Social Media
-
രാഹുല് മാങ്കൂട്ടം നഷ്ടപ്പെടുത്തിയത് കോണ്ഗ്രസിനോടുള്ള സ്ത്രീകളുടെ വിശ്വാസ്യത; പരാതി പറഞ്ഞിട്ടും നടപടിയില്ല; അവസാന നിമിഷംവരെ തള്ളിപ്പറയാതിരുന്നത് തെരഞ്ഞെടുപ്പില് തിരിച്ചടിയാകുമെന്ന് വിലയിരുത്തല്; സൈബര് ഇടങ്ങളിലെ പ്രതികരണങ്ങളും പ്രതികൂലം; കാലം മാറിയത് അറിയാതെ പോകരുതെന്നും മുന്നറിയിപ്പ്
തിരുവനന്തപുരം: ലൈംഗികാരോപണ കേസുകളില് കോടതിവിധി വരുന്നതുവരെ രാഹുല് മാങ്കൂട്ടത്തിലിനെ സംരക്ഷിച്ച കോണ്ഗ്രസ് നടപടി സ്ത്രീ വോട്ടര്മാര്ക്കിടയില് തിരിച്ചടിയായേക്കുമെന്നു വിലയിരുത്തല്. ശബരിമല വിവാദമുണ്ടായപ്പോള് സര്ക്കാരിനെതിരേ സ്ത്രീകള്ക്കിടയില് രണ്ടുപക്ഷമുണ്ടായതുപോലെയല്ല, ഇക്കുറി സ്ത്രീകള് നിലപാടെടുക്കുന്നതെന്നും കോണ്ഗ്രസ് നേതാക്കളുടെതന്നെ വിലയിരുത്തല്. നടിയെ ആക്രമിച്ച കേസില് ദിലീപിനെതിരേ സമൂഹത്തില് ഉയര്ന്ന വികാരങ്ങള്ക്കും മുകളിലാണ് രാഹുല് മാങ്കൂട്ടത്തിലിനെതിരേ മൃദൃ നിലപാട് എടുത്തതിലൂടെ കോണ്ഗ്രസ് എത്തിച്ചേര്ന്നിരിക്കുന്നതെന്നും ചൂണ്ടിക്കാട്ടുന്നു. ഇക്കാര്യത്തില് പ്രിയങ്ക ഗാന്ധിയടക്കമുള്ള ദേശീയ നേതാക്കളും രാഹുല് ഗാന്ധിയും മൗനത്തിലാണ്. രാഹുലിനെതിരേ ആദ്യ വിവാദമുയര്ന്നപ്പോള്തന്നെ അണിയറക്കഥകള് അറിയാവുന്ന കോണ്ഗ്രസ് നേതാക്കളായ സ്ത്രീകള്തന്നെ ഒറ്റയ്ക്കൊറ്റയ്ക്കു രംഗത്തുവന്നിരുന്നു. അന്ന് അവരെ ഒറ്റക്കെട്ടായി എതിര്ക്കുകയോ തള്ളിപ്പറയുകയോ ഒറ്റപ്പെടുത്തുകയോ ചെയ്യുകയാണ് ഉണ്ടായത്. സംഘടനാ ചുമതലയുള്ള എഐസിസി സെക്രട്ടറി കെ.സി. വേണുഗോപാലിന്റെ ഭാര്യയും ഉമ തോമസും ബിന്ദു കൃഷ്ണയും ഷാനി മോള് ഉസ്മാനും താര ടോജോ അലക്സുമടക്കമുള്ളവര് ശക്തമായ നിലപാട് എടുത്തപ്പോഴും സൈബര് വെട്ടുക്കിളി കൂട്ടത്തെ ഉപയോഗിച്ചു നിശബ്ദരാക്കി. ഇതിനെതിരേ ഒറ്റപ്പെട്ട ശബ്ദങ്ങള് ഒഴിച്ചാല് കോണ്ഗ്രസിന്റെ ആണ് നേതൃത്വമാകെ മൗനം…
Read More » -
‘ബാഹുബലിയെ ചതിച്ചു കൊന്നതുപോലെ നിന്നെയും, നിന്നെ ഇല്ലായ്മ ചെയ്തവര്ക്ക് ബാലറ്റ് പേപ്പറിലൂടെ കേരളത്തിലെ സ്ത്രീകള് മറുപടി നല്കും’; മാങ്കൂട്ടത്തിലിനെ പിന്തുണച്ച് കോണ്ഗ്രസ് പ്രവര്ത്തകയുടെ കുറിപ്പ് വൈറല്; ‘നിന്റെ ശബ്ദവും നെഞ്ചുറപ്പും ആരെയോ ഭയപ്പെടുത്തുന്നു’
കോട്ടയം: ബലാത്സംഗക്കേസില് പ്രതിയായ രാഹുല് മാങ്കൂട്ടത്തില് എംഎല്എയെ പിന്തുണച്ച് കോണ്ഗ്രസ് പ്രവര്ത്തകയുടെ കുറിപ്പ് സൈബറിടത്ത് വൈറല്. മുണ്ടക്കയം ബ്ലോക്ക് കോണ്ഗ്രസ് കമ്മിറ്റി എക്സിക്യൂട്ടീവ് അംഗം ജിഷ കളരിക്കലാണ് രാഹുലിനെ പിന്തുണച്ച് രംഗത്ത് വന്നത്. രാഹുലിനെ ഇല്ലായ്മ ചെയ്തവര്ക്ക് കേരളത്തിലെ സ്ത്രീകള് മറുപടി നല്കുമെന്നും നിന്റെ അമ്മയുടെ ഹൃദയം നോവുന്നപോലെ ഈ കേരളത്തിലെ ഓരോ അമ്മമാരുടെയും ഹൃദയം നോവുന്നുണ്ടെന്നും കുറിപ്പില് പറയുന്നു. ബാഹുബലിയെ ചതിച്ചു കൊന്നതുപോലെ രാഹുലിനെയും എന്ന് പറഞ്ഞാണ് കുറിപ്പ് അവസാനിക്കുന്നത്. കുറിപ്പിന്റെ പൂര്ണരൂപം രാഹുലാ…… നിന്റെ കൂടെ നിന്നെ ഇല്ലായ്മ ചെയ്തവര്ക്ക് ബാലറ്റ് പേപ്പറിലൂടെ ഈ കേരളത്തിലെ സ്ത്രീകള് മറുപടി നല്കും അത് ആരാണെന്ന് ഈ കേരളത്തിലെ സ്ത്രീകള്ക്ക് അറിയാം കാലം എല്ലാത്തിനും മറുപടി നല്കും നിന്റെ ശബ്ദം നിന്റെ നെഞ്ചുറപ്പ് നിന്റെ വളര്ച്ച ആരൊക്കെയോ ഭയപ്പെട്ടു. കൊലപാതകികള്ക്ക് വരെ സംരക്ഷണം നല്കുന്നവരില് ചിലര് നിന്നെ ഒറ്റു കൊടുത്തത് അതുകൊണ്ടാണ്. ഇപ്പോള് നിനക്ക് മനസ്സില് ആയില്ലേ ആരും കൂടെ കാണില്ല…
Read More » -
‘ഈ മനുഷ്യന് സത്യമായും നീതിമാനായിരുന്നു’; ഉമ്മന് ചാണ്ടിക്കൊപ്പമുള്ള ചിത്രം പങ്കുവച്ച ജെ.എസ്. അഖിലിനെതിരേയും മാങ്കൂട്ടത്തിലിന്റെ പിആര് സംഘം; യൂത്ത് കോണ്ഗ്രസില് ചേരിതിരിഞ്ഞ് അടി തുടങ്ങി; ഷാഫി- രാഹുല് ടീമിനെതിരേ അതൃപ്തര് ഒന്നൊന്നായി പുറത്തേക്ക്
തിരുവനന്തപുരം: രാഹുല് മാങ്കൂട്ടത്തില് വിഷയത്തിനിടെ മുന് മുഖ്യമന്ത്രിയും മുതിര്ന്ന കോണ്ഗ്രസ് നേതാവുമായിരുന്ന ഉമ്മന്ചാണ്ടിക്കൊപ്പമുള്ള ചിത്രം പങ്കുവെച്ച കെപിസിസി അംഗത്തിനെതിരെ സൈബര് ആക്രമണം. മുന് യൂത്ത് കോണ്?ഗ്രസ് നേതാവായിരുന്ന ജെ.എസ്. അഖിലാണ് മാങ്കൂട്ടത്തിലിന്റെ മുന്കൂര് ജാമ്യാപേക്ഷ കോടതി തള്ളിയതിന് പിന്നാലെ സോഷ്യല്മീഡിയില് ചിത്രം പോസ്റ്റ് ചെയ്തത്. എന്നാല് മാങ്കൂട്ടത്തിലിന്റെ പിആര് സംഘവും കോണ്ഗ്രസിലെ ഒരുവിഭാഗവും രൂക്ഷമായ വിമര്ശനമാണ് അഖിലിനെതിരെ നടത്തുന്നത്. ഷാഫി പറമ്പിലിന് ശേഷം യൂത്ത് കോണ്ഗ്രസ് സംസ്ഥാന അധ്യക്ഷനായി അഖിലിനെയായിരുന്നു ഉമ്മന്ചാണ്ടി നിര്ദേശിച്ചത്. എന്നാല് ഇതിനെ ശക്തമായി എതിര്ത്ത്, മാങ്കൂട്ടത്തിലിനായി ചരടുവലിച്ചു. മുമ്പത്തെയത്ര രൂക്ഷമല്ലെങ്കിലും ‘നീ ഹാപ്പി ആയല്ലോ, അതു മതി. നിന്നെ വെളുപ്പിക്കാന് ആ വലിയ മനുഷ്യനെ കൂട്ടുപിടിക്കേണ്ട’ എന്നായിരുന്നു ആദ്യ കമന്റ്. ഇതിനു പിന്നാലെ നിരവധിപ്പേര് എടാപോടാ വിളികളുമായി കമന്റില് നിറഞ്ഞു. ‘കാറ്റുള്ളപ്പോള് തൂറ്റുന്ന നിന്നെയൊക്കെ ഇനിയും മാറ്റി നിര്ത്തണം’, ’30 താഴെ മാത്രം വോട്ടുകിട്ടിയ മണ്ഡലം പ്രസിഡന്റ് ആകാന് യോഗ്യതയില്ലാത്ത പ്രാഞ്ചി അഖില്’, ‘എല്ലാ മാധ്യമനാറികളും അദ്ദേഹത്തെ…
Read More » -
പോലീസിന്റെ അടിയേറ്റത് മര്മ്മത്തു തന്നെ; രാഹുല് ഈശ്വറിന്റെ അറസ്റ്റിനു പിന്നാലെ മാളത്തിലൊളിച്ച് സൈബര് വെട്ടുക്കിളിക്കൂട്ടം; തലപ്പത്തുനിന്ന് ബല്റാമിനെ തെറിപ്പിച്ചതോടെ അവസാന ആണിയും അടിച്ചു; സൈബര് ഇടത്ത് സ്ത്രീകള്ക്ക് എതിരേ നടത്തിയത് സമാനതകളില്ലാത്ത തെറിവിളി; ഇനി കാത്തിരിക്കുന്നത് കേസുകളുടെ നിര
തിരുവനന്തപുരം: സോഷ്യല് മീഡിയയില് അഴിഞ്ഞാടിയ സൈബര് വെട്ടുക്കിളിക്കൂട്ടം രാഹുല് ഈശ്വറിന്റെ അറസ്റ്റിനു പിന്നാലെ മാളത്തിലേക്ക്. രാഹുല് ഈശ്വര് അടക്കം മുപ്പതോളം ആളുകള്ക്കെതിരേ പോലീസ് കേസെടുത്തു. ബിജെപിയില്നിന്ന് കോണ്ഗ്രസിലെത്തിയ സന്ദീപ് ജി. വാര്യരടക്കം ഇപ്പോഴും ഒളിവിലാണ്. സൈബര് സെല് തലപ്പത്തുനിന്ന് വി.ടി. ബല്റാമിനെ തെറിപ്പിച്ചു ഹൈബി ഈഡനു ചുമതല നല്കിയതും നിര്ണായക തീരുമാനമായിരുന്നു. ഇതിനുശേഷം സൈബര് ആക്രമണത്തിനു കാര്യമായ കുറവുണ്ടായി. മുതിര്ന്ന നേതാക്കളും ശക്തമായി രംഗത്തുവന്നതോടെ വെടിയൊച്ച കേട്ടപോലെ എല്ലാം ചിതറി. അതിജീവിതയ്ക്കും അവളെ പിന്തുണച്ച് എത്തിയ സ്ത്രീകള് അടക്കമുള്ളവര്ക്കെതിരേ വൃത്തികെട്ട ഭാഷയിലായിരുന്നു രാഹുല് ഈശ്വറിന്റെ രംഗപ്രവേശം. പുരുഷന്മാരെ സ്ത്രീ പീഡനങ്ങളില്നിന്നു രക്ഷിക്കാന് ‘മെന്സ് കമ്മീഷന്’ വേണമെന്ന ആവശ്യവുമായാണ് രാഹുല് ഈശ്വര് രംഗത്തുവന്നത്. അതിന്റെ ഭാഗമായി എല്ലാ ജില്ലകളിലെയും പ്രസ് ക്ലബുകളില് വാര്ത്താ സമ്മേളനങ്ങള് വിളിച്ചു. എവിടെയൊക്കെ സ്ത്രീകള് ആരോപണങ്ങളുമായി രംഗത്തു വന്നോ, അവിടെയെല്ലാം ഈശ്വര് അവതാരമായി രംഗത്തുവന്നു. ഏറ്റവുമൊടുവില് ബോബി ചെമ്മണ്ണൂരിനെതിരേ നടി ഹണി റോസ് രംഗത്തു വന്നപ്പോഴും രാഹുല് ഈശ്വര്…
Read More » -
‘എന്റെ കൊച്ചിനെയും കൊണ്ടുനടന്നു സെക്സ് ആസ്വദിക്കേണ്ട ഗതികേട് എനിക്കില്ല, ജയില് ഡയറീസ് പുറത്തുവരും’; വന്നു കിടന്നുറങ്ങടാ എന്നു കൈയോങ്ങിയപ്പോള് ഉണ്ടായ പോറലില് കലാമിന് ലോഷന് പുരട്ടി മുന് ഭര്ത്താവുണ്ടാക്കിയ കള്ളക്കഥ; പങ്കാളിക്കൊപ്പം മകനെ ക്രൂരമായി ആക്രമിച്ചെന്ന കേസില് യുവതി
കൊച്ചി: പങ്കാളിക്കൊപ്പം ചേര്ന്ന് മകനെ ക്രൂരമായി ആക്രമിച്ചുവെന്ന കേസില് വിശദീകരണവുമായി യൂട്യൂബ് ചാനല് അവതാരകയും സിവില് സപ്ലൈസ് മുന് ഉദ്യോഗസ്ഥയുമായ യുവതി. പന്ത്രണ്ടുവയസുകാരനായ മകനെ ഉപദ്രവിക്കേണ്ട കാര്യം തനിക്കില്ലെന്നും മുന്ഭര്ത്താവിന്റെ കള്ളക്കഥയാണെന്നുമാണ് യുവതിയുടെ വിശദീകരണം. ‘വന്ന് കിടന്നുറങ്ങെടാ’ എന്ന് പറഞ്ഞ് കയ്യോങ്ങിയപ്പോള് ഉണ്ടായ പോറലില് കലാമിന് ലോഷന് തേച്ച് മുന് ഭര്ത്താവ് മെനഞ്ഞ കഥയാണ് പുറത്ത് ഓടുന്നതെന്നും കുറിപ്പില് പറയുന്നു. പത്തുപേരെ നിരത്തിയിരുത്തി വാര്ത്താസമ്മേളനം നടത്തി നിരപരാധിത്തം തെളിയിക്കാന് കഴിയുമെന്നും പക്ഷേ താനത് ചെയ്യുന്നില്ലെന്നും അവര് പറയുന്നു. കേസും പ്രശ്നങ്ങളും കാരണം ജോലി നഷ്ടമായെന്നും മകനോട് അല്പമെങ്കിലും ആത്മാര്ഥതയുണ്ടെങ്കില് അതിനു ചെലവിന് നല്കണമെന്നും യുവതി ആവശ്യപ്പെടുന്നുണ്ട്. മകന്റെ വിദ്യാഭ്യാസ ചെലവിനായി പണം ആവശ്യപ്പെട്ടപ്പോള് മുന്ഭര്ത്താവ് നിഷേധിച്ചെന്നും ഇതോടെ കുട്ടിയുടെ സമ്മതത്തോടെ കഴിഞ്ഞ ഏപ്രിലില് താന് കേസ് കൊടുത്തുവെന്നും നിലവിലെ സംഭവങ്ങള് വൈരാഗ്യം തീര്ത്തതാണെന്നും കുറിപ്പില് പറയുന്നു. ചെലവിന് പണം നല്കാന് കഴിയില്ലെങ്കില് ഇങ്ങനെ ചെയ്യേണ്ടിയിരുന്നില്ലെന്നും സര്ജറി കഴിഞ്ഞ്, മെഡിക്കല് ലീവില് വിശ്രമിക്കുമ്പോള്…
Read More » -
‘നിലപാടുകളുടെ രാജകുമാരി, ശിശുദിനാശംസകള്’; ‘പൊത്തിനകത്തുനിന്ന് ഇറങ്ങിയോ, നേരാങ്ങള തിരിച്ചെത്തിയോ?’; ‘ഒരാളുടെ സന്തോഷത്തിന് കാരണമാകുമെങ്കില് ആത്മസംതൃപ്തിയെന്ന’ സീമ ജി. നായരുടെ പുതിയ വിശദീകരണത്തിനും സോഷ്യല് മീഡിയയില് പൊങ്കാല
കൊച്ചി: രാഹുല് മാങ്കൂട്ടത്തില് എംഎല്എക്കെതിരെ ശബ്ദരേഖയും ചാറ്റ് സ്ക്രീന് ഷോര്ട്ടും പുറത്തുവന്ന സമയത്ത് പിന്തുണയുമായി എത്തിയ സീമ ജി. നായരുടെ പുതിയ വിശദീകരണത്തിനെതിരേയും രൂക്ഷ വിമര്ശനം. രാഹുലിനെ പിന്തുണച്ചതിന്റെ പേരില് നടിക്ക് നേരെ വലിയ വിമര്ശനമാണ് സോഷ്യല് മീഡിയയില് വരുന്നത്. വിമര്ശകരുടെ വായടപ്പിക്കുന്ന മറുപടിയാണ് സീമ നല്കുന്നത്. പുതിയ പോസ്റ്റിന് താഴെ വന്ന കമന്റുകള്ക്ക് അതേ നാണയത്തില് സീമ ജി നായര് മറുപടി നല്കുന്നുണ്ട്. ”അനുവദിക്കപ്പെടുന്ന ആയുസിനപ്പുറത്തേക്ക് ആര്ക്കും ജീവിക്കാനാവില്ല, ഈ ജീവിതത്തില് ഒരാളുടെയെങ്കിലും സന്തോഷത്തിന് നമ്മള് കാരണം ആവുമെങ്കില്, അതാകും ഏറ്റവും വലിയ ആത്മ സംതൃപ്തി.. എല്ലാവര്ക്കും നന്മകള് നേരുന്നു” എന്നായിരുന്നു സീമ ജി. നായരുടെ കുറിപ്പ്. ഇതിന് താഴെയാണ് പരിഹാസ കമന്റുകള്. ആ ഒരാളുടെ സന്തോഷം ആയിരം സ്ത്രീകളെ പീഡിപ്പിച്ചിട്ട് ആകരുതെന്നാണ് ഒരു കമന്റ്. താന് പീഡിപ്പിച്ചില്ലല്ലോ എന്നാണ് സീമയുടെ മറുപടി. ‘മാങ്കൂട്ടത്തിന് സന്തോഷം നല്കിയപ്പോള് സന്തോഷായില്ലേ ചേച്ചീ, ആ സന്തോഷം നല്കലിന് ചേച്ചിക്ക് എത്ര രൂപയുടെ…
Read More » -
എസ്ഐആറിന്റെ പേരിലും സൈബര് തട്ടിപ്പ്; എന്യുമറേഷന് ഫോമിന്റെ വ്യാജ ലിങ്കുകള് പ്രചരിക്കുന്നു; സോഷ്യല് മീഡിയ അക്കൗണ്ടിലൂടെയും എസ്എംഎസിലൂടെയും ഉള്ള ലിങ്കുകളില് ക്ലിക്ക് ചെയ്യരുത്; മുന്നറിയിപ്പുമായി പോലീസ്
ന്യൂഡല്ഹി: രാജ്യത്ത് തീവ്ര വോട്ടര്പട്ടിക പരിഷ്കരണം (എസ്ഐആര്) തുടരുന്നതിനിടെ പട്ടികയില് പേര് ചേര്ക്കാനെന്ന വ്യാജേന ലിങ്കുകള് അയച്ച് സൈബര് തട്ടിപ്പ്. സോഷ്യല് മീഡിയ അക്കൗണ്ടുകള് വഴിയും ടെക്സ്റ്റ് മെസേജുകളിലൂടെയുമാണ് എസ്ഐആര് പ്രക്രിയയുടെ ഭാഗമെന്ന രീതിയില് സന്ദേശങ്ങള് പ്രചരിക്കുന്നത്. എന്യൂമെറേഷന് ഫോമിന്റെ ലിങ്ക് എന്ന പേരിലാണ് മെസേജുകള് എത്തുന്നതെന്ന് രാജസ്ഥാന് സൈബര് ക്രൈം ഡിജിപി സഞ്ജയ് അഗര്വാള് പറഞ്ഞു. ഫോം പൂരിപ്പിച്ചില്ലെങ്കില് വോട്ടര് പട്ടികയില് നിന്ന് പേരുവെട്ടുമെന്നാണ് വ്യാജ സന്ദേശങ്ങളില് പറയുന്നത്. ഇതിനൊപ്പമുള്ള ലിങ്കില് ക്ലിക്ക് ചെയ്താല് ഒടിപി അല്ലെങ്കില് പ്രോസസിംഗ് ഫീസ് ആവശ്യപ്പെടും. ഈ രീതിയാണ് കുറ്റവാളികള് പിന്തുടരുന്നതെന്നും, രഹസ്യ വിവരങ്ങളും പണവും മോഷ്ടിക്കാന് ഉദ്ദേശിച്ചുള്ളതാണ് ഇതെന്നും അഗര്വാള് മുന്നറിയിപ്പ് നല്കി. എസ്ഐആര് പ്രക്രിയയുടെ ഭാഗമാകാന് വോട്ടര്മാര് ബൂത്ത് ലെവല് ഓഫീസറെ നേരില് കാണണമെന്നും എസ്ഐആര് അല്ലെങ്കില് വോട്ടര് കാര്ഡുമായി ബന്ധപ്പെട്ട അപ്ഡേറ്റുകള്ക്കായി ഔദ്യോഗിക വെബ്സൈറ്റുകളെ മാത്രം ആശ്രയിക്കണമെന്നും മുന്നറിയിപ്പില് പറയുന്നു. എസ്ഐആര് പ്രക്രിയ സൗജന്യമാണെന്നും തിരഞ്ഞെടുപ്പ് കമ്മീഷന് കോളുകളിലൂടെയോ സന്ദേശങ്ങളിലൂടെയോ…
Read More » -
‘നിങ്ങള് ആര്ക്കിട്ട്, എവിടെയാണ് കുത്തുന്നത് എന്ന് ഓര്ത്തുവച്ചോ?’; ‘നീയൊക്കെക്കൂടി ആരെയാടാ തോല്പ്പിക്കാന് നില്ക്കുന്നത്’? രാഹുലിനെതിരേ പോസ്റ്റിട്ട കോണ്ഗ്രസ് നേതാവ് രാജു പി. നായര്ക്കും സൈബര് അണികളുടെ പൊങ്കാല; വ്യത്യസ്തനാകാന് നോക്കിയാലും ഉളുപ്പു വേണമെന്നും കമന്റ്
തിരുവനന്തപുരം: രാഹുല് മാങ്കൂട്ടത്തില് പ്രതിയായ ലൈംഗിക പീഡന പരാതിയിലെ ഇരയുടെ വ്യക്തിത്വം വെളിപ്പെടുത്തുന്ന തരത്തില് സമൂഹ മാധ്യമങ്ങളില് പ്രതികരിച്ച രാഹുല് ഈശ്വറിനെ കഴിഞ്ഞ ദിവസമാണ് പൊലീസ് അറസ്റ്റ് ചെയ്തത്. ഇതിന് പിന്നാലെ രാഹുലിനെ വിമര്ശിച്ച് കോണ്ഗ്രസ് നേതാവ് രാജു പി നായര് ഫെയ്സ്ബുക്കില് പോസ്റ്റിട്ടിരുന്നു. ഈ പോസ്റ്റില് രാജു പി. നായരെ എതിര്ത്ത് കമന്റിടുകയാണ് കോണ്ഗ്രസ് പ്രവര്ത്തകര്. ‘ജാമ്യം കിട്ടിയാലും ഇല്ലെങ്കിലും, ആ അശ്ലീലം ഇനി കേള്ക്കേണ്ടി വരില്ല എന്ന് ഒരു ഗുണമുണ്ട്! ഈശ്വരാ…’ എന്നായിരുന്നു രാജു പി. നായരുടെ പോസ്റ്റ്. ഇതിനാണ് കമന്റ്് ബോക്സില് വിമര്ശനം. രാജു പി. നായരില് നിന്നും ഇതുപോലൊരു പ്രതികരണം പ്രതീക്ഷിച്ചില്ലെന്നാണ് പലരും കമന്റിടുന്നത്. ‘നിങ്ങള്ക്ക് യാഥാര്ഥ്യങ്ങള് അശ്ലീലം ആകുന്നുവെങ്കില്, കണ്ണട മാറ്റേണ്ട സമയം കഴിഞ്ഞു. അയാള് വിളിച്ചുപറഞ്ഞ ഫാക്ട്സ് ഇല്ലായിരുന്നുവെങ്കില്, രാഹുല് എല്ലാവര്ക്കും വെറുക്കപ്പെട്ടവനായേനെ. വഞ്ചകികള് ഇരകളും” എന്നാണ് ഒരു കമന്റ്. ‘ഈ പോസ്റ്റ് രാജു പി. നായരുടെ തന്നാണോ? പ്രതീക്ഷിച്ചില്ല ഇത്തരം ഒരു…
Read More » -
ഗംഭീറിനെ ‘മൈന്ഡ്’ ചെയ്യാതെ കോലി; ടീമില് അടിമുടി പടലപ്പിണക്കമെന്ന് റിപ്പോര്ട്ട്; ഗംഭീറിനെയും അഗാര്ക്കറെയും വിളിച്ചുവരുത്തി ബിസിസിഐ; ടീമിന്റെ ടെസ്റ്റ് പതനത്തിനു പിന്നാലെ നിര്ണായക തീരുമാനങ്ങള് ഉടനെന്നും റിപ്പോര്ട്ട്
റാഞ്ചി: ഏകദിന ക്രിക്കറ്റില്നിന്നു വിരമിക്കുന്നതിനെക്കുറിച്ചുള്ള ചര്ച്ചകള്ക്കു ബാറ്റു കൊണ്ടു മറുപടി നല്കിയതിനു പിന്നാലെ ടീമിലെ പടലപ്പിണക്കങ്ങളെക്കുറിച്ചുള്ള റിപ്പോര്ട്ടുകളും പുറത്ത്. 2027 ലോകകപ്പ് വരെ താരങ്ങള് ടീമില് തുടരുമോ എന്നതു സംബന്ധിച്ച് ഇനിയും വ്യക്തതയില്ല. ഇതുള്പ്പെടെയുള്ള നിര്ണായക തീരുമാനമെടുക്കാന് ബിസിസിഐ അടിയന്തര യോഗം ചേരുന്നതായും റിപ്പോര്ട്ടുണ്ട്. ടീമിന്റെ മുഖ്യപരിശീലകനായ ഗൗതം ഗംഭീറുമായുള്ള ഇരുവരുടെയും ബന്ധം സംബന്ധിച്ചുള്ള റിപ്പോര്ട്ടുകളാണു പുറത്തുവരുന്നത്. ഇരുതാരങ്ങളും ഗംഭീറുമായി ചേര്ച്ചയിലല്ലെന്നാണു ദേശീയ മാധ്യമം പുറത്തുവിട്ട റിപ്പോര്ട്ടിലുള്ളത്. ടെസ്റ്റ് ക്രിക്കറ്റില് നിന്ന് കോലിയും രോഹിതും അപ്രതീക്ഷിതമായി വിരമിക്കല് പ്രഖ്യാപിച്ചതോടെയാണ് ബന്ധത്തില് വിള്ളലുകള് വീണതെന്നാണ് സൂചന. ഇരുവരും ടെസ്റ്റില് വിരമിച്ചത് ടീമിന്റെ ഘടനയെ തന്നെ ബാധിച്ചു. ഇതോടെ ടീമിന്റെ പതനവും ആരംഭിച്ചു. ഓസ്ട്രേലിയന് ഏകദിന മത്സരങ്ങള്ക്കിടെ, രോഹിത്തും സെലക്ഷന് കമ്മിറ്റി ചെയര്മാന് അജിത് അഗാര്ക്കറും തമ്മിലും അത്ര നല്ല ബന്ധത്തിലായിരുന്നില്ലെന്ന് റിപ്പോര്ട്ടില് പറയുന്നു. ടെസ്റ്റില്നിന്നു വിരമിച്ച ശേഷം രോഹിത്തും കോലിയും ആദ്യമായി ഇന്ത്യയ്ക്കു വേണ്ടി കളിച്ചത് ഓസ്ട്രേലിയന് പര്യടനത്തിലാണ്. ദക്ഷിണാഫ്രിക്കന് പരമ്പര തുടങ്ങിയ…
Read More » -
‘മറ്റൊരുത്തന്റെ ഗര്ഭക്കേസില് അതുമായി ബന്ധമില്ലാത്ത ഒരാള് അകത്താകുന്നത് ഇതാദ്യം: രാഹുല് ഈശ്വറിന് ഗിന്നസ് റെക്കോഡ്!’; ‘സഹോദരാ ഒരു 30 സെക്കന്ഡ് തരൂ!’; ട്രോളിക്കൊന്ന് സോഷ്യല് മീഡിയ; ‘വെല്ഡന് മൈ ബോയ്; മിഷന് അക്കംപ്ലീഷ്ഡ്’ എന്ന് സന്ദീപ് വാര്യര്ക്കും പദ്മജ വേണുഗോപാലിന്റെ കൊട്ട്!
കൊച്ചി: രാഹുല് ഈശ്വര് ജയിലിലായതിനു പിന്നാലെ സോഷ്യല് മീഡിയ ആഘോഷ കേന്ദ്രമാക്കി ട്രോളന്മാര്. ‘എന്തൊക്കെയായിരുന്നു? മലപ്പുറം കത്തി, മെഷീന് ഗണ്, അമ്പും വില്ലും’ എന്നു തുടങ്ങുന്ന ട്രോളുകള് ‘മറ്റൊരുത്തന്റെ പീഡനക്കേസിന് ലോകത്ത് ആദ്യമായി അകത്തുപോകുന്ന മറ്റൊരുത്തന്’ എന്നതു വരെയെത്തി. ഇന്നലെ രാവിലെ പൗഡിക്കോണത്തെ വീട്ടില് തെളിവെടുപ്പിനായി കൊണ്ടുവന്നപ്പോഴും രാഹുല് ഈശ്വര് മാധ്യമങ്ങളോട് ഉറക്കെ വിളിച്ചുപറഞ്ഞത് ഇങ്ങനെ. ‘രാഹുല് മാങ്കൂട്ടത്തിലിന് അനുകൂലമായി വീഡിയോ ചെയ്യുന്നത് നിര്ത്തണമെന്നാണ് എന്നോട് ആവശ്യപ്പെട്ടിരിക്കുന്നത്, നിര്ത്തില്ല’ . ഇതിന് പിന്നാലെ കോടതി രാഹുലിനെ റിമാന്ഡ് ചെയ്തതോടെ സൈബറിടത്ത് ട്രോള് പൂരമാണ്. ഇന്നലെ സാറെ എനിക്ക് ഏഴു മണിക്ക് ചര്ച്ചയുണ്ട് എന്നെ വിടുമോ എന്ന് ചോദിച്ച് പോയ ആള് ഇന്ന് ഇനി ജയില് പൊലീസുകാരോട് ‘സാറെ എനിക്ക് ജയിലിലൊരു മുപ്പത് സെക്കന്ഡ് തരുമോ’? എന്ന് ട്രോളുകയാണ് സോഷ്യല് മീഡിയ ജയിലില് നിരാഹാരം പ്രഖ്യാപിച്ച രാഹുല് ഈശ്വര് കൂടുതല മണ്ടത്തരമാണു കാട്ടുന്നതെന്നും ആരോപിച്ചു സോഷ്യല് മീഡിയ രംഗത്തുവന്നു. കേരള ജയില്, കറക്ഷണല്…
Read More »