സംസ്ഥാനത്തെ 88 ലക്ഷം കാർഡുടമകൾക്ക് 11 ഇനം പലവ്യഞ്ജനങ്ങൾ ഉൾപ്പെടുത്തി ഓണക്കിറ്റ് നൽകും .മുഖ്യമന്ത്രി പിണറായി വിജയൻ വാർത്താ സമ്മേളനത്തിൽ അറിയിച്ചതാണ് ഇക്കാര്യം .വ്യാഴാഴ്ച മുതൽ കിറ്റ് വിതരണം തുടങ്ങും .500 രൂപ വിലയുള്ള സാധനങ്ങൾ ആണ് കിറ്റിൽ ഉണ്ടാവുക .
അന്ത്യോദയ വിഭാഗത്തിൽ പെടുന്ന 5,95,000 കുടുംബങ്ങൾക്കാണ് ആദ്യഘട്ടത്തിൽ കിറ്റ് നൽകുക .പിന്നീട് 31 ലക്ഷം വരുന്ന മുൻഗണനാ കാർഡുടമകൾക്ക് കിറ്റ് വിതരണം ചെയ്യും .13 ,14 ,16 തിയ്യതികളിൽ ആണ് അന്ത്യോദയ വിഭാഗത്തിൽ പെടുന്ന മഞ്ഞ കാർഡുള്ളവർക്ക് കിറ്റുകൾ വിതരണം ചെയ്യുക .
19 ,20 ,21 ,22 തിയ്യതികളിൽ മുൻഗണനാ വിഭാഗത്തിൽപ്പെടുന്ന പിങ്ക് കാർഡുള്ളവർക്ക് കിറ്റുകൾ നൽകും .നീല ,വെളള കാർഡുകൾ കൈവശം ഉള്ള 51 ലക്ഷം കുടുംബങ്ങൾക്ക് ഓണത്തിന് മുൻപ് കിറ്റുകൾ വിതരണം ചെയ്യും .
ഓഗസ്റ്റ് 21 മുതൽ 10 ദിവസത്തേക്ക് ഓണച്ചന്തകൾ സംഘടിപ്പിക്കും .എല്ലാ ജില്ലാ കേന്ദ്രങ്ങളിലും ഓണച്ചന്തകൾ ഉണ്ടാകും .ജൂലൈ മാസത്തിൽ കാർഡുടമകൾ എവിടെ നിന്നാണോ റേഷൻ വാങ്ങിയത് അതെ ഷോപ്പിൽ നിന്ന് കിറ്റുകൾ വാങ്ങാം .
