നടിയെ ആക്രമിച്ച കേസില് വിചാരണക്കോടതിക്കെതിരെ പ്രോസിക്യൂഷന്
![](https://newsthen.com/wp-content/uploads/2020/10/sunil.jpg)
കൊച്ചി: നടിയെ ആക്രമിച്ച കേസില് അന്വേഷണം പുരോഗമിക്കുന്ന സാഹചര്യത്തില് വിചാരണയടക്കമുള്ള തുടര്നടപടികള് നിര്ത്തിവെക്കണമെന്നാവശ്യപ്പെട്ട് പ്രോസിക്യൂഷന് രംഗത്ത്. കോടതിയില്നിന്ന് സുതാര്യമായ വിചാരണ പ്രതീക്ഷിക്കുന്നില്ലെന്നും കോടതി മാറ്റം ആവശ്യപ്പെട്ട് ഹൈക്കോടതിയില് അപേക്ഷ നല്കുമെന്നും പ്രോസിക്യൂഷന് വ്യക്തമാക്കി.
![Signature-ad](https://newsthen.com/wp-content/uploads/2024/06/signature.jpg)
പ്രോസിക്യൂഷന് പ്രത്യേക കോടതിയില് ഹര്ജി ഫയല് ചെയ്തു. വിചാരണ മാറ്റണമെന്നാവശ്യപ്പെട്ട് ഹൈക്കോടതിയില് ട്രാന്സ്ഫര് പെറ്റീഷന് നല്കുമെന്നും അതുവരെ വിചാരണ നടപടികള് നിര്ത്തിവെക്കണമെന്നുമാണ് ഹര്ജിയിലെ ആവശ്യം.
182-ാമത്തെ സാക്ഷിയെ കഴിഞ്ഞ ദിവസം വിസ്തരിച്ചിരുന്ന ഘട്ടത്തില് പ്രോസിക്യൂഷന് എതിരെയുള്ള ഒരു കത്ത് കോടതി വായിച്ചു. മാത്രമല്ല, പ്രോസിക്യൂഷനെതിരെ ഒട്ടും അടിസ്ഥാനമില്ലാത്തതും വസ്തുതാവിരുദ്ധവുമായ ആരോപണങ്ങള് കോടതി ഉന്നയിച്ചെന്നും പ്രോസിക്യൂഷന് പറയുന്നു. ഈ സാഹചര്യത്തില് സുതാര്യമായ വിചാരണ കോടതിയില് നടക്കുമെന്ന് കരുതുന്നില്ല. ഇരയ്ക്ക് നീതി ലഭ്യമാകും എന്ന് പ്രതീക്ഷിക്കാന് കഴിയില്ലെന്നും ഹര്ജിയില് ചൂണ്ടിക്കാട്ടി.
അതേസമയം, കേസില് ദിലീപ് എട്ടാംപ്രതിയാണ്. പള്സര് സുനി ഒന്നാംപ്രതിയും. കേസിലെ സാക്ഷികളെ പ്രധാനപ്രതി സ്വാധീനിക്കുന്നുവെന്ന് പ്രോസിക്യൂഷന് നേരത്തെ കോടതിയെ അറിയിച്ചിരുന്നു. അതിനാല് പ്രതിയുടെ ജാമ്യം റദ്ദാക്കണമെന്നും പ്രോസിക്യൂഷന് ആവശ്യപ്പെട്ടിരുന്നു. എന്നാല് ഇക്കാര്യം ഇതുവരെ കോടതി പരിഗണിച്ചിട്ടില്ലെന്നും പ്രോസിക്യൂഷന് ചൂണ്ടിക്കാട്ടുന്നു.
2017 ഫെബ്രുവരി 18 നാണു കേസിന് ആസ്പദമായ സംഭവം. കൊച്ചിയില് വെച്ച് ഓടുന്ന വാഹനത്തില് വെച്ച് നടിയെ തട്ടിക്കൊണ്ട് പോയി ആക്രമിക്കുകയായിരുന്നു.
2017 ജൂലൈ 10 ന് ദിലീപ് അറസ്റ്റിലായി .85 ദിവസത്തെ ജയില്വാസത്തിനു ശേഷം കര്ശന ഉപാധികളോടെ ആണ് ഹൈക്കോടതി ദിലീപിന് ജാമ്യം അനുവദിച്ചത് .കേസില് 50 സാക്ഷികളെ ഇതുവരെ വിസ്തരിച്ചു .