ബിനീഷ് കൊടിയേരിക്കെതിരെ എൻസിബി കേസ് എടുക്കുമോ എന്ന കാര്യം ഇന്നറിയാം .ഇ ഡിയിൽ നിന്ന് എൻസിബി വിവരങ്ങൾ എടുക്കുന്നുണ്ട് .കേസ് എടുക്കുക ആണെങ്കിൽ ഇന്ന് കോടതിയിൽ ഹാജരാക്കുമ്പോൾ എൻസിബിയും ബിനീഷിന്റെ കസ്റ്റഡി ആവശ്യപ്പെടാം .
ബിനീഷ് അന്വേഷണത്തോട് സഹകരിക്കുന്നില്ല എന്ന പരാതി ഇ ഡിയ്ക്കുണ്ട് .മിക്ക ചോദ്യങ്ങൾക്കും മൗനമാണ് ഉത്തരാമെന്നാണ് ഇ ഡി വൃത്തങ്ങൾ പറയുന്നത് .അതുകൊണ്ടു തന്നെ ഇക്കാര്യം ചൂണ്ടിക്കാട്ടി ഇ ഡി കസ്റ്റഡി നീട്ടി ചോദിച്ചേക്കാം .
ഇന്ന് ജാമ്യം അനുവദിച്ചില്ലെങ്കിൽ ബിനീഷിനെ കാത്തിരിക്കുന്നത് ഏതെങ്കിലും അന്വേഷണ ഏജൻസിയുടെ കസ്റ്റഡിയോ ജയിൽ വാസമോ ആണ് .ഇ ഡിയും എൻസിബിയും കസ്റ്റഡി ആവശ്യപ്പെട്ടില്ലെങ്കിൽ ജുഡീഷ്യൽ കസ്റ്റഡിയിൽ കോടതി റിമാൻഡ് ചെയ്യും .അങ്ങിനെയെങ്കിൽ പരപ്പന അഗ്രഹാര ജയിലിൽ ആകും ജയിൽവാസം .
അതേസമയം തന്നെ കുരുക്കാൻ ശ്രമിക്കുന്നുവെന്നാണ് ബിനീഷിന്റെ ആരോപണം .അനൂപ് മുഹമ്മദിന്റെ ഇടപാടുകൾ തന്റെ മേൽ കെട്ടിവെക്കാൻ ശ്രമിക്കുന്നുവെന്ന് ബിനീഷ് ആരോപിക്കുന്നു .ബിനീഷിനെ കാണാൻ അനുവദിക്കുന്നില്ലെന്ന് കാട്ടി സഹോദരൻ ബിനോയ് ഹൈക്കോടതിയെ സമീപിക്കാനും സാധ്യത ഉണ്ട് .
