Social Media
-
ഇതെന്ത് യുക്തി? രാഹുല് മാങ്കൂട്ടത്തിലിന് മുന്കൂര് ജാമ്യം അനുവദിച്ച സെഷന്സ് കോടതി വിധിയിലെ പിഴവുകള് ചൂണ്ടിക്കാട്ടി മാധ്യമ പ്രവര്ത്തകന്റെ കുറിപ്പ് ചര്ച്ചയാകുന്നു; ‘സുപ്രീം കോടതി തീര്പ്പുകല്പ്പിച്ച വിഷയത്തിലും കോടതിക്കു സംശയം; കാലിന് അനുസരിച്ചു ചെരിപ്പ് തുന്നിയതുപോലെ’
തിരുവനന്തപുരം: രാഹുല് മാങ്കൂട്ടത്തിലിന് എതിരായ രണ്ടാം ലൈംഗിക പീഡന പരാതിയില് മുന്കൂര് ജാമ്യം അനുവദിച്ച കോടതി വിധിയുടെ പിഴവുകള് ചൂണ്ടിക്കാട്ടി മാധ്യമ പ്രവര്ത്തകന്റെ കുറിപ്പ് വന് ചര്ച്ചയാകുന്നു. തിരുവനന്തപുരം സെഷന്സ് ജഡ്ജി എസ്. നസീറയുടെ വിധിയിലെ വിവരങ്ങളാണ് ചര്ച്ചയ്ക്കു വയ്ക്കുന്നത്. പരാതി സമര്പ്പിക്കാനുണ്ടായ കാലതാമസവും മൊഴിയിലെ വൈരുദ്ധ്യവും ആകെ ഒരുവട്ടം നടന്ന ലൈംഗിക ബന്ധം ബലാത്സംഗമാണെന്നു തെളിയിക്കാനുള്ള തെളിവു പ്രോസിക്യൂഷന് ഹാജരാക്കിയില്ലെന്നുമാണ് വിധിയില് ചൂണ്ടിക്കാട്ടുന്നത്. എന്നാല്, ഇതെല്ലാം ഹൈക്കോടതിയുടെയും മറ്റു കോടതികളുടെയും ജഡ്ജ്മെന്റിനു നേരത്തേയും വഴിവച്ചിട്ടുണ്ടെന്നും ഇതു മനസിലാക്കാതെയാണു വിധിയെന്നുമാണ് ചൂണ്ടിക്കാട്ടുന്നത്. അതിജീവിത ഒരുവട്ടം മാത്രമാണ് മൊഴി നല്കിയെന്നതിരിക്കേ, എങ്ങനെ മൊഴികളില് വൈരുധ്യമുണ്ടെന്നു കോടതി കണ്ടെത്തിയെന്ന നിര്ണായക ചോദ്യവും ഇതിലുണ്ട്. ആദ്യം കൊടുത്ത പരാതിയെ മൊഴിയാക്കി വിലയിരുത്തുകയാണുണ്ടായതെന്നും പരാതിക്കാരിക്കു ധൈര്യം നല്കുന്നതിനു പകരം അവിശ്വസിക്കുകയാണുണ്ടായതെന്നും കുറിപ്പില് പറയുന്നു. കോടതി വിധിയുടെ പകര്പ്പടക്കം പങ്കുവച്ചാണു കുറിപ്പ് എഴുതിയിട്ടുള്ളത്. പോസ്റ്റിന്റെ പൂര്ണരൂപം രണ്ടാം ബലാല്സംഗ കേസില് രാഹുല് മാങ്കൂട്ടത്തിലിന് മുന്കൂര് ജാമ്യം നല്കാന്…
Read More » -
‘തൊലിക്കട്ടി അപാരം’; ഒളിവില്നിന്ന് വോട്ടു ചെയ്യാനെത്തിയ രാഹുല് മാങ്കൂട്ടത്തിലിനെ ട്രോളി കാണ്ടാമൃഗത്തിന്റെ ചിത്രം പോസ്റ്റ് ചെയ്ത് കോണ്ഗ്രസ് നേതാവ് അജയ് തറയില്; തെറിവിളികളുമായി രാഹുല് അണികള്
12 ലൈംഗിക പീഡനക്കേസില് 15 ദിവസത്തെ ഒളിവു ജീവിതത്തിനുശേഷം പാലക്കാട് വോട്ട് ചെയ്യാനെത്തിയ രാഹുല് മാങ്കൂട്ടത്തിലിനെ പരിഹസിച്ച് കോണ്ഗ്രസ് നേതാവ് അജയ് തറയില്. തൊലിക്കട്ടി അപാരമെന്ന തലക്കെട്ടുമായി കാണ്ടാമൃഗത്തിന്റെ ചിത്രമാണു പോസ്റ്റ് ചെയ്തത്. യൂത്ത് കോണ്ഗ്രസ് നേതാക്കള്ക്കൊപ്പം വൈകീട്ടാണ് രാഹുല് വോട്ടു ചെയ്യാനെത്തിയത്. വോട്ടു ചെയ്തു തൊട്ടു പിന്നാലെ ചായയും കുടിച്ചു മടങ്ങി. മാധ്യമങ്ങളുടെ ചോദ്യങ്ങള്ക്കും മറുപടി നല്കിയിരുന്നില്ല. ഇതിനു പിന്നാലെ സോഷ്യല് മീഡിയയില് വലിയ പരിഹാസമാണ് പല ഹാന്ഡിലുകളും ഉയര്ത്തിയത്. ഇതോടെയാണ് കോണ്ഗ്രസ് നേതാവ് അജയ് തറയിലും രംഗത്തുവന്നത്. പോസ്റ്റിന്റെ താഴെ കോണ്ഗ്രസ് അണികള് വെല്ലുവിളികളും തെറിവിളികളുമായും രംഗത്തുവന്നു. ചിലതിനു ചുട്ട മറുപടിയും അജയ് തറയില് നല്കിയിട്ടുണ്ട്. ‘നിന്റെ പേരില്തന്നെയുണ്ട് നീ ആരാണെന്ന്’ ആണ് ഒരു കമന്റ്. അജയ് തറയിലെ ‘തറയില്’ എന്ന ഭാഗം ഉയര്ത്തിക്കാട്ടിയാണ് കമന്റ് വന്നതെന്നു വ്യക്തം. ‘സാറിന്റെ തൊലിക്കട്ടി ഞങ്ങള് വര്ഷങ്ങളായി കണ്ടുകൊണ്ടിരിക്കുകയല്ലേ, ഒരു പഞ്ചായത്ത് തെരഞ്ഞെടുപ്പിലെങ്കിലും ജയിക്ക്’ എന്നാണു മറ്റൊന്ന്. എന്നാല്, പഴയതുപോലെ സൈബര്…
Read More » -
സംഭാഷണങ്ങള് പോലും മറന്നുപോകുന്നു; മലയാളത്തിന്റെ പ്രിയനടി ഭാനുപ്രിയയ്ക്കു മറവിരോഗം? ദൈനംദിന ജീവിതത്തെയും ബാധിക്കുന്നെന്ന് റിപ്പോര്ട്ട്; രാജശില്പിയും അഴകിയ രാവണനും എങ്ങനെ മറക്കും; നൃത്തത്തില് തുടങ്ങിയ അഭിനയജീവിതം
തൊണ്ണൂറുകളിലെ സിനിമാ പ്രേമികളുടെ മനം കവര്ന്ന ഭാനുപ്രിയയ്ക്കു മറവിരോഗമെന്നും ഡയലോഗുകള് മറന്നുപോകുന്നെന്നും റിപ്പോര്ട്ട്. കൊച്ചുകൊച്ചു സന്തോഷങ്ങള്, അഴകിയ രാവണന് എന്നീ ചിത്രങ്ങളിലൂടെയും മോഹന്ലാലിന്റെ രാജശില്പിയിലും അഴകിന്റെ നിറകുടമായി എത്തിയ താരമാണ് ഭാനുപ്രിയ. മലയാളത്തിന്റെ പ്രിയങ്കരിയായ നടി ഇന്ന് മറവി രോഗത്തിന്റെ പിടിയിലാണ്. സൂപ്പര് താരങ്ങളുടെ നായിക ആന്ധ്ര സ്വദേശിയാണെങ്കിലും മലയാളത്തിലെ സൂപ്പര് താരങ്ങളുടെ നായികയായിരുന്നു ഭാനുപ്രിയ. 1992-ല് രാജശില്പി എന്ന ചിത്രത്തില് മോഹന്ലാലിന്റെ നായികയായി ഭാനുപ്രിയ മലയാളത്തില് തുടക്കം കുറിച്ചു. ഇതിനൊപ്പം തമിഴും തെലുങ്കും കന്നടയിലും അവസരങ്ങള് തേടിയെത്തിയ ഭാനുപ്രിയ പിന്നീട് മലയാളത്തിലേക്ക് എത്തിയത് 1995 ല് സുരേഷ് ഗോപിയുടെ ഹൈവേ എന്ന ചിത്രത്തില്. തൊട്ടടുത്ത വര്ഷം ഭാനുപ്രിയ മമ്മൂട്ടിയുടെ നായികയായി നായകനാക്കി കമല് സംവിധാനം ചെയ്ത ‘അഴകിയ രാവണനി’ലും അഭിനയിച്ചു. കുട്ടിശങ്കരന് എന്ന നായക കഥാപാത്രത്തിനൊപ്പം സിനിമയിലുടനീളം നിറഞ്ഞു നിന്ന അനുരാധ എന്ന കഥാപാത്രം. പിന്നീട് ലെനിന് രാജേന്ദ്രന്റെ ‘കുല’ത്തിലും സുരേഷ് ഗോപിയുടെ നായികയായി. 2000 ത്തില് കൊച്ചുകൊച്ചു സന്തോഷങ്ങളിലെ…
Read More » -
മലയാള സിനിമയുടെ ജാതകം മാറ്റിക്കുറിച്ച കേസ്; പഴയ സിനിമാ ഡയലോഗുകള് പോലും സ്ത്രീ വിരുദ്ധമെന്നു കണ്ട് വിമര്ശിക്കപ്പെട്ട കാലം; തങ്ങള് എഴുതിയതില് പലതും ശരിയായിരുന്നില്ലെന്ന് സമ്മതിച്ച് മുതിര്ന്ന തിരക്കഥാകൃത്തുക്കള്; സിനിമയെ അമ്മാനമാടിയ ദിലീപിന്റെ തകര്ച്ചയ്ക്കു തുടക്കമിട്ടതും അന്നുമുതല്; എല്ലാ സിനിമകളും എട്ടുനിലയില് പൊട്ടി
കൊച്ചി: മലയാള സിനിമയെ അടക്കിവാണ ആണ് തേര്വാഴ്ചയ്ക്കു വിരാമമിട്ട കേസെന്ന നിലയിലും നടിയെ ആക്രമിച്ച കേസ് അറിയപ്പെടും. പുരുഷാധിപത്യത്തിന്റെ കോട്ടകളില് പലതും നിലംപറ്റി. സ്ത്രീത്വത്തെ ബഹുമാനിച്ചില്ലെങ്കിലും അപമാനിക്കരുതെന്ന തിരിച്ചറിവ് സെറ്റുകളില് മാത്രമല്ല, കഥകളിലും തിരക്കഥകളിലും കൂടി വന്നു തുടങ്ങി. മുമ്പെഴുതിയ പല ഡയലോഗുകളും ശരിയായിരുന്നില്ലെന്ന് രണ്ജി പണിക്കര് അടക്കമുള്ള തിരക്കഥാകൃത്തുകള്ക്കു സമ്മതിക്കേണ്ടിവന്നു. പൊളിറ്റിക്കല് കറക്ട്നെസ് എന്നതിനെക്കുറിച്ച് ആഴത്തില് ആലോചിച്ചു ഡയലോഗുകള് പിറന്നു. അപ്പോഴും മലയാള സിനിമയുടെ തലപ്പത്തുള്ള സംഘടനയില് ആണുങ്ങള് ഭരിച്ചു. ഏറ്റവുമൊടുവില് ശ്വേത മേനോനും കുക്കു പരമേശര്വനുമടക്കമുള്ളവര് അധികാരത്തിലേറിയപ്പോഴും വിമര്ശന ശരങ്ങളുണ്ടായി. നടിക്കെതിരേ രൂക്ഷമായ പരാമര്ശങ്ങള് നടത്തിയവരെന്ന വിമര്ശനം പലകോണുകളില്നിന്ന് ഉയര്ന്നു. തൊട്ടുപിന്നാലെയെത്തിയ രാമലീല ഒഴിച്ചുള്ള എല്ലാ സിനിമകളും എട്ടുനിലയില് പൊട്ടി. ടിവിയില് വരുമ്പോള് പോലും സ്ത്രീകള് ദീലീപിന്റെ സിനിമകള് ഒഴിവാക്കി. തിയേറ്ററില് ആളില്ലാതായി. കോടികള് ഇറക്കി ഓണ്ലൈന് പ്രൊമോഷനുകള് നടത്തിയപ്പോള് പോലും സ്ത്രീകള് കൂട്ടത്തോടെ വിട്ടുനിന്നു. മലയാള സിനിമയെന്നത് സാമാന്യ മര്യാദയുള്ളവര് എത്തേണ്ടയിടംകൂടിയാണെന്നു പ്രേക്ഷകര് പറയാതെ പറഞ്ഞു. കേസിലെ…
Read More » -
വരിവരിയായി മടങ്ങി ബാറ്റര്മാര്; മുംബൈയെ തോല്പിച്ചതിന്റെ ആവേശം തീര്ന്നു; തൊട്ടതെല്ലാം പിഴച്ച് കേരളം; സഞ്ജു ഉണ്ടായതുകൊണ്ടു നൂറു പിന്നിട്ടു; ആന്ധ്രയ്ക്കെതിരേ ലക്നൗവില് വന് തോല്വി
ലക്നൗ: കരുത്തരായ മുംബൈയെ തകര്ത്തുവിട്ടതിന്റെ ആവേശത്തില് ആന്ധ്രയ്ക്കെതിരേ ഇറങ്ങിയ കേരളത്തിന് അടിമുടി തകര്ച്ച. സഞ്ജുവിന്റെ പ്രകടനത്തില് കഷ്ടിച്ചു റണ്റേറ്റിലെത്തിയെങ്കിലും തോറ്റുതുന്നംപാടി. സയ്യിദ് മുഷ്താഖ് അലി ട്രോഫിയില് ലക്നൗവില് കളിക്കാനിറങ്ങിയ കേരളത്തിനു തൊട്ടതെല്ലാം പിഴയ്ക്കുകയായിരുന്നു. മത്സരത്തില് ഏഴ് വിക്കറ്റിനായിരുന്നു ആന്ധ്രയുടെ വിജയം. ആദ്യം ബാറ്റ് ചെയ്ത കേരളത്തിന് 20 ഓവറില് ഏഴ് വിക്കറ്റ് നഷ്ടത്തില് 119 റണ്സ് മാത്രമാണ് നേടാനായത്. മറുപടി ബാറ്റിങ്ങിന് ഇറങ്ങിയ ആന്ധ്ര 12-ആം ഓവറില് തന്നെ ലക്ഷ്യത്തിലെത്തി. അര്ധ സെഞ്ചറി നേടിയ ആന്ധ്രയുടെ കെ.എസ്. ഭരതാണ് പ്ലെയര് ഓഫ് ദി മാച്ച്. മുംബൈയ്ക്ക് എതിരെയുള്ള ഉജ്വല വിജയത്തിന്റെ ആത്മവിശ്വാസവുമായി കളിക്കാനിറങ്ങിയ കേരളത്തിന് ആന്ധ്രയ്ക്കെതിരെ ആ മികവ് ആവർത്തിക്കാനായില്ല. ബാറ്റർമാരുടെ ദയനീയ പ്രകടനമാണ് മത്സരത്തിൽ കേരളത്തിന് തിരിച്ചടിയായത്. ടോസ് നഷ്ടപ്പെട്ട് ആദ്യം ബാറ്റ് ചെയ്ത കേരളത്തിന് വേണ്ടി ക്യാപ്റ്റൻ സഞ്ജു സാംസൺ മാത്രമാണ് മികച്ച പ്രകടനം കാഴ്ചവച്ചത്. സഞ്ജുവിന് പുറമെ രണ്ടക്കം കടന്നത് 13 റൺസെടുത്ത നിധീഷ് എംഡി…
Read More » -
വിവാഹചിത്രങ്ങളും ക്രിക്കറ്റ്താരം ഇന്സ്റ്റാഗ്രാമില് നിന്നും നീക്കി ; വിവാഹമോതിരവും സ്മൃതി മന്ദാന ഊരിമാറ്റി ; പുതിയതായി പോസ്റ്റ് ചെയ്ത വീഡിയോയില് പലാഷ് അണിയിച്ച മോതിരം ഇല്ല
മുംബൈ: ഇന്ത്യന് മാധ്യമങ്ങള് ഏറെ ആഘേഷിച്ച വിവാഹമായിരുന്നു സ്മൃതി മന്ദനയുടേയും പലാഷ് മുച്ചലിന്റെയും. ഇരുവരുടേയും വിവാഹവാര്ത്തയും അനുബന്ധ സംഭവങ്ങളും ഏറെ ചര്ച്ച ചെയ്യുന്നതിനിടയില് ഇരുവരും വിവാഹം ഉപേക്ഷിച്ചോ എന്ന തരത്തിലുള്ള ചര്ച്ചകള് വീണ്ടും ഉയരുകയാണ്. തന്റെ ഇന്സ്റ്റാഗ്രാം പേജില് വിവാഹവുമായി ബന്ധപ്പെട്ട ചിത്രങ്ങളെല്ലാം നീക്കം ചെയ്ത സ്മൃതി മന്ദനയുടെ വിരലില് പലാഷ് മുച്ചല് ഇട്ട വിവാഹമോതിരവും ഇപ്പോള് കാണ്മാനില്ല എന്നാണ് കണ്ടെത്തിയിരിക്കുന്നത്. വിവാഹം മാറ്റിവച്ചതിനു ശേഷം ആദ്യമായി സമൂഹമാധ്യമത്തില് കഴിഞ്ഞദിവസം ക്രിക്കറ്റ് താരം പ്രത്യക്ഷപ്പെട്ടിരുന്നു. ഒരു ടൂത്ത്പേസ്റ്റ് ബ്രാന്ഡിന്റെ പ്രൊമോഷനല് വിഡിയോയാണ് സ്മൃതി ഇന്സ്റ്റഗ്രാമില് പങ്കുവച്ചത്. ഇതില് താരത്തിന് പലാശ് മുച്ചല് ഇട്ടുകൊടുത്ത മോതിരം സ്മൃതിയുടെ വിരലില് ഇല്ലാതിരുന്നത് വീണ്ടും അഭ്യൂഹങ്ങള് ഉയര്ത്തുകയാണ്. അതേസമയം പുറത്തുവന്ന ദൃശ്യങ്ങള് വിവാഹ നിശ്ചയത്തിനു ശേഷം പകര്ത്തിയതാണോ മുമ്പത്തേതാണോ എന്ന കാര്യം വ്യക്തമല്ല. നവി മുംബൈയിലെ ഡി.വൈ. പാട്ടീല് സ്റ്റേഡിയത്തില് എത്തിച്ചാണ് പലാശ് സ്മൃതിയോട് വിവാഹ അഭ്യര്ഥന നടത്തിയത്. നവംബര് 23ന് സ്മൃതിയുടെ ജന്മനാടായ സംഗ്ലിയില്വച്ചാണ്…
Read More » -
സ്മൃതിയുടെ വിരലില് പലാഷ് അണിയിച്ച മോതിരമില്ല! കോള്ഗേറ്റിന്റെ പ്രൊമോഷന് വീഡിയോ സമൂഹമാധ്യമങ്ങളില് വൈറല്; വിവാഹം മാറ്റിവച്ചശേഷം പലാഷിനെ അണ്ഫോളോ ചെയ്തു, ചിത്രങ്ങളും നീക്കി; പുതിയ തീയതി പ്രഖ്യാപിക്കാത്തതിലും അഭ്യൂഹം
ന്യൂഡല്ഹി: അപ്രതീക്ഷിതമായി ഉപേക്ഷിച്ച വിവാഹച്ചടങ്ങിന് ശേഷം വനിതാ സൂപ്പര്താരം സ്മൃതി മന്ഥന സമൂഹമാധ്യമങ്ങളില് വീണ്ടും സജീവം. കോള്ഗേറ്റിന്റെ പ്രമോഷനല് വിഡിയോ പങ്കുവച്ചാണ് താരം സമൂഹമാധ്യമങ്ങളില് സജീവമായത്. വിഡിയോ സ്മൃതിയുടെ വിവാഹ നിശ്ചയത്തിന് മുന്പ് ഷൂട്ട് ചെയ്തതാണോ പിന്നീട് ചിത്രീകരിച്ചതാണോ എന്നതില് വ്യക്തതയില്ല. പക്ഷേ ആരാധകരുടെ ശ്രദ്ധയത്രയും സ്മൃതിയുടെ കൈകളിലേക്കായിരുന്നു. വിരലില് പലാഷ് അണിയിച്ച മോതിരം കാണാനില്ല. ഇതോട സമൂഹ മാധ്യമങ്ങളില് പലതരം ചര്ച്ചകളാണ് . അഭ്യൂഹങ്ങള് ശരിവയ്ക്കുന്നതാണ് സ്മൃതിയുടെ വിഡിയോയെന്നും പലാഷിന്റെ ചതി തന്നെ കാരണമെന്നും ചിലര് കുറിച്ചു. മറ്റൊരു വിവാഹ തീയതി ഇതുവരെ പ്രഖ്യാപിക്കാത്തതും മോതിരം കാണാത്തതുമെല്ലാം വിവാഹം ഉപേക്ഷിച്ചെന്ന വാദത്തിന് ബലം പകരുന്നുവെന്നും ആളുകള് പറയുന്നു. നവംബര് 23ന് സാംഗ്ലിയില് വച്ചാണ് പലാഷിന്റെയും സ്മൃതിയുടെയും വിവാഹം നടത്താന് നിശ്ചയിച്ചിരുന്നത്. എന്നാല് വിവാഹത്തിന് മണിക്കൂറുകള് ശേഷിക്കെ സ്മൃതിയുടെ പിതാവ് ശ്രീനിവാസ് മന്ഥനയ്ക്ക് ഹൃദയാഘാതമുണ്ടായി. തുടര്ന്ന് അദ്ദേഹത്തെ ആശുപത്രിയില് പ്രവേശിപ്പിച്ചു. ഇതോടെ വിവാഹം മാറ്റിവച്ചതായി കുടുംബം അറിയിക്കുകയായിരുന്നു. പിന്നാലെ പലാഷും ആശുപത്രിയില്…
Read More » -
പിന്തുണച്ചവന് പൂജപ്പുരയില്, കുറ്റാരോപിതന് റിസോര്ട്ടില്! മാങ്കൂട്ടത്തിലിന്റെ അറസ്റ്റ് തടഞ്ഞതോടെ രാഹുല് ഈശ്വര് വീണ്ടും എയറില്; വീണ്ടും ട്രോളിക്കൊന്ന് സോഷ്യല് മീഡിയ; രേഖകള് ഹാജരാക്കുംവരെ അകത്ത്
തിരുവനന്തപുരം: ലൈംഗിക പീഡനക്കേസില് അറസ്റ്റ് തടഞ്ഞതോടെ രാഹുല് മാങ്കൂട്ടത്തിലിന് താത്കാലിക ആശ്വാസമുണ്ടെങ്കിലും ശക്തമായി വാദിച്ചു സോഷ്യല് മീഡിയയില് എത്തയ രാഹുല് ഈശ്വര് അകത്തുതന്നെ. കുറ്റാരോപിതന്റെ അറസ്റ്റ് തടയുകയും പിന്തുണച്ചയാള് അകത്താകുകയും ചെയ്ത അപൂര്വ സാഹചര്യത്തിനാണ് ഇന്നു കേരളം സാക്ഷിയാകുന്നത്. രാഹുല് ഈശ്വര് ജയിലിലായതിനു പിന്നാലെ സോഷ്യല് മീഡിയയില് ട്രോള്മഴയായിരുന്നു. ‘എന്തൊക്കെയായിരുന്നു? മലപ്പുറം കത്തി, മെഷീന് ഗണ്, അമ്പും വില്ലും’ എന്നു തുടങ്ങുന്ന ട്രോളുകള് ‘മറ്റൊരുത്തന്റെ പീഡനക്കേസിന് ലോകത്ത് ആദ്യമായി അകത്തുപോകുന്ന മറ്റൊരുത്തന്’ എന്നതു വരെയെത്തി. പൗഡിക്കോണത്തെ വീട്ടില് തെളിവെടുപ്പിനായി കൊണ്ടുവന്നപ്പോഴും രാഹുല് ഈശ്വര് മാധ്യമങ്ങളോട് ഉറക്കെ വിളിച്ചുപറഞ്ഞത് ഇങ്ങനെ. ‘രാഹുല് മാങ്കൂട്ടത്തിലിന് അനുകൂലമായി വീഡിയോ ചെയ്യുന്നത് നിര്ത്തണമെന്നാണ് എന്നോട് ആവശ്യപ്പെട്ടിരിക്കുന്നത്, നിര്ത്തില്ല’. ഇതിന് പിന്നാലെ കോടതി രാഹുലിനെ റിമാന്ഡ് ചെയ്തതോടെ സൈബറിടത്ത് ട്രോള് പൂരത്തിന്റെ വേലിയേറ്റമായിരുന്നു. ഇന്നലെ സാറെ എനിക്ക് ഏഴു മണിക്ക് ചര്ച്ചയുണ്ട് എന്നെ വിടുമോ എന്ന് ചോദിച്ച് പോയ ആള് ഇന്ന് ഇനി ജയില് പൊലീസുകാരോട് ‘സാറെ എനിക്ക്…
Read More » -
ചാനല് വാര്ത്ത മുക്കിയത് 24 മണിക്കൂര്; രാഹുല് മാങ്കൂട്ടത്തിലിന് എതിരായ രണ്ടാമത്തെ പെണ്കുട്ടിയുടെ പരാതി എല്ലാ ചാനലും ബ്രേക്കിംഗ് ആക്കിയപ്പോള് അനങ്ങിയില്ല; ‘സ്ക്രോള് പോലും നല്കാതെ മുക്കിയശേഷം പരാജയപ്പെട്ടതിന്റെ ജാള്യം മറയ്ക്കാന് ശ്രമിക്കുന്നു’; സോഷ്യല് മീഡിയയില് വിമര്ശനം
തിരുവനന്തപുരം: രാഹുല് മാങ്കൂട്ടത്തിലിന് എതിരായ രണ്ടാമത്തെ പെണ്കുട്ടിയുടെ വെളിപ്പെടുത്തല് 24 മണിക്കൂര് മുക്കിവച്ച ചാനലിനെതിരേ സോഷ്യല് മീഡയയില് വന് വിമര്ശനം. രാഹുലിനെതിരേ ഗര്ഭഛിദ്ര ആരോപണങ്ങളുമായി ആദ്യ അതിജീവിത രംഗത്തുവന്നതിനുശേഷം കോണ്ഗ്രസ് നേതാക്കള് തങ്ങള്ക്കു പരാതികളൊന്നും ലഭിച്ചില്ലെന്ന് ആരോപിച്ചു രംഗത്തുവന്നിരുന്നു. ഇതിനു പിന്നാലെയാണ് തനിക്കുണ്ടായ ക്രൂരമായ ബലാത്സംഗത്തെക്കുറിച്ചുള്ള വിവരങ്ങള് പുറത്തുവിട്ട് പെണ്കുട്ടിയുടെ ഇ-മെയില് പുറത്തുവന്നത്. അതീവ ഗുരുതരമായ ആരോപണങ്ങളായതിനാല് കേരളത്തിലെ ചാനലുകളെല്ലാം ഈ വാര്ത്ത പുറത്തുവിട്ടിരുന്നു. പരാതിയുടെ കോപ്പി കെപിസിസി പ്രസിഡന്റ് സണ്ണി ജോസഫിനു കൈമാറിയെന്നും പെണ്കുട്ടി തെളിവു സഹിതം പുറത്തുവിട്ടു. ഇത് ഡിജിപിക്കു കൈമാറിയെന്നു തൊട്ടുപിന്നാലെ കെപിസിസി പ്രസിഡന്റ് വ്യക്തമാക്കുകയും ചെയ്തു. രാഹുല് മാങ്കൂട്ടത്തിലിന്റെ ജാമ്യഹര്ജി കോടതി പരിഗണിച്ചപ്പോള് ഇതു സംബന്ധിച്ച തെളിവു നല്കാന്കൂടിയാണ് പ്രോസിക്യൂഷന് സമയം നീട്ടിച്ചോദിച്ചത്. ഇത്രയും ഗുരുതരമായ ആരോപണങ്ങളായിട്ടും 24 മണിക്കൂറോളം വാര്ത്ത മുക്കുകയാണ് ‘നേരോടെ, നിര്ഭയം, നിരന്തരം’ ചാനല് ചെയ്തതെന്നു സോഷ്യല് മീഡിയയില് സജീവമായി ഇടപെടുന്ന എഴുത്തുകാരന് ബഷീര് വള്ളിക്കുന്ന് ആരോപിക്കുന്നു. …
Read More » -
വീണുതുടങ്ങിയതോടെ വിമര്ശനങ്ങളുമായി യുവ നേതാക്കളും; ‘രാഹുലിനെ അറിയാതെ വളര്ത്തിയവര് തിരുത്തിയപ്പോള് അറിഞ്ഞു വളര്ത്തിയവര് മിണ്ടാതിരുന്നു, ഉത്തരവാദിത്വം എന്തും ചെയ്യാന് ലൈസന്സ് നല്കിയവര്ക്ക്’; ഷാഫിക്ക് ഒളിയമ്പുമായി മാത്യു കുഴല്നാടനും
കൊച്ചി: രാഹുൽ മാങ്കൂട്ടത്തിൽ വിവാദത്തിൽ ഷാഫി പറമ്പിലിനെതിരെ പരോക്ഷ വിമർശനവുമായി മാത്യു കുഴൽനാടൻ എംഎൽഎ. രാഹുലിന്റെ പതനത്തിന് ഉത്തരം നൽകേണ്ടത് അതിവേഗം വളർത്തിയവരാണെന്നാണ് ഫേസ്ബുക്ക് കുറിപ്പിലൂടെ മാത്യു കുഴൽനാടൻ പറഞ്ഞത്. രാഹുലിനെ അറിയാതെ വളർത്തിയവർ തിരുത്തിയപ്പോഴും അറിഞ്ഞ് വളർത്തിയവർ മിണ്ടാതിരുന്നു. പാർട്ടിയേക്കാൾ മീഡിയ സ്വീകാര്യതക്ക് അവർ പ്രാധാന്യം നൽകിയെന്നും കുറിപ്പിൽ പറയുന്നു. മാങ്കൂട്ടത്തിൽ വിവാദത്തിൽ പറയാൻ ആഗ്രഹിച്ച കാര്യങ്ങളെക്കുറിച്ച് മിനിമോഹൻ എഴുതിയ കുറിപ്പ് പങ്കുവെച്ചാണ് മാത്യു കുഴൽനാടൻ്റെ വിമർശനം. സെലിബ്രിറ്റി രാഷ്ട്രീയക്കാർ കൃത്രിമമായി നിർമിക്കപ്പെടുന്ന കാലത്ത് പ്രസ്ഥാന മൂല്യം നഷ്ടമായെന്നാണ് കുറിപ്പിൽ പറയുന്നത്. പാർട്ടി നടപടി ദഹിക്കാത്ത ചിലർ പൊട്ടിത്തെറിച്ച പ്രതികരണത്തിലൂടെ വിഷയം പാർട്ടിക്കെതിരാക്കി. രാഷ്ട്രീയ പ്രവർത്തനം സെലിബ്രിറ്റികളുടെ കയ്യിൽ ഏൽപ്പിച്ചപ്പോൾ പ്രസ്ഥാനത്തെ സംരക്ഷിക്കാതെ വ്യക്തികളെ സംരക്ഷിക്കുന്ന വാണിജ്യചിന്തയിലേക്ക് വഴുതിപ്പോയി. രാഹുലിനെ ഉമ്മൻ ചാണ്ടിയോട് ഉപമിച്ചത് അസംബന്ധം. രാഹുലിനെ അറിയാതെ വളർത്തിയവർ തിരുത്തിയപ്പോഴും അറിഞ്ഞ് വളർത്തിയവർ മിണ്ടാതിരുന്നു. പാർട്ടിയേക്കാൾ മീഡിയ സ്വീകാര്യതക്ക് അവർ പ്രാധാന്യം നൽകിയെന്നും വിമർശനം. പോസ്റ്റിൻ്റെ പൂർണരൂപം…
Read More »