ബിബിന്‍ ജോര്‍ജിന് ലിച്ചി നായിക; ജോണി ആന്റണിയും ധർമജനും മുഖ്യവേഷത്തില്‍, പുതിയ ചിത്രം “തിരിമാലി “ക്കു തുടക്കമായി
സൂപ്പര്‍ ഹിറ്റ് ചിത്രം ശിക്കാരി ശംഭുവിനുശേഷം എയ്ഞ്ചല്‍ മരിയ സിനിമാസിന്റെ ബാനറില്‍ എസ്. കെ. ലോറന്‍സ് നിര്‍മിക്കുന്ന പുതിയ ചിത്രം തിരിമാലിയുടെ പൂജ വിജയദശമി ദിനമായ ഒക്ടോബര്‍ 26ന് കൊച്ചിയിൽ വച്ച് നടന്നു.
ടീസർ ലോഞ്ച് തിരക്കഥാകൃത്തു ഉദയ് കൃഷ്ണ നിർവഹിച്ചു. സ്വിച്ച് ഓൺ സംവിധായകൻ ഷാഫിയും,ആദ്യ ക്ലാപ്പ് റാണി ലോറൻസും നിർവഹിച്ചു.ബിബിന്‍ ജോര്‍ജും ജോണി ആന്റണിയും ധർമജനും പ്രധാനവേഷങ്ങളിലെത്തുന്നു.അങ്കമാലി ഡയറീസിലെ ലിച്ചിയായി പ്രേക്ഷക ഇഷ്ടം നേടിയ അന്ന രേഷ്മ രാജനാണ് നായിക.
റാഫി മെക്കാർട്ടിൻ, ഷാഫി തുടങ്ങിയ പ്രമുഖ സംവിധായകർക്കൊപ്പം നിരവധി സിനിമകളില്‍ പ്രവര്‍ത്തിച്ച രാജീവ് ഷെട്ടി സ്വതന്ത്രസംവിധായകനാകുന്ന സിനിമയുടെ തിരക്കഥ സേവ്യര്‍ അലക്സ്‌, രാജീവ് ഷെട്ടി എന്നിവർ ചേർന്ന് എഴുതുന്നു, കൊച്ചിയും നേപ്പാളുമാണ് പ്രധാന ലൊക്കേഷനുകള്‍.
ഇന്നസെന്റ്, സലിംകുമാര്‍, ഹരീഷ് കണാരന്‍, തുടങ്ങിയവർക്ക് ഒപ്പം നേപ്പാളി താരങ്ങളും ചിത്രത്തിൽ അണിനിരക്കുന്നു, സംഗീതം ബിജിബാൽ, പ്രൊജക്റ്റ്‌ ഡിസൈനർ ബാദുഷ, പ്രൊഡക്ഷൻ കൺട്രോളർ ശ്രീകുമാർ ചെന്നിത്തല, പി. ആർ. ഒ മഞ്ജു ഗോപിനാഥ്, വാഴൂർ ജോസ്.
