തലസ്ഥാനനഗരിയില്‍ പടക്ക നിര്‍മ്മാണവും വില്‍പ്പനയും നിരോധിച്ച് ദേശീയ ഹരിത ട്രൈബ്യൂണല്‍. വായുമലിനീകരണം രൂക്ഷമാകുന്ന സാഹചര്യത്തിലാണ് പുതിയ നീക്കം.
അതേസമയം, വായുമലിനീകരണം കുറഞ്ഞ പടക്കങ്ങള്‍ ഉപയോഗിക്കാമെന്നും
ദീപാവലിക്ക് രാത്രി 8 മുതല്‍ 10മണിവരെയും ഛാട്ടിന് പുലര്‍ച്ചെ 6 മുതല്‍ 8വരെയും ക്രിസ്മസ്, പുതുവര്‍ഷ ദിനങ്ങളില്‍ അര്‍ധരാത്രി 11.55 മുതല്‍ 12.30 വരെയും പടക്കം ഉപയോഗിക്കാമെന്നും ഉത്തരവില്‍ വ്യക്തമാക്കുന്നു.
വായുനിലവാരം ഭീതിപ്പെടുത്തുന്ന നിലയിലേക്ക് പോയിരിക്കുന്നതിനാല്‍ ഇത്തരത്തില്‍ നിയന്ത്രണം ഏര്‍പ്പെടുത്തിയിരിക്കുന്നത്‌. തിങ്കളാഴ്ച ആനന്ദവിഹാറില്‍ എയര്‍ ക്വാളിറ്റി ഇന്‍ഡക്‌സ് 484 ആണ് രേഖപ്പെടുത്തിയത്.
