിക്കാതെ ആര്യ കൂടെക്കൂട്ടിയിരിക്കുന്നത്. കഷ്ടപ്പെട്ടാണ് യുദ്ധ ഭൂമിയില്‍ നിന്ന് ആര്യ കാട്ടുപറമ്പില്‍ എന്ന ഇടുക്കി വണ്ടിപ്പെരിയാര്‍ സ്വദേശിയായ പെണ്‍കുട്ടി തന്റെ നായ്ക്കുട്ടിയെ സുരക്ഷിത സ്ഥാനത്തേക്ക് എത്തിച്ചിരിക്കുന്നത്. എല്ലാവരും മത്സരിച്ച് സ്വാർത്ഥത അന്വേഷിച്ച് യുദ്ധം ചെയ്യുമ്പോൾ ആര്യയുടെ പ്രവൃത്തി ഏറെചിന്തിപ്പിക്കാനുതകുന്നതാണ്. യുദ്ധങ്ങള്‍ എല്ലാ രീതിയിലും കെടുതികള്‍ മാത്രമാണ് വിതയ്ക്കുക. ആത്യന്തികമായി ഒരുപാട് ജീവനുകളെയാണ് അപഹരിക്കുക. യുദ്ധം മനുഷ്യന് ഒരു ഗുണവും ചെയ്യുന്നില്ല. കടന്നാക്രമണങ്ങളില്‍ തങ്ങള്‍ക്ക് പ്രിയപ്പെട്ടതെല്ലാം ഇട്ടെറിഞ്ഞു പോവേണ്ടി വരുന്ന ആളുകളില്‍ നിന്ന് ആര്യയെ വ്യത്യസ്തയാക്കുന്നത് തന്റെ നായ്ക്കുട്ടിയോടുള്ള അതിതീവ്ര സ്‌നേഹമാണ്. സ്വന്തം നായ്ക്കുട്ടിയെ ഉപേക്ഷിക്കാതെ കിവിയില്‍ നിന്ന് റൊമാനിയന്‍ അതിര്‍ത്തിയിലേക്ക് കിലോമീറ്ററുകളോളം നടന്നാണ് ആര്യ യാത്ര ചെയ്തത്. ഇടക്ക് നടക്കാന്‍ ബുദ്ധിമുട്ട്…
Read More » -
Kerala
നാടിനും നാട്ടുകാർക്കും നാണംകേടായ കോട്ടയത്തെ ആകാശപ്പാത പൊളിച്ചു മാറ്റിയേക്കും
കോട്ടയം: മനോഹരമായിരുന്ന ശീമാട്ടി റൗണ്ടാന പൊളിച്ചു നീക്കി കെട്ടിപ്പൊക്കിയ ആകാശപ്പാത പൊളിച്ചുമാറ്റുമെന്ന് റോഡ് സുരക്ഷ അതോറിറ്റി.അതിനിടയിൽ ആകാശപാതയുമായി ബന്ധപ്പെട്ട് 2020 -ലുണ്ടായ പരാതിയിൽ വിജിലൻസ് അന്വേഷണവും തുടങ്ങിയിട്ടുണ്ട്.പരാതിയുടെ അടിസ്ഥാനത്തിൽ എത്തിയ വിജിലൻസ് ഉദ്യോഗസ്ഥരും വിജിലൻസിന്‍റെ നിർദേശാനുസരണമെത്തിയ പൊതുമരാമത്ത് വകുപ്പ് സംഘവും കഴിഞ്ഞ ദിവസം ഇവിടെ പരിശോധന നടത്തി.ആകാശപാതയ്ക്ക് ആവശ്യമായ സ്ഥലം ഏറ്റെടുക്കാതെയാണ് നിർമാണം ആരംഭിച്ചതെന്ന് അന്നേ പരാതി ഉയർന്നിരുന്നു. 2016-ലാണ് ആകാശപാതയുടെ നിർമാണം ആരംഭിച്ചത്. കിറ്റ്കോയ്ക്കായിരുന്നു നിർമാണ ചുമതല.2019-ൽ ഗാന്ധിസ്മൃതി മണ്ഡപം കൂടി ഉൾപ്പെടുത്തി രൂപരേഖ പരിഷ്കരിച്ചെങ്കിലും തൂണുകൾ സ്ഥാപിച്ചതല്ലാതെ ഒന്നും നടന്നില്ല.പാതയുടെ രൂപരേഖ പ്രകാരം നഗരസഭ ഓഫീസിനു മുന്പിലും ബേക്കർ ജംഗ്ഷനിലേക്കുള്ള റോഡിലും ടെബിൾ റോഡിലും ശാസ്ത്രി റോഡിലുമാണ് ലിഫ്റ്റ് വിഭാവനം ചെയ്തിട്ടുള്ളത്.നഗരസഭയുടെ സ്ഥലം വിട്ടുകൊടുത്തിട്ടുണ്ടെങ്കിലും മറ്റിടങ്ങളിൽ സ്ഥലം ഏറ്റെടുത്തിട്ടില്ല.ഇക്കാര്യത്തിൽ ഇന്നും അവ്യക്തത തുടരുകയാണ്.പൊളിച്ചുമാറ്റാനാണ് ഇപ്പോൾ റോഡ് സുരക്ഷാ അതോറിറ്റിയുടെ തീരുമാനം.
Read More » -
Kerala
മത്സ്യത്തൊഴിലാളിയിൽ നിന്ന് കളക്ടറായി; ഒടുവില്‍ സംസ്ഥാനത്തെ മികച്ച കളക്ടറായി അലക്സാണ്ടറുടെ പടിയിറക്കം
തിരുവനന്തപുരം: ദിവസവും കടലിൽ മീൻപിടിക്കാൻ പോയ ഒരു കാലമുണ്ടായിരുന്നു ആലപ്പുഴയിൽ നിന്നും ഇന്ന് വിരമിക്കുന്ന കളക്ടർ എ അലക്സാണ്ടർക്ക്.അച്ഛൻ ആന്റണി കടലിൽപ്പോയി മീൻപിടിച്ചും അമ്മ മറിയപുഷ്പം മീൻവിറ്റും നേടുന്ന പണം പാറശ്ശാല കൊല്ലങ്കോടു തീരത്തുള്ള പുറമ്പോക്കിലെ ആ കുടിലിലെ എട്ടംഗങ്ങളുടെ വയറുനിറയ്ക്കാൻ തികയുമായിരുന്നില്ല.അങ്ങനെ സ്കൂൾ വിദ്യാർഥിയായിരിക്കെ തന്നെ അലക്സാണ്ടറും മീൻപിടിക്കാൻ പോയിത്തുടങ്ങി.ആദ്യം അച്ഛൻ ആന്റണിക്കൊപ്പമായിരുന്നു യാത്ര. പിന്നെ മറ്റുള്ളവരോടൊപ്പവും വള്ളങ്ങളിൽ പോയിത്തുടങ്ങി.അഭിമാനത്തോടെ ഏതുജോലിയും ചെയ്യാൻ കുട്ടിക്കാലത്തുതന്നെ കാണിച്ച ആ ഉത്സാഹമാണ് സിവിൽ സർവീസ് എന്ന ഉന്നതപദവിയിലേക്ക് തുഴഞ്ഞുകയറാൻ പിന്നീട് അലക്സാണ്ടർക്കു കരുത്തായത്. കൊല്ലങ്കോട് ഗവ. എച്ച്. എസ്. എസിലെ പഠനത്തിനുശേഷം ലയോള കോളേജിൽനിന്നു ബിരുദം.പിന്നീട് അവിടെനിന്നുതന്നെ എം. എസ്. ഡബ്ല്യു.അപ്പോഴും മീൻപിടിത്തം തുടർന്നു.1990-ൽ അസിസ്റ്റന്റ് ലേബർ ഓഫീസറായി സർക്കാർ നിയമനം ലഭിച്ചു.2014-ൽ അഡീഷണൽ ലേബർ കമ്മിഷണറും 2018-ൽ ലേബർ കമ്മിഷണറുമായി.2019-ലാണ് ഐഎഎസ് ലഭിച്ചത്.സബ് കളക്ടറായി ആദ്യ നിയമനം.ആലപ്പുഴ ജില്ലയുടെ 52ാമത്തെ കളക്ടറായി 2020 ജൂണ്‍ മാസത്തിലാണ് അലക്‌സാണ്ടര്‍ ചുമതലയേറ്റത്. ഒടുവിൽ സംസ്ഥാനത്തെ…
Read More » -
Kerala
തിരുവല്ലത്ത് പൊലീസ് കസ്റ്റഡിയിലിരുന്ന യുവാവ് മരിച്ചു
തിരുവനന്തപുരം: തിരുവല്ലത്ത് പൊലീസ് കസ്റ്റഡിയിലിരുന്ന യുവാവ് മരിച്ചു.നെല്ലിയോട് ജഡ്ജിക്കുന്ന് സ്വദേശി സുരേഷ് കുമാര്‍ (40) ആണ് മരിച്ചത്. സ്ത്രീയെ ശല്യം ചെയ്ത കേസിലാണ് ഇന്നലെ വൈകിട്ട് സുരേഷിനെ കസ്റ്റഡിയിലെടുത്തത്.എന്നാൽ ഇന്ന് രാവിലെയോടെ റിമാന്റ് ചെയ്യാന്‍ ഒരുങ്ങുന്നതിനിടെയാണ് നെഞ്ചവേദന അനുഭവപ്പെടുന്നതായി സുരേഷ് പറഞ്ഞതെന്ന് പൊലീസ് വിശദീകരിച്ചു. തുടര്‍ന്ന് ഉടന്‍ തന്നെ സര്‍ക്കാര്‍ ആശുപത്രിയിലും അനന്തപുരി ആശുപത്രിയിലും എത്തിച്ചെങ്കിലും ജീവന്‍ രക്ഷിക്കാനായില്ല.അതേസമയം പോലീസിനെതിരെ സുരേഷിന്റെ ബന്ധുക്കൾ രംഗത്തെത്തിയിട്ടുണ്ട്.
Read More » -
Kerala
കോഴിക്കോട് യുവാവിന്റെ മൃതദേഹം കത്തിക്കരിഞ്ഞ നിലയിൽ
കോഴിക്കോട്: ചൂരണി റോഡില്‍ യുവാവിന്റെ മൃതദേഹം കത്തിക്കരിഞ്ഞ നിലയില്‍.ചൂരണി-ക്വാറി റോഡിനരികിലായി ഇന്നു രാവിലെയാണ് മൃതദേഹം കണ്ടത്.ആളെ തിരിച്ചറിഞ്ഞിട്ടില്ല. മൃതദേഹത്തിന് സമീപം പോണ്ടിച്ചേരി രജിസ്ട്രേഷനിലുള്ള ഒരു സ്‌കൂട്ടറും കണ്ടെത്തിയിട്ടുണ്ട്.തൊട്ടില്‍പ്പാലം പോലീസ് അന്വേഷണം ആരംഭിച്ചു.
Read More » -
Kerala
കൊവിഡ് നാലാം തരംഗം ജൂണിൽ എന്ന് പഠനറിപ്പോർട്ട്
കൊവിഡ് മൂന്നാം തരംഗം കാര്യമായ അപകടം സൃഷ്ടിക്കാതെ കടന്നുപോകുമ്പോൾ ഇന്ത്യയില്‍ ജൂണ്‍ മാസത്തില്‍ നാലാം തരംഗമുണ്ടാകുമെന്നു പ്രവചനം. ഐഐടി കാന്‍പുര്‍ തയാറാക്കിയ പഠന റിപ്പോര്‍ട്ടിലാണ് ജൂണ്‍ 22നു രാജ്യത്ത് അടുത്ത കൊവിഡ് തരംഗം തുടങ്ങുമെന്നും ഇത് ഒക്ടോബര്‍ അവസാനം വരെ നീണ്ടുപോകുമെന്നും സൂചിപ്പിക്കുന്നത്. ഓഗസ്റ്റ് മാസത്തോടെ ഇത് പാരമ്യത്തിലെത്തുമെന്നും മൂന്നാം തരംഗത്തേക്കാൾ കഠിനവുമായിരിക്കും ഇതെന്നുമാണ് പ്രവചനം.
Read More » -
Kerala
സെര്‍ച്ചിംഗ് രംഗത്തു തന്നെ വിപ്ലവം സൃഷ്ടിച്ച് ഗൂഗിള്‍ ലെന്‍സ്
ഇമെയിൽ വിലാസങ്ങളും മറ്റ് ടെക്സ്റ്റ് വിവരങ്ങളും ക്യാപ്ചർ ചെയ്യാനും ഗൂഗിൾ ലെൻസ് ഉപയോഗിക്കുന്നു ഒരു ചിത്രത്തില്‍ എന്താണെന്ന് മനസ്സിലാക്കാനും അതിന്‍റെ വിവരങ്ങള്‍ നല്‍കാനും കഴിയുന്ന ചിത്രങ്ങളില്‍ അധിഷ്ഠിതമായ ഒരു ടെക്‌നോളജിയാണ് ഗൂഗിള്‍ ലെന്‍സ്.അതായത് നിങ്ങള്‍ കാണുന്ന ഒരു വസ്തുവിനെ കുറിച്ചുള്ള വിവരങ്ങള്‍ നല്‍കാന്‍ ലെന്‍സിന് സാധിക്കും.ക്യാമറ ഉപയോഗിച്ചുള്ള സെര്‍ച്ചില്‍ ആര്‍ട്ടിഫിഷ്യല്‍ ഇന്റലിജന്‍സ് സംയോജിപ്പിച്ചാണ് ഗൂഗിള്‍ ലെന്‍സ് പ്രവര്‍ത്തിക്കുന്നത്. പ്രസക്തമായ വിവരങ്ങൾ നേടുന്നതിനും മറ്റ് നിർദ്ദിഷ്ട ടാസ്ക്കുകൾ നിർവഹിക്കുന്നതിനും ചിത്രങ്ങൾ വിശകലനം ചെയ്യുന്നതിനുമുള്ള ഒരു അപ്ലിക്കേഷനാണ് ഗൂഗിൾ ലെൻസ്.ഗൂഗിൾ ഫോട്ടോസ്, ഗൂഗിൾ അസിസ്റ്റന്റ് എന്നീ ആപ്ലിക്കേഷനുകളുമായി ഈ ആപ്ലിക്കേഷൻ സംയോജിപ്പിച്ചിരിക്കുന്നു.ഗുഗിൾ, ഗൂഗിൾസ് പോലുള്ള മുൻകാല ഇമേജ് തിരിച്ചറിയൽ ആപ്ലിക്കേഷനുകളേക്കാൾ മികച്ചതും വേഗതയേറിയതുമായ ഒന്നാണിത്. വളരെ ചുരുക്കത്തിൽ പറഞ്ഞാൽ ഗൂഗിൾ ലെൻസ് ഒരു ദൃശ്യ തിരയൽ എഞ്ചിനാണ്. അതായത് ഒരു ഇമേജിന്റെ വിഷ്വൽ ഡാറ്റ വിശകലനം ചെയ്യാനും ചിത്രത്തിന്റെ ഉള്ളടക്കം അടിസ്ഥാനമാക്കി നിരവധി വ്യത്യസ്ത ജോലികൾ ചെയ്യാനും ഇതിന് കഴിയും.ഒരു ഇമേജ് വിശകലനം ചെയ്യുന്നതും…
Read More » -
Kerala
കോവളം എം.എല്‍.എ എം വിന്‍സെന്റിന്റെ കാര്‍ അടിച്ചുതകര്‍ത്തു
തിരുവനന്തപുരം: കോവളം എം.എല്‍.എ എം വിന്‍സെന്റിന്റെ കാര്‍ അടിച്ചുതകര്‍ത്തു.ഇന്ന് രാവിലെയാണ് എം.എല്‍.എ ഓഫീസിന് മുന്നിൽ നിറുത്തിയിട്ടിരുന്ന കാര്‍ അടിച്ചുതകര്‍ത്തത്.ഈ സമയം ഓഫീസില്‍ എം.എല്‍.എ ഉണ്ടായിരുന്നു സംഭവത്തിൽ ഉച്ചക്കട സ്വദേശി സന്തോഷ് എന്ന ആളിനെ പൊലീസ് കസ്റ്റഡിയിലെടുത്തു. ഇയാളെ നാട്ടുകാരാണ് പിടികൂടി പോലീസില്‍ ഏല്‍പ്പിച്ചത്. ശബരിമല സ്ത്രീ പ്രവേശനം തടഞ്ഞില്ല, മുല്ലപ്പെരിയാര്‍ ഡാം പൊട്ടാതിരിക്കാന്‍ നടപടി എടുക്കണം എന്നീ ആവശ്യങ്ങള്‍ ഉന്നയിച്ചായിരുന്നു പ്രതിയുടെ ആക്രമണം.
Read More » -
Kerala
യുക്രൈനില്‍ നിന്നുള്ള രക്ഷാദൗത്യത്തിന് കേന്ദ്ര മന്ത്രിമാരും
ദില്ലി: യുക്രൈനില്‍ നിന്നുള്ള രക്ഷാദൗത്യത്തിന് നാല് കേന്ദ്ര മന്ത്രിമാരും.ഹര്‍ദീപ് സിംഗ്പുരി, കിരണ്‍ റിജിജു,ജ്യോതിരാദിത്യ സിന്ധ്യ, വി കെ സിംഗ് എന്നിവരടക്കം യുക്രൈന്‍റെ അയല്‍രാജ്യങ്ങളിലെത്തി രക്ഷാപ്രവര്‍ത്തനം ഏകോപിപ്പിക്കുമെന്ന് പ്രധാനമന്ത്രി നരേന്ദ്രമോദി അറിയിച്ചു. യുക്രൈനിലെ റഷ്യന്‍ ആക്രമണത്തില്‍ വലയുന്ന ഇന്ത്യാക്കാരെ തിരിച്ചെത്തിക്കുന്നത് ചര്‍ച്ച ചെയ്യാനായി പ്രധാനമന്ത്രി നരേന്ദ്രമോദിയുടെ നേതൃത്വത്തില്‍ ഇന്നലെ രാത്രി നടന്ന അടിയന്തര യോഗത്തിലായിരുന്നു ഈ നിര്‍ണ്ണായക തീരുമാനം. അതേസമയം റൊമേനിയയില്‍ നിന്ന് അഞ്ചാമത്തെ വിമാനവും ഇന്ന് ദില്ലിയില്‍ എത്തി.249 ഇന്ത്യക്കാരാണ് ഈ വിമാനത്തിലുണ്ടായിരുന്നത്.ഇതില്‍ 12 പേര്‍ മലയാളികളാണ്.വിസ്താര, എയര്‍ ഇന്ത്യ വിമാനങ്ങളില്‍ മലയാളികള്‍ ദില്ലിയില്‍ നിന്നും ഇന്ന് വൈകിട്ടോടെ കേരളത്തിലേക്ക് മടങ്ങും.
Read More »
