NEWS

വിജയ് പി നായരുടെ പരാതിയിൽ ഭാഗ്യലക്ഷ്മി അടക്കം മൂന്നുപേർക്കെതിരെ കേസ്

യൂട്യൂബ് വീഡിയോയിലൂടെ സ്ത്രീകളെ അപമാനിച്ചതിന് പ്രതികരിച്ച സ്ത്രീകൾക്കെതിരെ കേസ് .വിജയ് പി നായരെ കയ്യേറ്റം ചെയ്തതിനാണു ഭാഗ്യലക്ഷ്മിയ്ക്കും മറ്റു രണ്ടുപേർക്കുമെതിരെ കേസ് എടുത്തിരിക്കുന്നത് .വിജയ് പി നായരുടെ പരാതിയിൽ തമ്പാനൂർ പോലീസ് ആണ് കേസ് എടുത്തിരിക്കുന്നത് .

ഭാഗ്യലക്ഷ്മി അടക്കമുള്ളവരുടെ പരാതിയിൽ വിജയ് പി നായർക്കെതിരെ തമ്പാനൂർ പോലീസ് കേസ് എടുത്തിരുന്നു .ആദ്യം പരാതിയില്ലെന്ന് പറഞ്ഞ് മാപ്പു പറഞ്ഞ വിജയ് പി നായർ പിന്നീട് പരാതി നൽകുക ആയിരുന്നു .

വീട് കയറി മൊബൈൽ ,ലാപ് ടോപ് തുടങ്ങിയവ അപഹരിച്ചു ,ദേഹോപദ്രവം ഏൽപ്പിച്ചു ,അസഭ്യം പറഞ്ഞു തുടങ്ങിയ കുറ്റങ്ങൾ ആണ് ഭാഗ്യലക്ഷ്മിയ്ക്കും കൂട്ടർക്കും എതിരെ ചുമത്തിയിട്ടുള്ളത് .

കഴിഞ്ഞ ദിവസം വൈകുന്നേരം ആണ് നാടകീയ സംഭവങ്ങൾ അരങ്ങേറിയത് .സ്ത്രീകളെ യൂട്യൂബ് വീഡിയോയിലൂടെ നിരന്തരം അപമാനിച്ച വിജയ് പി നായർക്ക് മേൽ ഭാഗ്യലക്ഷ്മിയും കൂട്ടരും കരിഓയിൽ പ്രയോഗം നടത്തുക ആയിരുന്നു .ഇയാളെക്കൊണ്ട് മാപ്പും പറയിച്ചു .

ശ്രീലക്ഷ്മി അറക്കൽ, ദിയ സന എന്നിവരുടെ ഫേസ്ബുക് ലൈവിലൂടെയാണ് നാടകീയ സംഭവം പുറത്ത് വന്നത് .ചെയ്ത പ്രവർത്തിക്ക് ഭവിഷ്യത്ത് ഉണ്ടാകുമെന്നു അറിയാമെന്നും എന്നാൽ കേരളത്തിലെ സ്ത്രീകൾക്ക് വേണ്ടിയാണു തങ്ങൾ ഇത് ചെയ്തതെന്നും ഭാഗ്യലക്ഷ്മി പ്രതികരിച്ചിരുന്നു .

Back to top button
error: